#Belarus #malaka_oshirish

🔺Belarus Respublikasida O‘zbekiston kasbiy ta’lim muassasalari boshqaruv va pedagog kadrlari uchun malaka oshirish kurslari o‘z ishini boshladi

🔺Belarus Respublikasi Ta’lim vazirligi va O‘zbekiston Respublikasi Oliy ta’lim, fan va innovatsiyalar vazirligi o‘rtasida 2024 yil 30 aprelda tasdiqlangan “2024-2025 yillarda kasbiy ta’limini rivojlantirish bo‘yicha hamkorlikni amalga oshirish” Yo‘l xaritasiga muvofiq 2025 yilning 1 aprelidan boshlab Belarus Respublikasining Professional ta’limni rivojlantirish instituti va professional ta’lim muassasalarida O‘zbekiston Respublikasi kasbiy ta’lim muassasalarining 23 nafar boshqaruv va pedagog kadrlari uchun bir haftalik malaka oshirish kursi o‘tkazilmoqda.

🔺Malaka oshirish kursida kasbiy ta’lim muassasalari boshqaruv va pedagog kadrlari uchun ta’lim dasturlarini ishlab chiqishda kasbiy standartlar talablarini inobatga olish, ta’lim jarayoniga xalqaro ta’lim dasturlarini joriy etish, kasbiy ta’lim muassasalarida professional tayyorgarlik markazlari (kompetensiya markazlari)ni tashkil etish va o‘qitishning tarmoq shaklini joriy etish masalalari yoritiladi va muhokama etiladi.

🔺Kurs davomida tinglovchilar avtomobillarni ishlatish, ta’mirlash va texnik xizmat ko‘rsatish, metallga ishlov berish, qayta tiklanuvchan energiya manbalari, nashriyot-matbaa, tikuvchilik kabi yo‘nalishlar bo‘yicha kollejlar huzurida tashkil etilgan kompetensiya markazlari va laboratoriyalari bazalarida amaliy mashg‘ulotlar tashkil etiladi.

🔺Malaka oshirish yakuni bo‘yicha tinglovchilarga tegishli sertifikatlar beriladi.

|Bizni kuzatib boring

🌐Veb-sayt |✅Facebook |✅Telegram| 📹Youtube