#seminar #raqamlashtirish

🔺Kasbiy ta’limni raqamlashtirish bo‘yicha amaliy seminar

🔺Professional ta’limni rivojlantirish instituti Raqamli ta’lim texnologiyalar boshqarma boshlig‘i T.Xudayberganov va Raqamli ta’lim kontentlarini ishlab chiqish bo‘lim boshlig‘i Sh.Tuxtasinovlar tomonidan 2025-yil 22-oktabr kuni Shayxontohur tuman politeknikumi rahbar va pedagog xodimlari uchun tizimda raqamlashtirish bo‘yicha olib borilayotgan ishlar xususida amaliy seminar o‘tkazildi.

🔺Seminarda ta’lim jarayonida qo‘llanilayotgan raqamli platformalar va ularning imkoniyatlari hamda ulardan samarali foydalanish bo‘yicha batafsil tushuntirish ishlari olib borildi.

🔺Shuningdek, seminar ishtirokchilariga edu.profedu.uz metodik ta’minlash hamda rtr.profedu.uz raqamli ta’lim resurslari platformalarini yanada zarur kontentlar bilan muntazam to‘ldirib borish yuzasidan tavsiyalar berib o‘tildi.

|Bizni kuzatib boring

🌐Veb-sayt |✅Facebook |✅Telegram| 📹Youtube

#talaba_yugur #marafon

🏃‍♂️🏃‍♀️“Talaba – yugur” ko‘ngillilar yugurish musobaqasining kuzgi mavsumi davom etmoqda

Ayni kunlarda yurtimiz bo‘ylab oliy va kasbiy ta’lim muassasalari talaba hamda o‘quvchilari, professor-o‘qituvchilar va xodimlari o‘rtasida “Talaba – yugur” ko‘ngillilar yugurish musobaqasining kuzgi mavsumi o‘tkazilmoqda.

21-oktyabr kuni musobaqaning navbatdagi manzili Buxoro viloyati bo‘ldi. Tadbirda talaba-yoshlar, professor-o‘qituvchilar, xodimlar va ko‘ngillilar faol ishtirok etib, yugurish bo‘yicha o‘z iqtidorlarini namoyon etdilar.

“Kuzgi” mavsum doirasida 9 ta hududda o‘tkazilgan musobaqalarda 28 478 nafar talaba va o‘quvchi, 1 586 nafar professor-o‘qituvchi va xodim ishtirok etdi. Barcha natijalar yugur.uz elektron platformasi orqali qayd etilmoqda.

Musobaqa yakunlariga ko‘ra, har bir mavsum natijalari asosida erkak va ayollar yo‘nalishlari bo‘yicha alohida-alohida 1–3-o‘rinlarni egallagan talabalar rektor stipendiyasi bilan taqdirlanadi:

🥇1-o‘rin – 6 oy davomida (bitiruvchi bosqich talabalariga bahorgi mavsumda 4 oy davomida) bazaviy stipendiyaning 50 foizi miqdorida;
🥈2-o‘rin – 4 oy davomida bazaviy stipendiyaning 50 foizi miqdorida;
🥉3-o‘rin – 2 oy davomida bazaviy stipendiyaning 50 foizi miqdorida qo‘shimcha to‘lov belgilanadi.

Shuningdek, musobaqada ishtirok etgan professor-o‘qituvchi va xodimlar o‘rtasida “Yugur” platformasida qayd etilgan natijalarga asosan har bir oliygoh kesimida 1–3-o‘rinlarni egallagan (erkak va ayollar yo‘nalishlari bo‘yicha alohida) g‘oliblarga lavozim maoshining 10 foizi miqdorida 3 oylik qo‘shimcha ustama belgilanadi.

Musobaqaning keyingi manzillari – Xorazm, Andijon, Namangan va Farg‘ona viloyatlari bo‘ladi.

Sog‘lom hayot tarafdorlari, faol yoshlar va sport ixlosmandlarini “Talaba – yugur” yugurish musobaqasida faol ishtirok etishga chorlaymiz!

Birgalikda yuguraylik, birgalikda sog‘lom jamiyat sari intilaylik!

Bizni kuzating

Facebook | Instagram | YouTube | Telegram

#seminar

🔺O‘zbekiston kasbiy ta’lim tizimida o‘qitish yondashuvlarini takomillashtirish qo’shma seminari

🔺2025 yilning 27 oktabr kuni Professional ta’limini rivojlantirish instituti tomonidan O‘zbekiston Respublikasi Oliy ta’lim, fan va innovatsiyalar vazirligi ko‘magida quyidagi xalqaro tashkilotlar bilan hamkorlikda tashkil etildi:

➡️Helvetas Uzbekiston, Shveysariyaning O‘zbekistonda kasbiy ta’lim islohotlarini qo‘llab-quvvatlash loyihasi (VET4UZ),
➡️YUNESKO, “O‘zbekiston qishloq joylarida bandlik ko‘nikmalarini rivojlantirish” loyihasi,
➡️DVV International,
➡️GIZ, Termizda tibbiy ta'lim va kadrlar tayyorlashni modernizatsiya qilish,
➡️ETF, Markaziy Osiyodagi yoshlarni inklyuzivlik va mehnat bozori ko‘nikmalarini rivojlantirish.

🔺Seminarning asosiy maqsadi - yaqindagina imzolangan “Kasbiy ta’lim tizimida boshqaruv samaradorligini oshirish chora-tadbirlari to‘g‘risida”gi Prezident Farmonida belgilab berilgan vazifalar ijrosini ta’minlash, ta’lim sohasi vakillarini kasbiy ta’limda zamonaviy o‘qitish metodikalari bilan kengroq tanishtirish hamda xalqaro va mahaliy hamkorlar o‘rtasida yaqinroq hamkorlikni yo‘lga qo‘yish.

🔺Seminar natijasida Farmonda berilgan vazifalarning mazmun-mohiyati, zamonaviy kasbiy ta’lim metodikalarini chuqurroq anglash va ulardan xabardor bo’lish, ishtirokchilar o‘rtasidagi hamkorlikni mustahkamlash hamda o‘qitish sifatini yaxshilash kabi umumiy tasavvur shakllantirildi.

|Bizni kuzatib boring

🌐Veb-sayt |✅Facebook |✅Telegram| 📹Youtube