#uchrashuv

UNESCOning O'zbekistondagi vakolatxonasi bilan hamkorlik istiqbollari muhokama qilindi

🎹 Kasbiy ta'limni rivojlantirish instituti direktori Kadirov Xayot Sharipovich UNESCOning O'zbekistondagi vakolatxonasi rahbari Sara Noshadi xonim bilan uchrashdi.

❗️ Uchrashuv davomida UNESCOning kasbiy ta'lim sohasidagi xalqaro tajribasi, TVET tizimini rivojlantirish, pedagog kadrlarning kasbiy salohiyatini oshirish, ta'lim sifati va baholash tizimlarini takomillashtirish, shuningdek raqamli kompetensiyalar hamda yashil ko'nikmalarni rivojlantirish masalalari muhokama qilindi.

Shuningdek, kasbiy ta'lim muassasalari faoliyatini xalqaro standartlar asosida takomillashtirish, UNESCO-UNEVOC tarmog'i doirasida hamkorlikni kengaytirish, mikro-malakalar tizimini joriy etish hamda qo'shma ilmiy-tadqiqot loyihalarini amalga oshirish yuzasidan fikr almashildi.

✅ Tomonlar kasbiy ta'limni rivojlantirish sohasidagi istiqbolli hamkorlik imkoniyatlari, qo'shma loyihalar va kelgusidagi hamkorlik rejalari yuzasidan muzokaralar olib bordilar.

Sahifalarimizga obuna bo'ling!

✈️ Telegram | 🌐 Instagram | 🌐 Web | ▶️ Youtube | 🗳 FacebookX

#malaka_oshirish

🔺Kasbiy ta'lim tizimida malaka oshirish jarayonlari muhokama qilindi

🗓 2026-yil 22-iyun kuni Kasbiy ta'limni rivojlantirish institutida Toshkent shahridagi barcha texnikumlar uchun my.moqt.uz elektron platformasida ishlash bo'yicha amaliy seminar-trening bo'lib o'tdi.

👥 Tadbir ishtirokchilari:
✍️ o'quv ishlari bo'yicha direktor o'rinbosarlari
✍️ kadrlar bo'yicha inspektorlar
✍️ ta'lim sifatini ta'minlash bo'yicha bosh mutaxassislar

📋 Asosiy e'tibor qaratilgan yo'nalishlar:
❗️ my.moqt.uz platformasi imkoniyatlaridan to'liq va samarali foydalanish
❗️ rahbar va pedagog kadrlar to'g'risidagi ma'lumotlarni muntazam yangilab borish
❗️ malaka oshirishni aniq rejalashtirish va mas'uliyatni kuchaytirish

✅Tadbir O'zbekiston Respublikasi Prezidentining 2025-yil 23-oktabrdagi "Kasbiy ta'lim tizimida islohotlarni amalga oshirish chora-tadbirlari to'g'risida"gi PQ-316-son qarori ijrosini samarali ta'minlashga qaratildi.

✅Seminar yakunida joriy yilning sentabr oyidan boshlab rahbar va pedagog kadrlarni qayta tayyorlash hamda malakasini oshirish jarayonlarini yanada samarali tashkil etish bo'yicha aniq vazifalar belgilandi.

Sahifalarimizga obuna bo'ling!

✈️ Telegram | 🌐 Instagram | 🌐 Web | ▶️ Youtube | 🗳 Facebook

#uchrashuv

KASBIY TA’LIMNI RIVOJLANTIRISH INSTITUTINI TRANSFORMATSIYA QILISH BO‘YICHA HAMKORLIK KUCHAYTIRILMOQDA

🗓 2026-yil 24-iyun kuni Kasbiy ta’limni rivojlantirish institutini zamonaviy va samarali ta’lim markaziga aylantirishga qaratilgan institutsional rivojlanish bo‘yicha seminar bo‘lib o‘tdi.
 
🔺Seminarda Kasbiy ta’lim agentligi, Institut xodimlari, Germaniya xalqaro hamkorlik jamiyati (GIZ), Helvetas, Germaniya kasbiy ta’lim federal instituti (BIBB), UNESCO, KOICA, KfW, Osiyo taraqqiyot banki (OTB), Jahon banki, Niras, DVV International va boshqa hamkor tashkilotlar vakillari ishtirok etishdi.

🔺 Seminarning asosiy maqsadi Institutining kelajakdagi rivojlanish va transformatsiya yo‘nalishlari bo‘yicha umumiy qarashni shakllantirish hamda hamkorlarning ushbu jarayondagi hissasini muvofiqlashtirishdan iborat bo‘ldi.

Shuningdek, Institut tomonidan transformatsiya konsepsiyasi taqdim etilib, uning bugungi holati va kelajakdagi rivojlanish modeli muhokama qilindi. Xalqaro hamkorlar o‘zlarining amaldagi va rejalashtirilayotgan tashabbuslarini taqdim etdilar.

💠 Muhokamalar natijasida Institutning transformatsiya jarayonini qo‘llab-quvvatlash bo‘yicha hamkor tashkilotlarning mavjud va rejalashtirilgan faoliyatlari hamda keyingi qadamlar yuzasidan umumiy kelishuvga erishildi.

✅ Tadbir doirasida Germaniya xalqaro hamkorlik jamiyati (GIZ) va Kasbiy ta’limni rivojlantirish instituti o‘rtasida Hamkorlik memorandumi imzolandi. Mazkur hujjat tomonlarning kasbiy ta’lim tizimini rivojlantirish, institut salohiyatini mustahkamlash hamda islohotlarni qo‘llab-quvvatlash borasidagi hamkorligini yanada kengaytirishga xizmat qiladi.

Sahifalarimizga obuna bo'ling!

✈️ Telegram | 🌐 Instagram | 🌐 Web | ▶️ Youtube | 🗳 Facebook

🗣Kasbiy ta’limni rivojlantirish instituti va SFUVET o‘rtasida hamkorlik uchrashuvi bo‘lib o‘tdi

💠2026-yil 24-iyun kuni Kasbiy ta’limni rivojlantirish institutida Shveysariyaning Kasbiy ta’lim va trening bo‘yicha federal universiteti (SFUVET), Kasbiy ta’limni rivojlantirish instituti hamda Helvetas VET4UZ loyihasi vakillari ishtirokida hamkorlik uchrashuvi tashkil etildi.

💠Jumladan, Kasbiy ta’limni rivojlantirish instituti direktori Kadirov Xayot Sharipovich va boshqa vakillari, VET4UZ loyihasi rahbari Simone Strasburger, Shveytsariya SFUVET tashkilotining katta maslahatchisi va katta o‘qituvchisi Emanuel Wuthrich hamda VET4UZ loyihasining ta’lim samaradorligi bo‘yicha katta eksperti Shukhrat Kamolov o‘z taqdimotlari bilan qatnashdilar.

🔵 Uchrashuv davomida kasbiy ta’lim pedagoglarini amaliy faoliyatga samarali tayyorlash, kompetensiyaga asoslangan ta’limni joriy etish, SFUVETning innovatsion pedagogik yondashuvlarini O‘zbekiston sharoitiga moslashtirish hamda pedagoglarning kasbiy salohiyatini rivojlantirish masalalari muhokama qilindi. Shuningdek, ushbu yo‘nalishlardagi hamkorlikni yanada takomillashtirish maqsadida mavjud yo‘l xaritasini qayta ko‘rib chiqish va mukammallashtirish bo‘yicha kelishuvga erishildi.

✅Tomonlar kompetensiyaga asoslangan ta’limni keng joriy etish, tajriba almashish va kelgusidagi qo‘shma tashabbuslarni amalga oshirish bo‘yicha hamkorlikni yanada mustahkamlashga kelishib oldilar.

Sahifalarimizga obuna bo'ling!

✈️ Telegram | 🌐 Instagram | 🌐 Web | ▶️ Youtube | 🗳 Facebook