#xalqaro_talim_dasturi #uchrashuv

Kasbiy ta’limda Shveysariya bilan hamkorlik yangi bosqichi

🔺2026 yil 4 may kuni Kasbiy ta’limni rivojlantirish institutida Shveysariyaning rasmiy tashrifi doirasida Shveysariya Taraqqiyot va Hamkorlik Agentligi (SDC) rahbariyati bilan uchrashuv bо‘lib о‘tdi.

🔺Unda Kasbiy ta’lim agentligi boshqarma boshlig’i F.Azimov, Kasbiy ta’limni rivojlantirish instituti direktori X.Kadirov hamda Shveysariya Taraqqiyot va Hamkorlik Agentligi (SDC) rahbariyati ishtirok etdi.

🔺Uchrashuvda О‘zbekiston kasbiy ta’lim tizimida amalga oshirilayotgan islohotlar muhokama qilinib, “О‘zbekistonda kasbiy ta’lim islohotlarini qо‘llab-quvvatlash (VET4UZ)” loyihasining II bosqichi boshlangani alohida ta’kidlandi.

✅ Muhokamalar davomida:
loyihaning I bosqichida erishilgan asosiy natijalar va xulosalar, II bosqich doirasidagi kelgusi hamkorlik yо‘nalishlari, kasbiy kо‘nikmalarni rivojlantirish, institusional salohiyatni mustahkamlash hamda kasbiy ta’limni mehnat bozori talablariga yanada moslashtirish masalalari kо‘rib chiqildi.

🔺Uchrashuv Shveysariya va О‘zbekiston о‘rtasidagi mustahkam hamkorlikni yana bir bor tasdiqlab, zamonaviy, sifatli va talabga javob beruvchi dual kasbiy ta’lim tizimini rivojlantirishga qaratilgan umumiy maqsadlarni aks ettirdi.

Sahifalarimizga obuna bo'ling!

✈️ Telegram | 🌐 Instagram | 🌐 Web | ▶️ Youtube | 🗳 Facebook

#BTEC #xalqaro_dastur

Xalqaro BTEC dasturi doirasida navbatdagi malaka oshirish boshlandi

🔺Joriy yilning 4-15-may kunlari Kasbiy ta’limni rivojlantirish institutida “Pearson Education Limited” kompaniyasi ekspertlari – Saymon Toplis, Neil Uotkins, Saymon Guldon va Jois Xarvi ishtirokida “BTEC Educator” mavzusida amaliy seminar o‘tkazilmoqda.

🔺Ushbu seminar ikki bosqichda tashkil etilishi rejalashtirilgan bo‘lib, birinchi bosqich 4-8-may, ikkinchi bosqich 11-15-may kunlariga mo‘ljallangan. Unda xalqaro ta’lim dasturlari joriy etilgan 14 ta texnikumdan jami 170 nafar pedagoglar hamda 12 nafar Institut mutaxassislari ishtirok etmoqda.

🔺Tadbirning asosiy maqsadi o‘quv jarayonini xalqaro standartlar asosida tashkil etish, ta’lim sifatini oshirish, o‘quvchilarning o‘zlashtirish ko‘rsatkichlarini monitoring qilish va tahlil etish, shuningdek baholash tizimini takomillashtirishdan iborat.

Sahifalarimizga obuna bo'ling!

✈️ Telegram | 🌐 Instagram | 🌐 Web | ▶️ Youtube | 🗳 Facebook

#konferensiya

Kasblar festivali doirasida respublika ilmiy-amaliy konferensiya bo‘lib o‘tdi.


🔺Joriy yilning 5-may kuni “Kasblar festivali” doirasida “Kasbiy ta’limda ilg‘or xalqaro tajribalar asosida kadrlar tayyorlashni sifat jihatidan yangi bosqichga ko‘tarishning dolzarb muammolari, yechimlari va istiqbollari” mavzusida respublika ilmiy-amaliy konferensiya tashkil etildi.

🔺Mazkur anjumanda kasbiy ta’lim tizimini rivojlantirish yo‘nalishida faoliyat yuritayotgan xorijiy ekspertlar, soha mutaxassislari hamda professor-o‘qituvchilar ishtirok etdilar.

🔺Konferensiyaning birinchi qismi “Alpomish” muz saroyida o‘tkazilib, kunning ikkinchi yarmida sho‘ba yig‘ilishlari Kasbiy ta’limni rivojlantirish institutida davom ettirildi.

🔺Tadbir yakunida faol ishtirok etgan eng yaxshi 10 nafar ilmiy maqola mualliflari munosib rag‘batlantirildi.

Sahifalarimizga obuna bo'ling!

✈️ Telegram | 🌐 Instagram | 🌐 Web | ▶️ Youtube | 🗳 Facebook