#uchrashuv

Kasbiy taʼlim sohasida xalqaro hamkorlikning yangi bosqichi

💠 Joriy yilning 5 oktabr kuni Kasbiy taʼlimni rivojlantirish institutida Qozogʻiston Respublikasining “Xalqaro taʼlim va innovatsiyalar markazi” rahbari Abzal Aiman boshchiligida tashrif buyurgan 10 dan ortiq kollej direktorlari va direktor oʻrinbosarlaridan iborat delegatsiya bilan uchrashuv boʻlib oʻtdi.

🔺 Uchrashuv davomida ikki davlatda kasbiy taʼlim sohasida amalga oshirilayotgan islohotlar, mavjud yondashuvlar va istiqboldagi vazifalar muhokama qilinib, sohadagi ilgʻor tajribalarni oʻzaro oʻrganish va amaliyotga tatbiq etish boʻyicha qator takliflar bildirilib, hamkorlikni kengaytirish boʻyicha kelishuvlarga erishildi.

Shuningdek, Kasbiy taʼlimni rivojlantirish instituti va “Xalqaro taʼlim va innovatsiyalar markazi” oʻrtasida kasbiy taʼlim sohasida hamkorlikni rivojlantirishga qaratilgan hamkorlik toʻgʻrisidagi bitim imzolandi.

Mazkur uchrashuv Oʻzbekiston va Qozogʻiston oʻrtasida kasbiy taʼlim sohasida oʻzaro tajriba almashish va amaliy hamkorlikni yangi bosqichga olib chiqish uchun muhim qadam boʻldi.

Sahifalarimizga obuna bo‘ling!

✈️Telegram | 🌐Instagram | 🌐Web | ▶️Youtube | 🗳Facebook

Xalqaro BTEC dasturi doirasida navbatdagi malaka oshirish kurslari davom etmoqda
 
🔺 Joriy yilning 5-oktabridan boshlab Kasbiy ta’limni rivojlantirish institutida “Pearson Education Limited” kompaniyasi ekspertlari ishtirokida xalqaro BTEC dasturi doirasida navbatdagi malaka oshirish kurslari tashkil etilmoqda.

🔺 Bir hafta davom etadigan mazkur malaka oshirish kurslarida Muhandislik, Sog‘liqni saqlash va ijtimoiy parvarish, Sayohat va turizm hamda Axborot texnologiyalari yo‘nalishlari bo‘yicha 8 ta guruhda jami 165 nafar texnikum o‘qituvchisi va Institutning 5 nafar mutaxassisi ishtirok etmoqda.

✅ Kurslarning asosiy maqsadi - o‘quv jarayonini xalqaro standartlar asosida tashkil etish, ta’lim sifatini oshirish, o‘quvchilarning o‘zlashtirish ko‘rsatkichlarini monitoring qilish va tahlil etish, shuningdek, baholash tizimini takomillashtirish bo‘yicha pedagoglarning kasbiy kompetensiyalarini rivojlantirishdan iborat.

✅ Mazkur malaka oshirish kurslari xalqaro tajribani kasbiy ta’lim tizimiga samarali joriy etish, pedagoglarning zamonaviy yondashuv va baholash metodikalarini o‘zlashtirish hamda BTEC dasturlari asosida ta’lim sifatini yanada oshirishga xizmat qiladi.

Sahifalarimizga obuna bo‘ling!

✈️Telegram | 🌐Instagram | 🌐Web | ▶️Youtube | 🗳Facebook

Xalqaro BTEC dasturlari doirasida navbatdagi seminar-trening yakunlandi

🔺Joriy yilning 5–9-oktabr kunlari Kasbiy ta’limni rivojlantirish institutida “Pearson Education Limited” kompaniyasining 8 nafar ekspertlari ishtirokida xalqaro BTEC dasturlarini joriy etish jarayonini metodik jihatdan qo‘llab-quvvatlashga qaratilgan navbatdagi seminar-trening muvaffaqiyatli yakunlandi.

🔺Seminar-trening davomida texnikum pedagoglari va mutaxassislarining xalqaro ta’lim standartlari asosida o‘quv jarayonini tashkil etish, o‘quvchilarning bilim va ko‘nikmalarini baholash hamda ta’lim sifatini oshirish borasidagi kasbiy kompetensiyalarini rivojlantirishga alohida e’tibor qaratildi.

✅ Mazkur tadbir xalqaro BTEC dasturlarini ta’lim jarayoniga samarali tatbiq etish, pedagoglarning metodik salohiyatini mustahkamlash va kasbiy ta’lim sifatini xalqaro talablar darajasiga olib chiqishda muhim ahamiyat kasb etadi.

Sahifalarimizga obuna bo‘ling!

✈️Telegram | 🌐Instagram | 🌐Web | ▶️Youtube | 🗳Facebook