Kasbiy ta’lim tashkilotlariga 2025/2026-o‘quv yili uchun qo‘shimcha qabul boshlandi!

Qabul my.edu.uz platformasi orqali 2025-yil 9-18-oktabr kunlari (shu kuni ham) amalga oshiriladi.

Abituriyentlar kunduzgi, kechki va dual ta’lim shakllarida umumiy o‘rta ma’lumot negizida boshlang‘ich, o‘rta va o‘rta maxsus kasbiy ta’lim dasturlariga hujjat topshirishlari mumkin.

Qabul kvotalaridan ortiqcha hujjatlar kelib tushgan hollarda yozma imtihon shaklida kirish sinovlari o‘tkaziladi.

Shuningdek, Abu Ali ibn Sino nomidagi jamoat salomatligi texnikumlari va “Germaniya tibbiyot akademiyalari” xalqaro ta’lim dasturi doirasida o‘qish istagini bildirgan abituriyentlar uchun ham 2025-yilning 9-oktabrdan 18-oktabrga qadar (shu kuni ham) my.edu.uz orqali hujjat topshirish imkoniyati yaratilgan.

telegram | facebook | instagram

Kasbiy ta’lim tizimiga oid yangiliklar

Prezidentimiz Shavkat Mirziyoyev “Kasbiy ta’lim tizimida boshqaruv samaradorligini oshirish chora-tadbirlari to‘g‘risida”gi Farmon va “Kasbiy ta’lim tizimida islohotlarni amalga oshirish chora-tadbirlari to‘g‘risida”gi Qarorni imzoladi. Sohaga oid yangiliklar talaygina.

Kasbiy ta’lim tizimini 2030-yilga qadar isloh qilishning asosiy maqsadli ko‘rsatkichlari belgilandi. Ular: xalqaro va qo‘shma ta’lim dasturlari joriy etilgan texnikumlar sonini kamida 250 taga; 9-sinf bitiruvchilarining kasbiy ta’lim bilan qamrovini amaldagi 29 foizdan 50 foizga; kasbiy ta’lim tizimida dual ta’lim ulushini amaldagi 9 foizdan 40 foizga; kasbiy sertifikatga ega ishlab chiqarish ta’limi ustalari ulushini 30 foizga; xorijda malaka oshirish va stajirovka o‘tash dasturlarida ishtirok etgan pedagoglar sonini 100 nafardan 2 500 nafarga yetkazish.

Farmonga ko‘ra, Oliy ta’lim, fan va innovatsiyalar vazirligi huzurida Kasbiy ta’lim agentligi tashkil etildi. Agentlik markaziy apparati boshqaruv xodimlarining cheklangan shtatlar soni 70 ta etib belgilandi. Ushbu shtat birliklari Oliy ta’lim, fan va innovatsiyalar vazirligi tizimidan 30 ta, Maktabgacha va maktab ta’limi vazirligi tizimidan 25 ta, Kambag‘allikni qisqartirish va bandlik vazirligi huzuridagi Kasbiy ko‘nikmalar markazining 15 ta shtat birligi hisobidan shakllantiriladi.

Agentlik:

➖ texnikumlar faoliyatini muvofiqlashtirish va kasbiy ta’lim sohasini boshqarishga mas’ul bo‘ladi;

➖kasbiy ta’lim dasturlari mazmuni, malaka darajalari, o‘qitishning minimal muddatlari, bitiruvchilar bilimini baholash mezonlari hamda o‘quv-metodik ta’minotga talablarni belgilaydi.

➖Kambag‘allikni qisqartirish va bandlik vazirligi tomonidan “vaucher” tizimi bilan qamrab olinmagan shaxslarni kasbga o‘qitadi.

➖Migratsiya agentligining xorijiy ish beruvchilar ehtiyojidan kelib chiqib bergan buyurtmalari asosida fuqarolarni kasbga va xorijiy tillarga o‘qitadi.

Dual ta’limni rivojlantirish bo‘yicha ham bir qancha o‘zgarishlar bor. 2026/2027-o‘quv yilidan boshlab dual ta’lim shaklida tahsil olayotgan o‘quvchilarga maxsus platforma orqali stipendiya to‘lash yo‘lga qo‘yiladi. Har oylik stipendiya BHM bir baravari miqdorida to‘lanadi.

Texnikumlar Ta’lim sifatini ta’minlash milliy agentligi tomonidan yuritiladigan milliy reyting natijalari asosida rag‘batlantiriladi. Milliy reyting 2026-yildan boshlab har o‘quv yili yakuni bo‘yicha yuritiladi hamda unda eng yuqori o‘rinni egallagan 50 ta texnikumning har biri BHM 3 000 baravari miqdorida rag‘batlantiriladi. 2026-yildan boshlab har yili texnikumlar o‘quvchilari o‘rtasida O‘zbekiston Respublikasi Prezidenti sovrini uchun “Kasbiy mahorat milliy tanlovi” o‘tkaziladi.

Shuningdek, Prezidentimiz qarori bilan 2030-yilga qadar texnikumlar faoliyatini tugatish, ularga tegishli yer uchastkalari, bino va inshootlar hamda boshqa ko‘chmas mulk obyektlarini xususiylashtirishga moratoriy joriy etildi.

Ikkala hujjatdagi o‘zgarish, yangiliklarni bitta postda jamlash imkonsiz. Hurmatli tizim xodimlari, soha vakillari hujjatlar bilan batafsil tanishib chiqing, tushunib-o‘zlashtirib oling. Vazirliklar saytlari, ijtimoiy tarmoqlarida ham batafsil ma’lumotlar doimiy tarzda e’lon qilib boriladi.

@hilola_umarova

❗️Hududlarda Kasbiy ta’limni rivojlantirish bo‘yicha tadbirkorlar kengashlari tashkil etiladi

Prezidentning PF–190-son Farmoni ijrosi doirasida hududlarda kasbiy ta’lim tizimini rivojlantirish va uni mehnat bozori talablariga moslashtirish maqsadida Kasbiy ta’limni rivojlantirish hududiy tadbirkorlar kengashlari tashkil etiladi.

Mazkur kengashlarga Qoraqalpog‘iston Respublikasi Vazirlar Kengashi Raisi, viloyatlar va Toshkent shahar hokimlari raislik qiladi.

Kengash tarkibi tegishli hudud rahbarlari tomonidan tasdiqlanadi hamda unga:
– yirik tadbirkorlik subyektlari, ish beruvchi tashkilot va korxonalar;
– vazirlik va idoralarning hududiy bo‘linmalari rahbarlari kiritiladi.

Kengashning asosiy vazifalari:
– hududlarda o‘rta bo‘g‘in kadrlariga bo‘lgan ehtiyojni aniqlash;
– xalqaro ta’lim dasturlari, o‘quvchilar amaliyoti hamda dual ta’limni tashkil etish;
– bitiruvchilar bandligini ta’minlash, texnikumlar ixtisoslashuvini o‘zgartirish hamda ta’lim dasturlari mazmunini takomillashtirish bo‘yicha takliflar ishlab chiqishdan iborat bo‘ladi.

Ushbu kengashlar hududlarda ta’lim va ishlab chiqarish integratsiyasini kuchaytirish, yoshlarning bandligini ta’minlash va kasbiy ta’lim tizimini samarali boshqarishga xizmat qiladi.

Bizni kuzating

Facebook | Instagram | YouTube | Telegram

❗️2027-yildan bosqichma-bosqich ishga qabul qilishda malaka sertifikati talab etiladigan tizim yo‘lga qo‘yiladi

Prezidentning PF–190-son Farmoni ijrosi doirasida kasbiy malakani oshirish va mehnat bozorida raqobatbardosh kadrlar tayyorlash maqsadida malaka darajasiga ega xodimlarni ishga qabul qilishning yangi tizimi joriy etiladi.

Yangi tartibga ko‘ra, 2027-yildan bosqichma-bosqich Mashg‘ulotlarning milliy klassifikatorida belgilangan kasb va lavozimlar bo‘yicha zarur malaka darajasiga ega diplom yoki malaka sertifikati bo‘lgan xodimlar ishga qabul qilinadi.

Bu tizim quyidagi bosqichlarda amalga oshiriladi:
– 2027-yil 1-yanvardan Namangan, Samarqand va Toshkent shaharlari bo‘yicha turizm, kosmetologiya va umumiy ovqatlanish sohalarida;
– 2027-yil 1-iyundan shu hududlarda qurilish sohasidagi kasb va lavozimlar bo‘yicha;
– 2028-yil 1-yanvardan butun respublika bo‘yicha barcha kasb va lavozimlar uchun tatbiq etiladi.

Shuningdek, norasmiy va informal ta’lim orqali yoki amaliy tajriba asosida egallangan ko‘nikmalar ham malakani baholash markazlari tomonidan baholanish orqali tan olinadi.

Mazkur tizim kasbiy malaka talablarini aniqlashtirish, mehnat bozorida malakali mutaxassislar ulushini oshirish va ta’lim sifatini yanada yaxshilashga xizmat qiladi.

Bizni kuzating

Facebook | Instagram | YouTube | Telegram

#qonunchilik_yangiliklari

5-may – “Kasb va mehnat kuni” sifatida nishonlanadi

O‘zbekiston Respublikasi Prezidentining “Kasbiy ta’lim tizimida islohotlarni amalga oshirish chora-tadbirlari to‘g‘risida”gi PQ–316-son qarori (23.10.2025-y.) qabul qilindi.

🔰 Qarorga ko‘ra, kasbiy ta’lim tizimini 2030-yilgacha isloh qilishning asosiy maqsadli ko‘rsatkichlari belgilandi, jumladan:

➖ xalqaro va qo‘shma ta’lim dasturlari joriy etilgan texnikumlar sonini kamida 250 taga yetkazish;
➖ 9-sinf bitiruvchilarining kasbiy ta’lim bilan qamrovini amaldagi 29 foizdan 50 foizga yetkazish;
➖ kasbiy ta’lim tizimida dual ta’lim ulushini amaldagi 9 foizdan 40 foizga yetkazish;
➖kasbiy sertifikatga ega ishlab chiqarish ta’limi ustalari ulushini 30 foizga yetkazish;
➖ xorijda malaka oshirish va stajirovka o‘tash dasturlarida ishtirok etgan pedagoglar sonini 100 nafardan 2 500 nafargacha oshirish.

Endilikda 10-sinf o‘quvchilari o‘qishini texnikumlarga ko‘chirishga ruxsat beriladi.

📝 2026-yildan boshlab 5-may kuni “Kasb va mehnat kuni” sifatida har yili keng nishonlanadi. Uning doirasida jamoatchilik, ayniqsa, yoshlar orasida kasblar jozibadorligini oshirish va kasbiy ta’limni ommalashtirishga qaratilgan tadbirlar tizimli ravishda o‘tkaziladi.

Bizni kuzating

Facebook | Instagram | YouTube | Telegram

#vazir_maqola

Oʻzbekistonning YUNESKO bilan taʼlim, fan va madaniyat sohalaridagi keng koʻlamli hamkorligi Xitoy ommaviy axborot vositalarining diqqat markazida

Xitoyning yetakchi turizm nashri “VICTWO” Oʻzbekiston oliy ta’lim, fan va innovatsiyalar vaziri Qo‘ng‘irotboy Sharipovning “Oʻzbekiston va YUNESKO: Taʼlim, fan va madaniyat sohasidagi hamkorlikning yangi bosqichi” sarlavhali maqolasini chop etdi.

Nashrda bugungi kunda Oʻzbekiston xalqaro miqyosda taʼlim, fan, madaniyat va innovatsiyalar sohasidagi hamkorlikni izchil rivojlantirayotgani va bu jarayonda YUNESKO bilan munosabatlar alohida oʻrin tutishi taʼkidlangan.

👉 Xitoy tilida o‘qish
👉 Ingliz tilida o‘qish
👉O‘zbek tilida o‘qish

Bizni kuzating

Facebook | Instagram | YouTube | Telegram

#Tayinlov

Prezidentning tegishli qarori bilan Husanov Azimjon Nozimjonovich Oliy ta’lim, fan va innovatsiyalar vazirligi huzuridagi Kasbiy ta’lim agentligi direktori lavozimiga tayinlandi.

U bunga qadar Vazirlar Mahkamasi huzuridagi Migratsiya agentligi direktori o‘rinbosari lavozimida faoliyat yuritayotgan edi.

Bizni kuzating

Facebook | Instagram | YouTube | Telegram