#Seminar_trening_DARYA_SCAFFOLD loyihasi doirasida

O‘qish amaliyotga aylanganda 🎓.

Curriculum globALE — Xalqaro Kattalar ta’limi va o‘qishi global dasturi bitiruvchisini taqdim etamiz.

🔺Kasbiy ta’limni rivojlantirish instituti dotsenti Botir Haydarov dasturning to‘liq kursini, jumladan, "Kattalar ta’limi va o’qishining onlayn transformatsiyasi: zamonaviy interaktiv vositalar" fakultativ modulini muvaffaqiyatli yakunladi.

🔺2026-yil aprel oyida (27-29-aprel) u ishlab chiqarish ta’limi ustalarini tayyorlashga qaratilgan o‘qituvchilarni kasbiy rivojlantirish bo‘yicha xalqaro treningda (Olmaota, Qozog‘iston 🇰🇿) ishtirok etib, olgan bilimlarini amalda qo‘lladi.

🔺Tadbir DARYA SCAFFOLD loyihasi doirasida bo‘lib o‘tdi. Trening doirasida Botir Haydarov bir qator taqdimotlar o‘tkazib, shakllangan asosiy kompetensiyalarni namoyish etdi:

⏺Kattalar auditoriyasi bilan samarali ishlash 👥;

⏺Raqamli va onlayn vositalardan foydalanish 💻;

⏺Sun’iy intellekt texnologiyalarini ta’lim jarayoniga joriy etish 🤖.

📖 Uning ma’ruzalari xalqaro ekspertlar va ishtirokchilar tomonidan yuqori baholanib, Curriculum globALEda belgilangan yondashuvlarning amaliy ahamiyati va zarurligini tasdiqladi.

"Curriculum globALE doirasida ta’lim olish menga katta yoshdagilar bilan ishlashning tizimli tushunchasini berdi. Bu bilimlar bugunoq ta’limni yanada samarali tashkil etishga va auditoriyaning haqiqiy ehtiyojlariga e’tibor qaratishga yordam beradi," — deydi Botir Haydarov.

📚 Biz nafaqat kasbiy rivojlanishini davom ettirayotgan, balki kattalar ta’limi sifatini oshirish va hayot davomida ta’lim tizimlarini rivojlantirishga hissa qo‘shayotgan bitiruvchilarimizning muvaffaqiyatlaridan faxrlanamiz! ✨

Sahifalarimizga obuna bo'ling!

✈️ Telegram | 🌐 Instagram | 🌐 Web | ▶️ Youtube | 🗳 Facebook

#DSc #himoya

🎓 Navbatdagi fan doktorlik dissertatsiyalari muvaffaqiyatli himoya qilindi.

Kasbiy ta'limni rivojlantirish instituti huzuridagi DSc.02/2025.27.12.Ped.01.01 raqamli ilmiy darajalar beruvchi Ilmiy kengash yig‘ilishi bo‘lib o‘tdi.

✍️ Unda institutning doktorantlari Otabayev Iskandar Abdugʻaniyevichning “Kasbiy ta’lim tashkilotlarida o‘qitishning kredit-modul tizimini joriy etish texnologiyasi” mavzusidagi hamda Kadirova Gulnora Xasanovnaning "Shaxsga yo‘naltirilgan ta’lim asosida o‘quvchilarni mustaqil kasbiy faoliyatga tayyorlash metodikasini takomillashtirish" mavzusidagi 13.00.05 — “Kasb-hunar ta'limi nazariyasi va metodikasi” ixtisosligi bo‘yicha pedagogika fanlari doktori (DSc) ilmiy darajasini olish uchun tayyorlangan dissertatsiyalar himoyasi o'tkazildi.

🔗 Himoya jarayonlarida tadqiqot ishlarining dolzarbligi, ilmiy yangiligi va amaliy ahamiyati muhokama qilinib, ilgari surilgan g‘oya va takliflar yuzasidan savol-javoblar hamda ilmiy bahs-munozaralar olib borildi.

↗️ Institut huzurida tashkil etilayotgan mazkur dissertatsiya himoyalari kasbiy ta’lim tizimida zamonaviy pedagogik yondashuvlarni rivojlantirish, innovatsion metodikalarni shakllantirish hamda ta’lim jarayonining ilmiy-nazariy asoslarini yanada mustahkamlashga xizmat qiladi.

Sahifalarimizga obuna bo'ling!

✈️ Telegram | 🌐 Instagram | 🌐 Web | ▶️ Youtube | 🗳 Facebook

#xalqaro_talim_dasturi #uchrashuv

Kasbiy ta’limda Shveysariya bilan hamkorlik yangi bosqichi

🔺2026 yil 4 may kuni Kasbiy ta’limni rivojlantirish institutida Shveysariyaning rasmiy tashrifi doirasida Shveysariya Taraqqiyot va Hamkorlik Agentligi (SDC) rahbariyati bilan uchrashuv bо‘lib о‘tdi.

🔺Unda Kasbiy ta’lim agentligi boshqarma boshlig’i F.Azimov, Kasbiy ta’limni rivojlantirish instituti direktori X.Kadirov hamda Shveysariya Taraqqiyot va Hamkorlik Agentligi (SDC) rahbariyati ishtirok etdi.

🔺Uchrashuvda О‘zbekiston kasbiy ta’lim tizimida amalga oshirilayotgan islohotlar muhokama qilinib, “О‘zbekistonda kasbiy ta’lim islohotlarini qо‘llab-quvvatlash (VET4UZ)” loyihasining II bosqichi boshlangani alohida ta’kidlandi.

✅ Muhokamalar davomida:
loyihaning I bosqichida erishilgan asosiy natijalar va xulosalar, II bosqich doirasidagi kelgusi hamkorlik yо‘nalishlari, kasbiy kо‘nikmalarni rivojlantirish, institusional salohiyatni mustahkamlash hamda kasbiy ta’limni mehnat bozori talablariga yanada moslashtirish masalalari kо‘rib chiqildi.

🔺Uchrashuv Shveysariya va О‘zbekiston о‘rtasidagi mustahkam hamkorlikni yana bir bor tasdiqlab, zamonaviy, sifatli va talabga javob beruvchi dual kasbiy ta’lim tizimini rivojlantirishga qaratilgan umumiy maqsadlarni aks ettirdi.

Sahifalarimizga obuna bo'ling!

✈️ Telegram | 🌐 Instagram | 🌐 Web | ▶️ Youtube | 🗳 Facebook