Prezident Shavkat Mirziyoyev Xavfsizlik kengashining kengaytirilgan yig‘ilishini o‘tkazdi.

Davlatimiz rahbari boshchiligidagi yig‘ilishda quyidagi vazifa va imkoniyatlar belgilab olindi:

- muddatli harbiy xizmatning yangi modeli shakllantirilishi belgilandi, bunda har bir harbiy xizmatchi armiyadan qaytganda kasbiy ko‘nikmalar va real istiqbollarga ega bo‘ladi;

- "Bir million dasturchi" va "Sun’iy intellekt sohasida besh million yetakchi" dasturlari doirasida har yili 5 ming nafar muddatli harbiy xizmatchilar o‘qitiladi;

- muddatli harbiy xizmatni o‘tash davrida oliy ta’lim muassasalariga o‘qishga kirishi uchun shart-sharoitlar yaratiladi, shuningdek, harbiy xizmatdan qaytgandan keyin o‘qishi qo‘llab-quvvatlanadi, shu jumladan sertifikat xarajatlari qoplanadi va foizsiz ta’lim kreditlari beriladi;

- muddatli harbiy xizmatdan qaytganlarni ish bilan ta’minlashga ko‘maklashish choralari kengaytirilmoqda, shu jumladan ularning tadbirkorligi qo‘llab-quvvatlanadi va ishga joylashishda qo‘shimcha imtiyozlar beriladi;

- harbiy xizmatchilarning xizmat va turmush sharoitlari yanada yaxshilanadi, harbiy xizmatchilar, ularning oilalari va harbiy pensionerlarni ijtimoiy himoya qilishga alohida e’tibor qaratiladi:

- 1-apreldan boshlab ofitserlarning ko‘p yillik xizmati uchun ustama haqi 2 baravarga oshiriladi;

- kontrakt bo‘yicha harbiy xizmatchilar va serjantlarning ish haqi 10 foizga oshiriladi;

- hududiy mudofaa organlarining harbiy bo‘lmagan xodimlari mehnatiga haq to‘lash joriy yilda 20 foizga, kelgusi yilda yana 50 foizga oshiriladi;

- 30 yildan ortiq ish stajiga ega bo‘lgan harbiy xizmatchilarga pensiya hisoblashda hisobga olinadigan pul ta’minoti miqdori 75 foizdan 100 foizgacha oshiriladi;

- ma’naviy-ma’rifiy tarbiya maqsadida joriy yilda harbiy qism va muassasalar 1 million nusxada badiiy adabiyotlar bilan ta’minlanadi;

- armiyada sportni rivojlantirish davom ettiriladi, jumladan, yoshlarning qiziqishiga javob beradigan zamonaviy yo‘nalishlar joriy etiladi;

- yoshlarni vatanparvarlik ruhida tarbiyalash, bunda raqamli makon xususiyatlarini hisobga olish muhimligi ta’kidlandi.

Davlatimiz rahbari yig‘ilish yakunida Qurolli Kuchlarimizning jasur askar va serjantlari, ofitser va generallari, faxriylari, ularning oila a’zolari va yaqinlarini O‘zbekiston Respublikasi Qurolli Kuchlari tashkil etilganining 34 yilligi hamda Vatan himoyachilari kuni bilan samimiy tabrikladi.

– Sizlarning jasoratingiz, qasamyodga sadoqatingiz, el-yurt himoyasi yoʻlidagi fidoyiligingiz bilan butun xalqimiz faxrlanadi. Goʻzal yurtimizda tinchlik-osoyishtalik va hamjihatlik doimo hukm sursin, jonajon Vatanimiz yanada mustahkam va barqaror boʻlsin! – dedi davlatimiz rahbari.

📢 Texnikumlar pedagog xodimlari diqqatiga!

Belarus Respublikasi “Respublika kasbiy ta’lim instituti” tomonidan Belarus fan kuni munosabati bilan “Zamonaviy kasbiy ta’limni rivojlantirishda ilmiy-pedagogik maktablar merosi” mavzusida IV pedagogik o‘qishlar o‘tkaziladi.

Sana: 2026-yil 4-fevral
Vaqt: 11:00 (Minsk vaqti bilan)
Manzil: Belarus Respublikasi, Minsk shahri, Lybkenta ko‘chasi, 32-uy
Format: oflayn va onlayn

Pedagogik o‘qishlar yakunlari bo‘yicha maqolalar elektron to‘plami nashr etiladi.

Ishtirok etish va maqola chop etish bepul.

Oflayn formatda ishtirok etuvchilarning yo‘l haqi, yashash va ovqatlanish xarajatlari yuboruvchi tomonidan qoplanadi.

Ishtirok etishni istagan pedagog xodimlar
👉 https://ripo.by sayti (“Научная школа / Мероприятия” bo‘limi) orqali 2026-yil 15-yanvarga qadar onlayn ro‘yxatdan o‘tishlari lozim.

👉 Ishtirok etish shartlari va boshqa talablar

Aloqa uchun:
☎️ (+37517) 215 07 07
☎️ (+37517) 374 46 54, (+37544) 567 87 08
📧 aspirantura@ripo.by
📧 ripo-bazovaya@mail.ru

Bizni kuzating

Telegram | Instagram

#Tabrik

14-yanvar — Vatan himoyachilari kuni

Milliy armiya — ona yurtimizning mustahkam qalqoni, tinchligimizning ishonchli posbonidir.

Oliy ta’lim, fan va innovatsiyalar vazirligi o‘z hayotini Vatan himoyasidek sharafli va oliyjanob burchga bag‘ishlagan jasur harbiy xizmatchilarni, shuningdek, yurt ravnaqi va tinchligi yo‘lida mas’uliyatni sidqidildan ado etib kelayotgan barcha yurtdoshlarimizni ushbu qutlug‘ sana — Vatan himoyachilari kuni bilan samimiy muborakbod etadi.

Sizlarga mustahkam iroda, yuksak shijoat, sobit sadoqat, bardavom salomatlik va ulkan muvaffaqiyatlar tilaymiz. El-yurtimiz osmoni musaffo, kelajagi porloq bo‘lsin!

Bizni kuzating

Facebook | Instagram | YouTube | Telegram

#Oʻzbekiston24 #infografika

“O‘zbekiston – 2030” strategiyasi loyihasining eng muhim jihatlari video infografikada

Bizni kuzating

Facebook | Instagram | YouTube | Telegram

Fuqarolarimizning xorijiy davlatlarda o‘tkazilayotgan turli reydlarda huquqlari buzilayotgani haqidagi xabarlar jamoatchilikda jiddiy norozilik uyg‘otmoqda.

Aksariyat holatlarda Tashqi ishlar vazirligi rasmiy nota berish bilangina cheklanib qolmoqda.

“Elchi va konsullar har bir holat yuzasidan malakali yuridik yordam ko‘rsatib, xorijdagi fuqarolarimizning huquq va manfaatlarini himoya qilishi shart”,

– dedi Prezidentimiz.

Bundan tashqari, xorijdagi yoshlarimiz yoki talabalarning turli oqimlarga qo‘shilib qolayotgani barchani jiddiy tashvishga solishi kerakligi ta’kidlandi.

Bundan buyon elchilar “kabinet diplomatiyasi”dan voz kechib, xorijdagi vatandoshlarimiz ishlayotgan qurilish maydoniga, yotoqxonaga, talabalar auditoriyasiga borib, ularning muammosini o‘rganib, yechimi bo‘yicha ishlashi shartligi qayd etildi.

Mutasaddilarga xorijda og‘ir vaziyatga tushib qolgan fuqarolarimiz uchun bepul koll-markaz tashkil etib, murojaatlarini tegishli vazirliklar bilan tezkor hal qiladigan tizim yaratish topshirildi.

Bizni kuzating

Facebook | Instagram | YouTube | Telegram