✅6-mart kuni Kasbiy ta’lim muassasalari o‘rtasida YUNESKO ekspertlari tomonidan o'tkazilgan o‘zaro baholash natijalari taqdim etildi.

📚🎯 Ushbu tadbir Professional ta’limni rivojlantirish institutida tashkil etilidi va mutasaddi tashkilot rahbarlari, ta’lim muassasalari vakillari hamda YUNESKO ekspertlari ishtirok etib, 2024-yilning sentyabr oyidan 2025-yilning mart oyigacha davom etgan o‘zaro baholash jarayonlari, asosiy natijalar va kelajakdagi tavsiyalar yuzasidan fikr almashishdi.

📈Muhokama chog‘ida o‘zaro baholash jarayonining ta’lim sifatini oshirishdagi o‘rni, mezbon va mehmon ta’lim muassasalarining tajribasi, shuningdek, vazirlik va hududiy boshqarmalarning ushbu jarayondagi roli kabi muhim masalalar sifatida ko‘rib chiqildi. Baholash natijalari va kelgusidagi yo‘nalishlar bo‘yicha aniq tavsiyalar berildi.

Eslatib o'tamiz, o'zaro baholash 🇪🇺Yevropa Ittifoqi moliyalashtirgan “O‘zbekiston qishloq joylarida ishga joylashish ko‘nikmalarini rivojlantirish” loyihasi doirasida amalga oshirilmoqda.

🇺🇳YUNESKO Hayot davomidagi ta'lim instituti (Institute for Lifelong Learning) bilan hamkorlikda O‘zbekistondagi professional ta'lim o‘qituvchilarining raqamli ko‘nikmalarini rivojlantirishda davom etmoqda. 11-13 mart kunlari O‘zbekiston Oliy ta'lim, fan va Innovatsiyalar hamda Raqamli texnologiyalar vazirligi, Ijtimoiy himoya milliy agentligi huzuridagi Xalqaro inklyuziv hubi, Professional ta'limni rivojlantirish instituti hamda Professional tayyorlov markazlarining vakillari ishtirokida milliy seminar tashkil etildi. Seminar davomida DELTA o‘quv modullarini O‘zbekiston ta’lim tizimiga moslashtirish va sinov tajribalarini amalga oshirish bo‘yicha takomillashtirilgan yo‘nalishlar ko‘rib chiqildi.

💻Seminarda ekspertlar tomonidan ma'ruzalar, modullarni rivojlantirishning eng muhim sohalariga e’tibor qaratish, hamkorlikdagi kengashlar va amaliy mashg'ulotlar o‘tkazildi va manfaatdor tomonlar tomonidan dastur O‘zbekiston maqsadlariga mos kelishini ta'minlash maqsadida tahliliy muhokamalar amalga oshirildi