#PrezidentTopshirigʻiIjrosi
#dual_ta’lim

Andijonda dual ta’lim tajribasi o‘rganilmoqda

Toshkent shahridagi texnikum direktorlaridan iborat delegatsiya Andijon viloyatida bo‘lib, dual ta’lim tizimi joriy etilgan korxonalar faoliyati bilan tanishdi.

Delegatsiya “K&M Motors”, “Uz Dong Won Co”, “ADM Electrics”, “Asaka Tekstil”, “Uz Austem” va “Yaque” kabi korxonalarda bo‘lib, o‘quvchilar uchun yaratilgan shart-sharoitlar, amaliyot jarayonlari va ta’lim-ishlab chiqarish integratsiyasining amaliy jihatlarini o‘rgandi.

Tashrif davomida ishtirokchilar dual ta’limning samarali yo‘lga qo‘yilishi, talabalarning ishlab chiqarish muhitidagi tajriba orttirishi, kadrlar tayyorlashdagi yangi yondashuvlar bilan yaqindan tanishdilar. Bu tajriba boshqa hududlar uchun ham amaliy ahamiyatga ega.

Bizni kuzating

Facebook | Instagram | YouTube | Telegram

#Xizmat_safari

Qoraqalpogʻistonda texnikumlar faoliyati tanqidiy tahlil qilindi

Joriy yilning 3-may kuni Qoraqalpogʻiston Respublikasidagi texnikumlar faoliyati hamda ularda mavjud muammolarni muhokama qilishga bagʻishlangan yigʻilish boʻlib oʻtdi. Oliy taʼlim, fan va innovatsiyalar vaziri Qoʻngʻirotboy Sharipov raisligida oʻtgan yigʻilishda taʼlim sifati, pedagog kadrlar salohiyati, infratuzilmadan samarali foydalanish, dual taʼlimni joriy etish, xalqaro hamkorlik va investitsiyalarni kengaytirish masalalari atroflicha muhokama qilindi.

Shu kuni vazir Elikqal’a Ibn Sino nomidagi Jamoat salomatligi texnikumi hamda Elikqal’a tuman politexnikumi faoliyati bilan yaqindan tanishdi. U ta’lim jarayoni, laboratoriya va amaliy mashg‘ulot xonalarining jihozlanishi, o‘quvchilar uchun yaratilgan sharoitlar bilan tanishar ekan, texnik ta’lim muassasalarini mutaxassis kadrlar tayyorlashning strategik markazlariga aylantirish lozimligini ta’kidladi.

Batafsil: https://gov.uz/oz/edu/news/view/51527

Bizni kuzating

Facebook | Instagram | YouTube | Telegram