Texnikumlarda 1 nafar ishlab chiqarish ustasiga 20 nafar o‘quvchi nisbati belgilandi

Prezidentning PQ–316-son qaroriga ko‘ra, texnikumlarda bir nafar ishlab chiqarish ta’limi ustasiga to‘g‘ri keladigan o‘quvchilar soni nisbatining cheklangan normativi 1:20 nisbatda belgilandi.

Bunda ushbu tizim:

🔹 2026/2027-o’quv yilida Kasbiy taʻlim agentligi tomonidan tanlangan 50 ta;
🔹 2027/2028-o‘quv yilidan esa qolgan barcha texnikumlarda joriy etiladi.

2026-yil 1-yanvardan boshlab ishlab chiqarish ta’limi ustasi shtat birliklari uchun ajratiladigan ish haqi fondini hisoblashda ishlab chiqarish ta’limi ustasi bazaviy tarif stavkasi umumiy o‘rta ta’lim tashkiloti birinchi malaka toifali o‘qituvchisining bazaviy tarif stavkasiga teng miqdorlarda olinadi.

Shuningdek, texnikum direktoriga ishlab chiqarish ta’limi ustasi shtat birliklari uchun ajratilgan ish haqi fondi doirasida:

➖ ishlab chiqarish ta’limi ustasi shtat birliklari sonini tasdiqlash;
➖ mehnat bozorining amaldagi konyunkturasini hisobga olgan holda, umumiy o‘rta ta’lim tashkiloti birinchi malaka toifali o‘qituvchisining tarif stavkasiga nisbatan har oylik ustama va qo‘shimchalarni mustaqil belgilash huquqi beriladi.

Bunda bir nafar xodimning oylik ish haqi miqdori mehnatga haq to‘lashning eng kam miqdorining 15 baravarigacha belgilanishiga ruxsat beriladi.

Bizni kuzating

Facebook | Instagram | YouTube | Telegram

Endilikda o‘quvchining dual ta’lim shaklida tahsil olgan davri uning umumiy mehnat stajini hisoblashda inobatga olinadi

Prezidentning PQ–316-son qaroriga ko‘ra, 2026/2027-o‘quv yilidan boshlab dual ta’lim shaklida tahsil olayotgan o‘quvchilarning o‘qish davri ularning umumiy mehnat stajiga kiritiladi.

Shuningdek, dual ta’lim tizimida o‘qiyotgan o‘quvchilarga maxsus platforma orqali har oylik stipendiya to‘lash yo‘lga qo‘yiladi.

Bunda:

➖ har oylik stipendiya bazaviy hisoblash miqdorining bir baravari miqdorida belgilanadi;
➖ stipendiya Kasbiy ta’lim agentligi tomonidan texnikumlarga ajratiladi;
➖ agar o‘quvchining kasbiy ko‘nikmalari yoki intizomi qoniqarsiz deb baholansa, stipendiya to‘lovlari to‘xtatiladi.

Dual ta’limdagi o‘quvchilarga to‘lanadigan stipendiya bilan bog‘liq xarajatlar ularning amaliyot o‘tash uchun ajratilgan mablag‘lari hisobidan qoplanadi.

Shuningdek, qarorga muvofiq:

🔹 davlat xaridlarida texnikumlar ishlab chiqargan mahsulot (tovar, ish, xizmat)larga 15 foizlik preferensiya beriladi;
🔹 davlat organlari va tashkilotlariga texnikumlarni jalb etgan holda quyidagi faoliyat yo‘nalishlarini autsorsing asosida tashkil etish huquqi beriladi:

➖ kompyuter texnikalari, isitish, sovutish va elektr energiyasi tizimlari, shunindek, avtotransport vositalariga texnik xizmat ko‘rsatish;
➖ ommaviy axborot vositalarida targ‘ibot ishlarini amalga oshirish;
➖ Kasbiy ta’lim agentligi bilan kelishilgan boshqa yo‘nalishlar.

#Kasbiy_taʼlim #qonunchilik_yangiliklari

Bizni kuzating

Facebook | Instagram | YouTube | Telegram

⚡️Malakali mutaxassislar ekspertlikka taklif etiladi
Prezident Administratsiyasi huzuridagi Taʼlim sifatini taʼminlash milliy agentligi mamlakatimiz taʼlim tizimida sifat, shaffoflik va xalqaro eʼtirofni oshirish maqsadida kasbiy taʼlim tashkilotlari va ta’lim dasturlarini davlat akkreditatsiyasidan oʻtkazish jarayoniga ekspertlarni jalb etadi.
🎯 Maqsad
Kasbiy taʼlim tashkilotlarida taʼlim sifatini, boshqaruv samaradorligini va taʼlim dasturlarining milliy hamda xalqaro standartlarga muvofiqligini baholash orqali taʼlim tashkilotlarida ichki va tashqi mehnat bozori uchun raqobatbardosh kadrlarni tayyorlashni yoʻlga qoʻyish.

📋 Nomzodlarga qoʼyiladigan talablar:
➖Oliy maʼlumotli.
➖Kasbiy taʼlim tizimida va boshqaruv sohasida kamida 3 yillik ish tajribasi.
➖Kasbiy taʼlim tizimida taʼlim dasturlari va oʻquv jarayonlarini tashkil etish boʻyicha ish tajribasi.
➖Tahlil qilish, baholash, hisobot tayyorlash va mustaqil fikrlash salohiyati.
➖Betaraflik, maxfiylik, odob-axloq va manfaatlar toʻqnashuvidan holi boʻlish.
➖Davlat tilini mukammal bilish (xorijiy tillarni bilish ijobiy baholanadi).
➖Axborot-kommunikatsiya texnologiyalari, internet resurslaridan foydalana olish.


⚙️ Faoliyat vazifalari:
▪️har bir ekspert kasbiy taʼlim tashkilotlarining ichki baholash hisobotlarini onlayn tarzda tahlil qiladi:
▪️joyga chiqqan holda tashqi ekspertiza oʻtkazadi;
▪️sifatni yaxshilash boʻyicha tavsiyalar beradi;
▪️hisobot tayyorlaydi.

🌍 Imkoniyatlar:
➖ Xalqaro akkreditatsiya tashkilotlari oʻquv-treninglarida qatnashish.
➖ Mahalliy va xalqaro miqyosda tan olingan sertifikatga ega boʻlish.
➖ Taʼlim sifatini taʼminlash boʻyicha xalqaro tarmoqda hamkorlik qilish va malaka oshirish.
➖ Oʻzbekiston kasbiy taʼlim tizimida sifat madaniyatini rivojlantirishga hissa qoʻshish.

📚 Taʼlim sohalari
➖Taʼlim
➖ Sanʼat
➖ Gumanitar fanlar (tillardan tashqari)
➖ Jurnalistika va axborot
➖ Biznes va boshqaruv
➖ Huquq
➖ Atrof-muhit
➖ Fizika va tabiiy fanlar
➖ Axborot-kommunikatsiya texnologiyalari
➖ Muhandislik ishi
➖ Ishlab chiqarish va ishlov berish sohalari
➖ Arxitektura va qurilish
➖ Qishloq xoʻjaligi
➖ Oʻrmon xoʻjaligi
➖ Baliq xoʻjaligi
➖ Veterinariya
➖ Sogʻliqni saqlash
➖ Ijtimoiy taʼminot
➖ Xizmat koʻrsatish sohasi
➖ Gigiyena va ishlab chiqarishda mehnat muhofazasi
➖ Xavfsizlik xizmati
➖ Transport xizmatlari

📌 Ekspertlar faoliyati shartnoma asosida amalga oshiriladi hamda asosiy ish joyidagi ish haqi saqlangan holda qoʻshimcha haq toʻlanadi.
📨 Ariza topshirish tartibi
Ekspertlik faoliyatida ishtirok etishni istagan nomzodlar hujjatlari (batafsil obyektivka va yoki CV, aloqa maʼlumotlari bilan)ni experts@nqaae.uz elektron manziliga yuborishlari lozim.

📌 Hurmatli mutaxassislar!
Sizning bilim va tajribangiz Oʻzbekiston kasbiy taʼlim tizimini yangi bosqichga olib chiqish, ichki va tashqi mehnat bozorini raqobatbardosh kadrlar bilan taʼminlash hamda 3-Renessansni qurishda muhim ahamiyatga ega.

Murojaat uchun:
Manzil: Toshkent shahri, Universitet koʻchasi, 7.
Telefon: +998 97 131 44 99
Elektron pochta: experts@nqaae.uz