Qiziq ma'lumot o'qib qoldim

Bilamizki, hozirda dunyoning istalgan joyida Xitoy mahsulotlarini va unda yozilgan "Made in China" so'zlarini ko'rish mumkin.

Lekin agar birorta choy qadog'ida "Made in China" so'zlarini uchratsangiz bilingki u noqonuniy mahsulot hisoblanar ekan.

Haqiqiy Xitoy choyi qadog'ida shunday yozilgan bo'ladi: "Choy va mahalliy mahsulotlar eskport-importi bilan shug'ullanuvchi Xitoy milliy korporatsiyasi" (Китайская национальная импортно-экспортная корпорация чая и местных продуктов). Uning davomidan esa choyning qaysi provinsiyada yetishtirilganligi yoziladi: Fuszyani, Schuani, Xumani yoki Yunnani (choy yetishtiruvchi asosiy provinsiylar).

Ushbu ma'lumot haqida Xitoyda bo'lgan yoki Xitoyda yashayotgan kanalimiz a'zolari fikrini kutaman.

© Ma'lumot V.V. Poxlebkinning "Rossiya tarixida choy" asaridan olindi.

👉 @Iqtisodplus

​​2020 yil yanvar-sentyabr oylarida O‘zbekiston 5,8 mlrd dollarlik oltin eksport qildi. Bundan Davlat statistika qo‘mitasi ma’lumotlari darak bermoqda.

Qo‘mita ma’lumotlariga ko‘ra, 2019 yil yanvar-sentyabr oylariga nisbatan o‘sish 45,7 foizni tashkil etdi. 2020 yil yanvar-sentyabr oylarida O‘zbekiston eksport tarkibida oltinning ulushi 46,5 foizga teng bo‘ldi.

Ta’kidlab o‘tish joizki, so‘nggi yillarda O‘zbekiston oltin eksportini oshirdi. Oltin eksporti 2015 yilda 823,9 million dollardan, 2016 yilda 738,2 million dollardan, 2017 yilda 1,6 milliard dollardan, 2018 yilda 2,91 milliard dollardan va 2019 yilda 4,9 mlrd dollardan ortiqroqni tashkil etdi.

👉 @Iqtisodplus

​​Ehh meni soddagina akaxonima 🤦‍♂️

Haliyam shunaqa "nigercha xatlar"ga ishonib yurgan yurtdoshlarimiz bor ekan, demak hali ayrim narsalarga masofa juda olis.

P/s: Lekin Agrobank haqidagi joyiga dumaladim.

👉 @Iqtisodplus

​​Bu yil Shnobel mukofotini topshirishda adashishdi. Eng kuchli nomzodlar bizda edi, iste'dodlarimizni payqashmadi afsuski.

O'zingiz ayting, bunaqa ajoyib qarorlar yana qayerda bor?!

👉 @Iqtisodplus

​​"Zakovat"ni sog'inganlar bormuuu?)

Ertaga ya'ni 24.10.2020 kuni soat 21.40 da "Milliy" telekanalida "Zakovat" o'yinining navbatdagi sonida "Zafar Rahimov" jamoasi o'ynaydi.

Maza qilib El-Klassikoni ko'rib bo'lgach, ketidan Milliy TV da zakovatda miyani charxlab, dessertga taxminan 23:00 larda boshlanadigan Habib va Getje jangini ko'rvorurasiz. O'ziyam rosa kayf kun bo'larkan 😎

Zakovatni bekorga reklama qilmadim. Tabiiyki unda o'zim ham o'ynayman. Jamoadagi eng bo'yi uzun bola men esli chto))

P/s: Meni zakovatga bloger bo'lganim uchun taklif qilishmagan. Allohga shukur, bu meni uzoooq yillik mehnatimni mahsuli. Bu haqida yana to'xtalamiz 😉

👉 @Iqtisodplus

​​"O'zimni qo'lga olishni o'rganyapman" degan rasm)

Hayotda turlicha vaziyatlar bo'ladi. Muximi barchasida o'zimizni qo'lga olib, aql bilan ish tutish lozim. Shaxsan men xatolarimni kezi kelganda o'zimni qo'lga ololmaganim ortidan sodir bo'lgan deb hisoblayman. Bu yomon.

Alimov ta'biri bilan aytganda, daraxt ostida ming yil yashab qo'ygan mo'ysafidga o'xshab aql o'rgatishimni qarang 😂

Boshlangan hafta omadli bo'lsin!

👉 @Iqtisodplus

​​Qo'shni qozoq xalqi tomonidan ishlangan va yaqinda premyerasi bo'lgan "To'maris" filmini ko'rdim.

Byudjeti 6,5 million dollar bo'lgan ushbu film) Massagetlar malikasining hayotini yaxshi ochib bera olibdi. Rejissyor Akan Sataev filmdagi har bitta mayda detalga e'tibor bergan. Ayniqsa jang sahnalari professional darajada ishlangan. Aktyorlar mahoratiga gap yo'q. 👏

To'maris roli uchun 15 mingga yaqin murojaat ichidan tanlab olingan aktrisa Almira Tursunga alohida respect. Darvoqe, bu uning debyut roli bo'lgan ekan.

Xullas, filmning o'zbekcha tarjimasini mana bu yerdan topasiz. Pastdagi videoda esa filmning rasmiy treyleri. 👇

P/s: To'maris roli uchun birorta turk aktrisasini taklif qilishmagani e'tirofga loyiq))

P/p/s: "Mendirman Jaloliddin" filmini kutamiz endi🍿

👉 @Iqtisodplus

​​Trampning Turkiyaga ta'siri 😄

Ushbu rasmda Donald Tramp va turk lirasining AQSh dollariga nisbatan o'zgarishi aks etgan. Haaa, ba'zida shunaqa tasodiflar ham bo'lib turadi.

Ishqilib o'zbek so'mining dollarga nisbati aks etgan grafikadan bironta qotib ketgan yuz hosil qilinmasa bo'lgani))

👉 @Iqtisodplus

​​​​Shanba kuni bo'lib o'tgan Zakovat Intellektual o'yini haqida yozgan edim.

O'yinni ko'ra olmaganlar YouTube orqali ko'rishlari mumkin.

Xalqimiz orasida ushbu o'yinni targ'ib qilishga siz ham o'z hissangizni qo'shing. O'yin linkini tanish guruhlarga tarqatsangiz xursand bo'lar edik.

Zero so'ngi paytlarda ko'payib ketayotgan bachkana ko'rsatuvlardan reyting borasida ortda qolayotgan ushbu o'yin aslida yoshlarning turli ilmlarga qiziqishi uchun poydevor bo'lib kelgan.

👉 @Iqtisodplus

​​November!
No sun - no moon!
No morn - no noon -
No dawn - no dusk - no proper time of day.
No warmth, no cheerfulness, no healthful ease,
No comfortable feel in any member -
No shade, no shine, no butterflies, no bees,
No fruits, no flowers, no leaves, no birds! -

© Thomas Hood

———

Ayrim sabablarga ko'ra kanal sustlashib qolgan edi. Endi yaxshi tempda davom ettiramiz Xudo xohlasa.

👉 @Iqtisodplus

​​Prezident asarlaridan iqtiboslar haqida

Talabalik paytida yozgan referatlarimiz, kurs ishi yoki kerak bo'lsa diplom ishlarida o'qituvchilar tomonidan qo'yiladigan eng asosiy talablardan biri - uning kirish qismida prezident asaridan yoki nutqidan iqtibos keltirish shartligi edi.

Ochig'ini aytsam, shunaqa paytlarda har qanaqa "aqlli" gapni yozib, davomidan "degan edi Prezidentimiz" deya qanaqadir kitobiga havola (сноска) berib ketaverar edim. Chunki 99% ishonchim komil ediki, bu gapni prezident aytmaganini o'qituvchining o'zi bilmas edi.

Deyarli hamma o'qituvchilar shunaqa edi: O'zi Prezident asaridan biror iqtibos talab qiladiyu, aslida o'sha kitoblarni o'qimagan bo'ladi. Bular shunchaki ishning chiroyi uchun xo'jako'rsinga qilinishi aniq.

Yurtning Number One odamiga nisbatan bu holat yaxshi emas. Bu gaplardan maqsad, o'qituvchilar e'tiborliroq bo'lishi yoki talab qilayotgan narsasini o'zi ham bilishiga chorlash holos.

Bu haqida kanal foydalanuvchilarining fikrlarini kutaman.

👉 @Iqtisodplus

​​Vajoxatimni ko'rib, qanday ulug‘ zot bilan uchrashib qoldim ekan deb o'ylayotgan bo'lsalaring kerak?)

© Twitterdan

👉 @Iqtisodplus

​​Ba'zida Zakovat haqida negativ gaplar eshitib qolaman. "O'yinning javoblari oldindan beriladi" yoki "Boshlovchi faqat bir xil odamlarni o'ynatadi, bu nohaqlik" kabi...

Zakovat haqida aytmoqchi bo'lganlarim va yuqoridagi negativ fikrlarga javobni shu post orqali yetkazishga harakat qildim.

Xushnudbek Xudoyberdiyev aka, sizga odno orqali sms yozib yurgan bola menman))

👉 @Iqtisodplus

​​Soliqning kuchi haqida

Amerikaliklar orasida "Faqat o'limdan va soliqdan qochib qutulib bo'lmaydi" degan gap yuradi. Ne-ne jinoyatlari uchun qamalmagan gangster Al Kapone ham soliq sababli panjara ortiga o'tirgan edi.

Mashhur faylasuf Diogen nega bochkada yashagan? Chunki u uy-joy solig'ini to'lashni xohlamaganda))

Gruzinlar orasida ham shunday hazil bor ekan: Nega pahlavon yigit yo'lbars terisini yopinib olgan? Sababi u ham yo'lbarslar soliq to'lamasligini yaxshi bilgan!)

Agar soliq (xiroj) bilan bog'liq Boybo'ri va Boysarining janjallari bo'lmaganida ehtimol bizga ham Alpomishdek yigitning qahramonliklari yetib kelmagan bo'lar edimi.

Soliq - muxim faktor, u hatto folklorga ham singib ketgan.

👉 @Iqtisodplus

​​"Parazitlar" filmida boy va kambag'allar o'rtasidagi tafovutni ifodalashda rejissyor Pon Jun Xo qiziq bir detaldan foydalangan - odamdan keladigan hid. Kim Ki Txek boshchiligidagi Kimlar oilasi yerto'lada yashagani bois, ulardan yerto'laning tushuntirib bo'lmas qo'lansa hidi kelar edi. Bu hid film davomida bir necha marotaba boy oila hisoblanmish Paklar oilasi vakillarining ko'nglini aynitadi. Filmning kuliminatsion nuqtasida janob Pakning o'ldirilishiga ham shu hid sabab bo'lib qolgan edi.

———

Oliy Majlis Senati Mudofaa va xavfsizlik masalalari qo‘mitasi raisi Qutbiddin Burhonov aholini gaz bilan ta'minlash borasida fikr bildirar ekan, yoshi katta bir onaxon uning yoniga kelib "yaqinroq kelib meni hidlang. Man orqali bilasiz, butun ayollardan, bizdan go‘ngning hidi kelayapti, tezak yoqayapmiz" deganini ta'kidlab o'tibdi.

Bu juda og'riqli masala muhtaram kattakonlar! Issiq o'rningizni vaqtincha tark etib, qishloq joylarga borib odamlar bilan ko'proq suhbatlashsangiz, shunda tushunasiz xalqning qanaqa yashayotganini. Uchinchi renessansga shoshmasdan, shunaqa masalalarni hal qilsakchi oldin?

Gapimni bekorga yuqoridagi film bilan boshlamadim. Bu ketishda filmdagi kabi kuliminatsion nuqtaga qarab ketmayapmizmi?

👉 @Iqtisodplus

​​Aholi daromadi qancha yuqori bo‘lsa, avtohalokatdan o‘limlar soni shuncha kam bo‘ladi, deb yozibdi Kun.uz o'z maqolasida. Va gapning davomidan ushbu gapni o'zlari rad etib qo'yibdi: Dunyo miqyosida avtomobillar soni oshib borishi bilan yo‘l-transport hodisalari ham parallel ravishda ko‘paymoqda. Bu esa o‘z navbatida YTH oqibatidagi o‘limlar soni oshishiga olib kelmoqda.

Aholi daromadlari oshgan sari ular xarid qiladigan avtomobillar soni ham oshib boradi, shuningdek sayohatlar soni ko'payadi. Bu tabiiyki avtohalokatlarning oshishiga ham olib keladi.

Ma'lumot uchun, 2008 yilgi iqtisodiy tanazzul keltirib chiqargan ishsizlik tufayli kamroq amerikaliklar o‘z avtomobilida sayohatga chiqqan ekan va buning natijasida yillik avtohalokatlar natijasida halok bo‘lgan odamlarning soni o‘sha yillarda qariyb 20 mingga qisqargan ekan.

👉 @Iqtisodplus

​​Marketing Level 99 ✅

Metro bekatlaridan birida olingan reklama bannerining surati.

Pastda alohida ajratib qo'yilgan joyda shunday yozilgan: Hoziroq qo'ng'iroq qiling va -45% chegirmaga ega bo'ling

Metroda telefon ishlamaydiku 🤣

👉 @Iqtisodplus

KASOFAT

Dada meni tilimga uring,
Toki yursin uzoq achishib.
Yoʻqsa uni uzib olishar.
Bir kun aniq boshimga qoʻshib.

Hammasini kuzatib turib,
Haqiqatdan tiyilolmaysan,
Zaboningdan kesib olmasa.
Birdan soqov boʻlib qolmaysan.

Koʻp goʻsht yeymiz, deya qoʻl choʻzar
Lahm kirib qolgan tishiga.
Parvo qilmay yashamoq ogʻir,
Vatanini sevgan kishiga.

Rossiyaga qatnashdan bezgan,
Tugamaydi "Shu oxirgisi".
Oilasini sogʻinganidan,
Kelaverar uyga ketgisi.

Otalarni qaritmoqda narx,
Avtomobil umrdan qimmat.
Mahsulotning xaridi bilan,
Oʻlchanmaydi yurtga muhabbat.

Uch toʻrt soʻmni gʻamlab qoʻyishib,
Koʻzlari koʻr, quloqlari kar.
Qorni oqib tizzaga tushgan,
Kemasini kemiruvchilar.

Ilm fanda bahslashar jahon,
Tom qurishda bellashgan telba.
Kallang boʻm-boʻsh boʻlsa farqi yoʻq,
Oliygohga formasiz kelma.

Koʻrganimiz yetmaganidek,
Yana qiynab inson shoʻrlikni.
Meros qilib qoldiramizmi,
Mardikorlik, poraxoʻrlikni.

© Muhammad Muso

👉 @Iqtisodplus

​​Quyidagi rasmda Rossiyaning bir yil davomida eng ko'p daromad qilgan youtuberlari aks etgan.

2019-yilning sentyabridan 2020-yilning sentyabrigacha bo'lgan muddatda yumoristik shoulari bilan chiqish qiladigan LABELCOM 3,55 mln dollar topgan va ro'yxatda yetakchilik qilgan. O'zining qiziqarli intervyulari bilan tanish bo'lgan Yuriy Dud 980 ming dollar bilan 4-o'rinni band qilgan.

👉 @Iqtisodplus

​​Har gal biznikilar yangi bir ajoyib soliq turini o‘ylab topishganda (ayniqsa butun dunyo iqtisodiy krizisga sho‘ng‘ib, rivojlanganroq davlatlar o‘z aholisiga ko‘p bo‘lmasa ham, to‘g‘ridan-to‘g‘ri pul tarqatib turgan va soliqlarni yengillashtirayotgan bir paytda), mana bu sovet multfilmidan parcha esimga tushaveradi.

© Mirziyod Mirusmanov

👉 @Iqtisodplus