📝 Kasbiy ta’limni rivojlantirish institutida 2026-yil 18-iyun kuni “Yangi O‘zbekistonda kasbiy ta’lim tizimini modernizatsiyalash: islohotlar, muammolar va istiqbollar” mavzusida Respublika ilmiy-amaliy konferensiyasi bo‘lib o‘tdi.

🔺Ushbu konferensiyada kasbiy ta’lim sohasida institutsional yaxlitlik va boshqaruv tizimi samaradorligini oshirish, xalqaro ta’lim dasturlarini joriy etish hamda ichki va tashqi mehnat bozori talablariga mos raqobatbardosh o‘rta bo‘g‘in kadrlari tayyorlash tizimini isloh qilishdagi muammolarni ilmiy jihatdan tahlil qilish va ularga ilmiy yechimlar topish masalalari ko‘rib o‘tidi.

🔺Mazkur anjumanda Kasbiy ta’limni rivojlantirish instituti rahbariyati, professor-o'qituvchilari, ilmiy izlanuvchilar, Respublikamizning turli hududlaridan soha mutaxassislari, Kasbiy ta’lim muassasalari direktorlari va o‘qituvchilari ham o‘z ma’ruzalari bilan ishtirok etdilar.

🔺 Anjuman yakunida kasbiy ta’lim tizimida xalqaro ta’lim dasturlari asosida kasbiy ta’lim muassasalarining yangi qiyofasini yaratish va kadrlar tayyorlashni sifat bosqichiga olib chiqish muammo va yechimlari hamda ta’lim samaradorligini oshirishga xizmat qiladigan tavsiyalar anjuman qatnashchilariga taqdim etildi.

Sahifalarimizga obuna bo'ling!

✈️ Telegram | 🌐 Instagram | 🌐 Web | ▶️ Youtube | 🗳 Facebook

#uchrashuv

UNESCOning O'zbekistondagi vakolatxonasi bilan hamkorlik istiqbollari muhokama qilindi

🎹 Kasbiy ta'limni rivojlantirish instituti direktori Kadirov Xayot Sharipovich UNESCOning O'zbekistondagi vakolatxonasi rahbari Sara Noshadi xonim bilan uchrashdi.

❗️ Uchrashuv davomida UNESCOning kasbiy ta'lim sohasidagi xalqaro tajribasi, TVET tizimini rivojlantirish, pedagog kadrlarning kasbiy salohiyatini oshirish, ta'lim sifati va baholash tizimlarini takomillashtirish, shuningdek raqamli kompetensiyalar hamda yashil ko'nikmalarni rivojlantirish masalalari muhokama qilindi.

Shuningdek, kasbiy ta'lim muassasalari faoliyatini xalqaro standartlar asosida takomillashtirish, UNESCO-UNEVOC tarmog'i doirasida hamkorlikni kengaytirish, mikro-malakalar tizimini joriy etish hamda qo'shma ilmiy-tadqiqot loyihalarini amalga oshirish yuzasidan fikr almashildi.

✅ Tomonlar kasbiy ta'limni rivojlantirish sohasidagi istiqbolli hamkorlik imkoniyatlari, qo'shma loyihalar va kelgusidagi hamkorlik rejalari yuzasidan muzokaralar olib bordilar.

Sahifalarimizga obuna bo'ling!

✈️ Telegram | 🌐 Instagram | 🌐 Web | ▶️ Youtube | 🗳 FacebookX

#malaka_oshirish

🔺Kasbiy ta'lim tizimida malaka oshirish jarayonlari muhokama qilindi

🗓 2026-yil 22-iyun kuni Kasbiy ta'limni rivojlantirish institutida Toshkent shahridagi barcha texnikumlar uchun my.moqt.uz elektron platformasida ishlash bo'yicha amaliy seminar-trening bo'lib o'tdi.

👥 Tadbir ishtirokchilari:
✍️ o'quv ishlari bo'yicha direktor o'rinbosarlari
✍️ kadrlar bo'yicha inspektorlar
✍️ ta'lim sifatini ta'minlash bo'yicha bosh mutaxassislar

📋 Asosiy e'tibor qaratilgan yo'nalishlar:
❗️ my.moqt.uz platformasi imkoniyatlaridan to'liq va samarali foydalanish
❗️ rahbar va pedagog kadrlar to'g'risidagi ma'lumotlarni muntazam yangilab borish
❗️ malaka oshirishni aniq rejalashtirish va mas'uliyatni kuchaytirish

✅Tadbir O'zbekiston Respublikasi Prezidentining 2025-yil 23-oktabrdagi "Kasbiy ta'lim tizimida islohotlarni amalga oshirish chora-tadbirlari to'g'risida"gi PQ-316-son qarori ijrosini samarali ta'minlashga qaratildi.

✅Seminar yakunida joriy yilning sentabr oyidan boshlab rahbar va pedagog kadrlarni qayta tayyorlash hamda malakasini oshirish jarayonlarini yanada samarali tashkil etish bo'yicha aniq vazifalar belgilandi.

Sahifalarimizga obuna bo'ling!

✈️ Telegram | 🌐 Instagram | 🌐 Web | ▶️ Youtube | 🗳 Facebook