⚡️ Va nihoyat DTM tomonidan kirish imtihonlari natijalari e'lon qilindi! Mandat chiqdi do'stlar!

Ushbu gapda berilgan jarangli til oldi portlovchi undoshlar ishtirok etgan nechta so'zda tor unlilar qatnashgan?

Shunaqa qiyin savollar bilan chig'iriqdan o'tadigan abiturientlar faqat bizning mamlakatda bo'lsa kerak. Lekin shunday bo'lsada, til allaqachon bir ahvolga kelib qoldi...

P/s: Aytgancha, bugun bizning vaqt bilan 18:00 da videokonferensiya shaklida o'tadigan BMT Bosh Assambleyasining 75-sessiyasida muhtaram prezidentimiz ilk marotaba o'zbek tilida nutq so'zlar ekan!

👉 @Iqtisodplus

​​Demak...

Yaponiyada 1980-yilda aholi jon boshiga to’g’ri keladigan Yalpi ichki mahsulot hajmi 8 921 dollar bo’lgan. Bu paytda Yaimga nisbatan davlat qarzi 48.8 foiz edi.

2000-yilda YaIMga nisbatan davlat qarzi 137.9 foizga chiqdi. Aholi jon boshiga to’g’ri keladigan YaIM esa 26 850 dollar bo’ldi.

2018-yilga kelib yilda aholi jon boshiga to’g’ri keladigan Yalpi ichki mahsulot hajmi 44 227 dollarni, mamlakatning qarzi esa YaIM ga nisbatan 237.1 foizni tashkil etdi.

Qariyb 40 yil ichida aholi daromadlari davlat qarzi bilan proporsional ravishda taxminan 5 barobarga o’sgan.

———

O'zbekiston tashqi qarzining umumiy hajmi 2020 yil boshidan 3,1 mlrd. dollar (12.7 foiz) ga oshibdi va hozir 27,6 mlrd dollarga yetibmiz. Ayrimlarning ta'biri bilan aytganda toki "ishonchli mamlakat" ekanmiz, bu qarzlar endi pasaymaydi.

Ishqilib, bu qarzlarni to'laydigan yangi avlodga Xudo kuch-quvvat bersin)

Tepada nega Yaponiya haqida yozdim, chunki ular tashqi qarzdan unumli foydanalgandurki aholi daromadlari ham proporsional oshgan! Inflyatsiya deyarli barqaror bo'lgan.

Bizda ham tashqi qarzlardan unumli foydalanishadi deb umid qilib qolamiz 🥺

👉 @Iqtisodplus

​​Bizda 2010-yilda YaIM ga nisbatan tashqi qarz miqdori 9.96 foizni tashkil etgan. Bu paytda aholi jon boshiga to’g’ri keladigan YaIM miqdori 2 mln 592.3 ming so’m bo’lgan.

2018-yilda YaIM ga nisbatan tashqi qarz miqdori 23.6 foiz bo’ldi, aholi jon boshiga to’g’ri keladigan YaIM esa 12 mln 365.6 ming so’mga (1532.37 AQSh dollari) chiqqan.

Vooo, bizda 8 yil ichida aholi 5 baravar boyigan demoqchimisiz? A lekin inflyatsiya jonivorni ahvolichi?

Rasmda Tradingeconomics.com sayti bo'yicha O'zbekistondagi inflyatsiya holatini ko'rishingiz mumkin.

———

Bethovenning 5-simfoniyasini bilasiza? Ta-ta-ta-taaaam, ta-ta-ta-taaaam deb boshlanadiyu. Mabodo o'sha musiqani chalmoqchi bo'lsangiz shu suratni ochib, bemalol partitura o'rnida ishlatishingiz mumkin)))

👉 @Iqtisodplus

​​Kirish imtihonlaridagi uzoq vaqt davom etgan adolatsiz tizim natijasida bugungi kunga kelib, o'z sohasida professional kadrlar sanoqli bo'lib qoldi.

Ta'lim tizimiga jiddiy urg'u bermas ekanmiz, O'zbekiston uchinchi renessans bo'sag'asida qotib turaveradi, eshikni ochib ichkari kirish uchun esa bilimli yoshlarimiz ko'payishi shart.

Bu xalqni botqoqdan faqat ta'lim tortib chiqara oladi. O'quvchi yoki talaba bo'lsangiz bor e'tiboringizni o'qishga qarating, ota-ona bo'lsangiz farzandlaringiz o'qishi uchun maksimal sharoit qilib bering, mashinani keyin olarsiz. O'qing, izlaning, iltimos!

👉 @Iqtisodplus

Koronavirus kundalik hayotimizga, tilimizga shunchalik singib qolibdiki...

Kuni kecha bitta tanishimni to'yi bo'ldi, kelinni ismi Charos ekan, o'rtakash sal qoldi Charonavirus devorishiga))))

Baxtli bo'lishsin!

​​Maddohlikning elementar ko'rinishi

Talabalar yoki o'qishni tugatganlar yaxshi bilishadi, har qanaqa mavzuda referat yoki kurs ishi balo battar tayyorlab o'qituvchiga olib borsangiz, birinchi navbatda uning standart qoidalar asosida qilinganini tekshiradi. Ya'ni 14 shrift, Times New Roman, interval va hokazo. Ishning mazmuni doim eng oxirida bo'ladi.

Okay, buni ham hazm qilamiz. Lekin meni doim kuldiradigan narsa bilasizmi nima? Ishning oxiridagi foydalanilgan adabiyotlar ro'yxati! Shuni orqasidan O'zMU da ham, TDIU da ham ustozlar yaxshi eslab qolishgan meni 😏

Tasavvur qilinga, "Xiks-Xansen modeli" yoki "O'yinlar nazariyasining amaliy tadbiqi" mavzusida ish qilgansiz. Foydalanilgan adabiyotlar ichida birinchi bo'lib O'zbekiston Respublikasi Konstitutsiyasini, keyin Prezident va Hukumat qarorlarini, keyin esa Prezidentlar asarlarini keltirib o'tasiz. Aslida zig'ircha ham bularning siz bajargan ishga aloqasi yo'q! Shuni ustozga aytsam "Bizni ham tekshirishadi kattakonlar" deyishadi. What a funny!

2017-yilgacha Konstitutsiyadan keyin Birinchi Prezidentimiz I.A. Karimovning "любой" asari TOP da turishi shart edi, keyin ustozlar ham zamonga moslashdi, endi Karimovni xohlasangiz yozing, xohlamasangiz yozmang, lekin TOP ga Sh.M. Mirziyoyev chiqishi kerak!

Yana tasavvur qiling, mavzuyingiz nomi "Maktab to'garaklarida qo'l to'pi mashg'ulotlarini o'qitish". Bunda Konstitutsiyaning qaysi moddasidan foydalanmoqchisiz 🤣

Xullas, hozirgi kunda mustaqil ish deb atalmish shu kabi vazifalarning ahamiyati yo'qoldi. Texnologiya zamonining talabi bu emas. Talabalarni vaqtini oladigan qog'ozbozlik bular!

Siz ham shunday holatga tushganmisiz? Marhamat, fikringiz!

P/s: Ayrim ustozlar bundan mustasno! Ular haqiqatda bolaning bilim olishini xohlab topshiriq berishadi, ularga doim respect!

👉 @Iqtisodplus

​​Ikkichi (Drabl)

Yakshanbaga ikki kun bor. Ishga chiqishi kerak. Aks holda unga pul yetmay qoladi. Kecha kechasi bilan yuk tashigani yaxshi bo'lgan ekan: do'kondan non olib turaqoladi. Shu payt muallim unga qarab, mensimaygina gapirdi:

- Aliyev, "Baxtli bolalik" mavzusidagi inshoni katta xolang topshiradimi, ikkichi?

© B. Anorov

———

Farzandlaringizning orzulari uchun kurashing! Ularning kamoli uchun maksimal harakat qiling. Zero, kelajagi buyuk vatanni faqat ular barpo eta oladi!

👉 @Iqtisodplus

Kecha temperatura kuni bo'yi 38 edi, bugun 39 ga chiqdi. Navbat menga keldi shekilli.

Duo qilib turinglar qadrdonlar. Shu balodan hammani Xudoni o'zi asrasin!

Mana bunaqa postlar ham yozgan ekanman. Hozir o'qib maza qivordim kulib))

​​Yaponiyada mashina olmoqchi bo'lsangiz, u uchun parkovka borligini isbotlab berishingiz kerak. Bu haqida yozgandim.

Bu video Xitoyda olingan bo'lib, ko'p qavatli uylar oldida shu kabi parkovka tizimi joriy etilgan ekan. Oqladim va duo qildim ochig'i. Birinchidan joy tejaladi, asablar buzilmaydi, o'g'ri nimasinidir uxlatib ketmaydi. Xullas foydasi ko'p.

Bizda ham shu usulni qo'llasa bo'larkan. Tobora zichlashib borayotgan poytaxt uchun ayni muddao. Ayniqsa sovet paytida qurilgan uylar uchun. Nima dedingiz?

👉 @Iqtisodplus

"Parazitlar" filmi bilan tanilgan Pon Jun Xoning 2003-yilda suratga olingan "Qotillikni xotirlab" filmini topib oldim. Qisqa qilib aytganda film Top! Uni oldida "Parazitlar" dam oladi.

Filmning o'zbekchasini va u haqidagi taqrizni mana bu yerdan topasiz. Darvoqe, film 18+)

​​"Professor", deyman Nyu-Yorkning City universitetidan bir muddatga dars berish uchun kelgan iqtisodchi olimga. "Hamma Janubiy Koreyani AQSh ning pullari hisobiga boyigan, deydi. Lekin, AQSh dan pul olgan va olayotgan davlatlar kam emas. Ularning hammasi ham "Koreya" bo‘lolganmas. Bu yerda qandaydir iqtisodiy sharh bo‘lishi kerak."

Professor menga qarab samimiy jilmayadi, bir nechta iqtisodiy dalillardan keyin xulosa qiladi.
"Shuhrat, bu yerda Koreya hukumatining birgina dono siyosati hammasini hal qilgan. Hukumat davlat g‘aznasiga kirib kelayotgan mablag‘ni hammaga teng taqsimlaydi, mehnatiga, sa’y-harakatiga qarab, albatta. Bu esa fuqarolarni ruhlantiradi, sog‘lom raqobat yuzaga kelishi natijasida, inson omili yuksaladi. Fuqarolar ishlab topayotgan mablag‘larining bir qismini banklarda saqlashga odatlanadilar. Aynan ana shu mablag‘ "koreys moʻjizasi"ga sababchi bo‘lgan. Bu mablag‘ni 1980-yillardagi avlod biznes uchun, ta’lim uchun oqilona sarf qilganlar. Unutma, qo‘lida sarmoyasi yo‘q odamning ertasi gumon bo‘lganidek, ortiqcha kapitalsiz xalqning ham kelajagi mavhum."

———

Hech bir zamonda davlat xalqning hisobidan boyimagan. Iqtisodiyotda isbotini topgan haqiqat shuki, to‘g‘ri qarorlar ortidan avval xalq boyigan, shundan so‘ng davlat oyoqqa turgan. Agar aholining oz qismi ham "qashshoqlik tuzog‘i"ga tushsa, butun xalq bundan aziyat chekadi, qashshoqlik yuqumli bo‘ladi; undan xalos bo‘lish uchun bir necha avlod kurashishiga to‘g‘ri keladi. Agar hozirgi avlodga mehnatiga yarasha haq to‘lab, pul jamg‘arish imkoni berilsa, bu mablag‘ keyingi avlod o‘zini o‘nglashi uchun sarmoya bo‘ladi, deb yozadi @Irisovuz kanalida Yonsei universiteti talabasi Shuhrat Sattorov.

👉 @Iqtisodplus

​​Mana bu postga mos tushadigan rasmni endi topvoldim))

Hafta surati ☝️

@Iqtisodplus

​​Lo‘lidan o‘rganish kerak

Lo‘li – etnik kelib chiqishi ham unchalik ma’lum bo‘lmagan toifa. Millat sifatida deyarli tan olinmaydi.

Ularning asosiy daromad manbayi tilanchilik bo‘lib, oddiy insonlar singari qilingan mehnat mahsulidan topilgan pulga qoniqish hosil qilishmas ekan. Ba’zi musulmon yigitlari bilan turmush qurgan lo‘li qizlari o‘z kasbidan zohirda voz kechadi-yu, botinda davom ettirishadi. Ya’ni tilab olib yeyish odatini qo‘ymaydi. Bunda uydagi biror odamning qo‘liga non tutqazib qo‘yadi, uni tilab oladi, so‘ngra yeydi.

Qaysi mamlakat hududida yashasa, o‘sha hududning tilida gaplashadi. Aholi gavjum joylarga yaqin joylashib olishadi.

Ularning lo‘li deb aytilishiga sabab, sof lo‘li tilining fe’llari noaniq formasi (infinitiv) taxminan -lulu qo‘shimchasi bilan ifodalangan ekan. Demak, ularning nomi til xususiyatidan kelib chiqqan ekan.

Lo‘lilarning ba’zi xususiyatidan o‘rnak olish kerak?

Avvalo, biznes uchun g‘oya: sotishda qo‘l keladi. Tilab kelganda doim sizni ikki yondagi qo‘shningiz bilan solishtiradi. Sizda ularchalik yoki ulardan kam bo‘lmaslik hissini paydo qiladi. Shundan so‘ng o‘z ishini bitirib ketadi. Sotayotganda yoki xizmatni taklif qilganingizda ham bir narsani boshqa narsaga va uning xaridori aslida kimlar ekaniga taqqos keltirsangiz, har qanday klientga “o‘tkaza olasiz”.

Ikkinchidan, istihola hissining passivligi ularning eng katta muvaffaqiyati sanaladi. Bizning eng yomon dushmanimiz esa aynan istiholadir.

Uchinchidan, ular tirikchilik uchun til bilishga doim tayyordir. Hech bir tildan nafrat qilishmaydi. Bu bugungi kunda ularning hatto hurmat qilsa arzigulik bir xislatidir.

Ha, birodarlar, til bilish kerak, rivojlanish uchun boshqa tillarni o‘rganish vaqti keldi!

© Namoz Rasulov

👉 @Iqtisodplus

Reklama Fatality!

Kutib oling, "Yilning eng kreativ reklamasi" nomiga davogar reklama! 💥

Kanal foydalanuvchilaridan biri yuborgan ushbu bilbord haqiqatda bormi, yoki fotoshop ustalarining ishimi bilmadimkuya, lekin kreativligi maksimum ekan!

👉 @Iqtisodplus

Tuni bilan yomg'ir yog'ib, ertalab turganingizda to'xtagan bo'lsa. Quloqchinni taqib, sevimli ashulani yoqvolib, xuddi rasmdagidek joyda ertalab sayr qilsangiz. Yomg'irning ta'riflab bo'lmas isi qolgan havodan to'yib-to'yib nafas olsangiz. Hozir shunaqa havoni xohlayapti bu ko'ngul)

​​Sharqiy Osiyoda boshlangan inqirozning Janubiy Koreyaga kirib borishi haqidagi "Default" filmini kanalga joylagan edim.

👉 "Default" filmi (258 mb)

O'sha paytdagi og'ir ahvol va bu vaziyatda mamlakat qanday yo'l tutgani haqida iqtisodchi Valijon Turakulov tomonidan yozilgan yaxshi maqola topib oldim. Chiroyli uslubda yozilgan ushbu maqola davomida qiziq ma'lumotlarga ega bo'lasiz. Xullas, tavsuyu)

"Xo'rozqand chet elniki bo'lsa... yohud koreys xalqidan master klass" - Maqolani o'qish

P/s: Rasmda koreys ayollari mamlakatga o'z tilla taqinchoqlarini topshirishmoqda.

👉 @Iqtisodplus

Yomg'ir ham yog'di, ertalabgi qariyb 2 soat davom etgan sayr ham tugadi. Hammasi deyarli oldingi kuni xohlaganimday bo'ldi. Faqat o'zing xohlagan isdan (petrikor - yomg'irdan keyingi is) bebahra bo'lsang qiyin ekan.

P/s: hid va ta'm bilish nol darajaga tushdi.

#Marketing #Kitob

Hid va ta'm bilish haqida gap ketgan paytda Sensory marketing - sezgi organlari orqali ta'sir qilish marketingi haqida qiziq bir kitob ulashmasam bo'lmas.

Kanalda iste'molchi ongiga musiqa orqali ta'sir qilish haqida yozgandim. O'shandan keyin kanalning ayrim obunachilari shu bo'yicha kitob so'rab yozishgandi.

Ushbu kitob marketing professori Bertil Xulten hamda tadqiqotchilar Niklas Broweus va Markus van Diyk tomonidan yozilgan. Umuman sensory marketingni noldan boshlab ochib beradi.

Kitob ingliz tilida!

Kitobni marketing bo'yicha o'qiydigan tanishlaringizga ham ulashing.

👉 @Iqtisodplus

Shu musiqaning kuni bo'lyapti! 🎶

Yaxshiyamki insonga eshitish qobiliyati berilgan 😄 Sizlar ham eshitib maza qilinglar)