Xitoyning TANG kompaniyasi bilan hamkorlikda kasbiy ta’limni rivojlantirish bo‘yicha rejalar belgilandi

Oliy ta’lim, fan va innovatsiyalar vazirligida Xitoyning “TAN International Education and Technology” (TANG) kompaniyasi vakillari bilan uchrashuv bo‘lib o‘tdi.

Muloqot davomida TANG kompaniyasining xalqaro tajribasi hamda kompaniya tomonidan taklif etilayotgan quyidagi hamkorlik yo‘nalishlari muhokama qilindi:

• texnik yo‘nalishlarda 2+1 va 2+2 modellari asosida qo‘shma “ikki diplomli” ta’lim dasturlari;
• qisqa muddatli amaliy o‘quv kurslari;
• raqamli xitoy tili ta’limi platformasini joriy etish;
• pedagog kadrlarni tayyorlash va malaka oshirish dasturlari;
• kasbiy malakalarni sertifikatlash tizimi;
• texnik va kasbiy ta’lim uchun raqamli o‘quv resurslarini yaratish va tatbiq etish.

Shuningdek, uchrashuvda Xitoy–O‘zbekiston sanoat va texnik- kasbiy ta’lim sohasidagi hamkorlik bo‘yicha Ilg‘or tajriba markazini tashkil etish tashabbusi ko‘rib chiqildi.

Bizni kuzating

📱 Telegram | 📱 Instagram

Ishlab chiqarish va ta’lim integratsiyasi Germaniya standartlari asosida yo‘lga qo‘yilmoqda

Germaniya tashqi savdo-sanoat palatasining O‘zbekistondagi vakolatxonasi bilan hamkorlikda “Kasbiy ta’lim” ishchi guruhining ikkinchi yig‘ilishi bo‘lib o‘tdi.

Tadbirda O‘zbekistonda kasbiy ta’lim tizimini takomillashtirish, dual ta’lim modeli imkoniyatlari, shuningdek Olmaliq kon-metallurgiya kombinati (OKMK) bazasidagi pilot loyiha bo‘yicha taqdimotlar qilindi. Jumladan O‘zbekiston kasbiy ta’lim tizimining hozirgi holati va rivojlanish istiqbollari mavzusida ma’ruza qilindi.

Yig‘ilish doirasida “Skills Experts” dasturi, OKMK bilan hamkorlikdagi tajriba loyihasi, Olmaliq kon-metallurgiya texnikumining roli va hamkor tashkilotlar o‘rtasidagi o‘zaro anglashuv to‘g‘risidagi memorandum imzolash marosimi ham o‘tkazildi.

#xalqaro_hamkorlik #kasbiy_taʼlim

Bizni kuzating

📱 Telegram | 📱 Instagram

Texnikum o‘quvchilari “Raqamli avlod IT haftaligi – 2025” da innovatsion ishlanmalari bilan qatnashdi

💻 “Raqamli avlod IT haftaligi – 2025” doirasida o‘tkazilgan robototexnika va innovatsion g‘oyalar ko‘rgazmasida texnik tafakkur, amaliy bilim va zamonaviy IT yo‘nalishlariga oid loyihalar namoyish qilindi.

✅ Texnikum o‘quvchilarining ijodkorligi, texnologiyalarni puxta o‘zlashtirayotgani va yangilik yaratishga intilishi hay’at azolari tomonidan alohida e’tirof etildi.

Bizni kuzating

📱 Telegram   | 🌐  Instagram

#XalqaroHamkorlik

Toshkent transport texnikumi — xalqaro hamkorlikni kengaytirmoqda

Kasbiy ta’limni rivojlantirish va xalqaro tajriba almashinuvini kuchaytirish maqsadida 8–11 dekabr kunlari Toshkent transport texnikumi delegatsiyasi Moskva va Sankt-Peterburg shaharlariga xizmat safari o‘tkazmoqda.

Tashrif doirasida delegatsiya a’zolari “Moskoviya” kasb-hunar kolleji faoliyati, ta’lim jarayoni va amaliyot bazasi bilan tanishdilar. Uchrashuvda kadrlar tayyorlashda innovatsion yondashuvlar hamda o‘quv-amaliy jarayonlarni takomillashtirish masalalari muhokama etildi.

Safarning muhim natijasi sifatida o‘quvchi va o‘qituvchilar almashinuvini yo‘lga qo‘yish, malaka oshirish va stajirovka dasturlari, qo‘shma ta’lim loyihalarini amalga oshirishni nazarda tutuvchi shartnoma imzolandi.

Boshqarmaning rasmiy sahifalari:
Telegram | Instagram |Facebook | Telegram-bot