#Amir_Temur #689_yilligi

Bugun, 9-aprel yurtimizda yirik davlat arbobi, buyuk sarkarda, kuchli va markazlashgan davlat asoschisi, ilm-fan hamda madaniyat homiysi Amir Temur tavalludining navbatdagi yilligi munosabati bilan tantanali tadbir bo‘lib o‘tdi.

Poytaxtimizdagi Amir Temur xiyobonida o‘tgan tadbirda Prezident Administratsiyasi vakillari, Oliy Majlis palatalari a’zolari, vazirlik va idoralar rahbarlari, taniqli yozuvchi va shoirlar, ilm-fan namoyandalari, oliy taʼlim muassasalari professor-o‘qituvchilari, talaba-yoshlar hamda keng jamoatchilik vakillari ishtirok etdi.

Tadbir doirasida Oliy taʼlim, fan va innovatsiyalar vazirligi hamda oliy taʼlim muassasalari jamoasi buyuk sarkarda — Sohibqiron Amir Temur haykali poyiga gullar qo‘yib, ulug‘ bobokalonimiz xotirasiga chuqur hurmat bajo keltirdi.

Amir Temur shaxsiyati, uning davlat boshqaruvidagi donoligi, adolatparvarligi, ilm-fan va madaniyat rivojiga qo‘shgan beqiyos hissasi haqida so‘z yuritildi. Tadbir davomida Amir Temurning shonli hayoti, yurt tinchligi va taraqqiyoti yo‘lida qilgan buyuk ishlariga bag‘ishlangan teatrlashtirilgan sahna ko‘rinishi namoyish etildi.

Bizni kuzating

Facebook | Instagram | YouTube | Telegram

#Prezident_yigʻilish #turizm_investitsiya

– Turizmda oliy ta’limni 4-yildan 3-yilga kamaytirib, dual tizimga o‘tkazdik. Nima uchun?..

Ayni paytda Prezident Shavkat Mirziyoyev raisligida hududlarning turizm salohiyatini yanada oshirish hamda xorijiy hamkorlar bilan amalga oshirilayotgan investitsiya loyihalarini jadallashtirish yuzasidan videoselektor yig‘ilishi bo‘lib o‘tmoqda.

Yig‘ilish davomida davlat rahbari sohada amalga oshirilayotgan ishlarga to‘xtalib, bu yo‘nalishda kelgusida qilinajak ustuvor vazifalarni belgilab berdi. Xususan, mas’ullarga bu yo‘nalishda yangi turizm marshrutini ishlab chiqib, keng targ‘ib qilishni topshirdi.

“Turizmda oliy ta’limni 4-yildan 3-yilga kamaytirib, dual tizimga o‘tkazdik. Nima uchun? Yoshlar ko‘proq amaliy bilim olib, tajriba orttirishi kerak”,

– dedi Prezident.

Masalan, Toshkentdagi Singapur menejment instituti oliygoh hududida 10 qavatli mehmonxona turizm klasteri tashkil qilmoqda. Yiliga 200 nafar talaba, 300 nafar o‘qituvchi mehmonxona boshqaruvi, marketing kabi yo‘nalishda amaliyot o‘tash va malaka oshirish imkoniga ega bo‘ladi.

Dual ta’lim bo‘yicha hududlarda ham yaxshi tajribalarni ko‘paytirish, joriy yilda 500 nafar talabani turizm bo‘yicha amaliyot o‘tash va ishlashga yuborish muhimligi ta’kidlandi.

Bizni kuzating

Facebook | Instagram | YouTube | Telegram