Twitterdan telegramgacha. Trampga ta'qiqlangan tarmoqlar!

Xabaringiz bor, Twitter tarmog'i Donald Tramp akkauntini doimiyga bloklab qo'ydi. Shuningdek, bu ta'qiq Trampning tarafdorlariga nisbatan ham qo'llanildi.

Tramp darhol so'z erkinligi kontseptsiyasi atrofida qurilgan, ko'plab konservatorlarning boshpanasiga aylangan "Parler" ijtimoiy tarmog'iga o'tishini e'lon qildi. Ammo shundan so'ng darhol "Parler" ilovasi Google Play do'konidan olib tashlandi va AppStore ham xuddi shunday qilish bilan tahdid qildi.

Natijada Facebook, YouTube, Reddit kabi platformalar ham o'zining tinchligini o'ylagan holda ex-prezident uchun haydalish kuyini chalishdi. Natijada Tramp o'z faolligini telegram platformasida davom ettirdi. Uning @Trump kanaliga kechaning o'zida 131 mingdan oshiq odam qo'shildi. Pavel Durov esa bunga jiddiy e'tibor qaratmadi, chunki so'z erkinligi birinchi o'rinda. (Nega e'tibor qaratsin,axir bu voqea Telegram foydalanuvchilari sonining oshishiga sabab bo'lmoqda)

Shuningdek, ayni kunlarda Whatsapp o'z foydalanuvchilarining ma'lumotlarini Facebook'ga yetkazib turishi haqidagi ma'lumotdan so'ng, Telegram foydalanuvchilari soni keskin oshmoqda. Hozirda biz foydalanib turgan platforma foydalanuvchilari 500 mln dan oshgan.

———

Trampning telegram kanalidagi akkauntiga yuborilgan skrenshotdagi gaplarni o'qib, miriqib kuldim (yuqoridagi rasmda) 🤣 O'zbek har qanday vaziyatdan foydalanib qolishni xohlaydiyeee!

👉 @Iqtisodplus

Hey oq Ilon, oppoq Ilon...

So'ngi 5 kun ichida Tesla aktsiyalari narxi 800 dollargacha ko'tarildi. Natijada Ilon Maskning boyligi 189,7 mlrd dollarga yetdi. O'tgan yilgi yanvar oyidan beri Mask o'z boyligini 100 mlrd dollar atrofida oshira oldi.

Shu joyida antimotivatsiya:

Agar siz 2021 yil davomida, bir tiyinni ham sarflamasdan, kuniga 257 ming dollardan pul yig'ib kelganingizda ham, hozirda Ilon Mask sizdan boyroq bo'lgan bo'lardi...

257 000 x 365 x 2021 = 189 579 905 000 $

Rasmda fantastik to'rtlik.

👉 @Iqtisodplus

Olma-Ota shahridagi restoranlardan biri ekan. Restoran nomini tanlashdagi kreativlikka besh baho! Jan Klod Van Damm hijolatda)

Bizda esa Toshmat ota restorani, G'ishmat ota choyxonasi, Eshmat tog'a kafesi... Ba'zida bir xillikdan ajralib ham turish kerak.

👉 @Iqtisodplus

​Xabaringiz bo'lsa kerak, taxminan 2 haftacha oldin "Milliy" telekanali efirlaridan reytingi pastligi sababli "Zakovat" intellektual o'yini olib tashlangani haqida xabarlar chiqdi. Ijtimoiy tarmoqlarda va telegram kanallardagi norozi fikrlar ko'paygani bois, Twitterda shaxsan Komil Allamjonov — "agar ushbu ko'rsatuvga talab katta bo'lsa, ovozga qo'ying. Haqiqatda talab katta bo'lsa, shaxsan o'zim nazorat qilib, fondimiz homiylikni o'z zimmasiga oladi." dedilar.

"Milliy" telekanaliga bu borada hech qanaqa e'tiroz bildirishga haqqimiz yo'q. Ularga ko'proq odamni qiziqtira oladigan ko'rsatuvlar, shoular va seriallar kerak. Xo'p, unda ayb kimda?

Nega "Zakovat" oldingidek mavqega ega emas? Keling, shu borada suhbatlashsak...

👉 @Iqtisodplus

Birlashgan Millatlar Tashkiloti e'lon qilgan bir maqola shu so‘zlar bilan boshlangan edi:

"Rivojlangan davlat - bu kambag‘allar ham avtoulovga ega bo‘lishi emas, aksincha, boylar ham jamoat transportlaridan foydalanadigan mamlakatdir".

Yuqoridagi rasmda Britaniya Bosh vaziri Boris Jonson.

Nega rivojlangan davlatlarda amaldorlar ham jamoat transportida yuradi? Insofli, diyonatli bo‘lgani uchunmi? Yo‘q!

U davlatlardagi insonlar sotib olingan qimmat raqamni emas, undan byudjetga tushgan mablag‘ qayerga, qanday, qachon, kim tarafidan sarflanishini tergab ("kavlab"), muhokama ("g‘iybat") qilib turadi. Shuning uchun, amaldorlar qadamini o‘ylab bosadi va mamlakat rivojlanaveradi.

© Facebookdan olindi.

👉 @Iqtisodplus

Yuqoridagi postga qo'shimcha qilmoqchiman.

Hozirda byudjet tashkilotlarining shaffofligini ta'minlash maqsadida davlat xaridlari portalining ishga tushirilganligi quvonarli hol. Ayniqsa so'ngi oylarda bu mavzu ko'p muhokamalarga sabab bo'lmoqda.

Mamlakat rivojlanishi uchun ortiqcha sarf-xarajatlarning oldini oladigan, tanish-bilishchilik tizimini kamaytiradigan bunday portal albatta zarur. Uning ustidan jamoatchilik nazoratining o'rnatilishi esa amaldorlarning o'pkasini biroz bo'lsada bosib turadi. Bunga yaqindagina ma'lum bo'lgan jizzaxcha tender misol.

Lekin portalda uchraydigan ayrim kamchiliklar kimlar uchundir qo'l kelmoqda. Misol uchun unda "baholash" (Оценка) tizimining yo'q ekanligi. Agar siz qandaydir mahsulot uchun tender e'lon qilsangizu, uni yutib olgan tashkilotning xizmatidan qoniqmasangiz, uni 5 yoki 10 ballik tizimda baholashingiz kerak. Agar rostan ham o'sha tashkilot xizmatlari qoniqarsiz bo'lsa va deylik, siz kabi yana 2-3 ta tashkilot unga past baho qo'ysa, portalda bu tashkilotning reytingi tushishi lozim. Yoki aksincha, yaxshi ball olgan tashkilotlar avtomatik tarzda top o'rinlarga chiqishi kerak.

Bu xuddi Play Marketdagi ilovalarga baho berish algoritmi kabi ishlashi kerak. Yaxshi baho oldingmi — demak sen yuqoridasan!

👉 @Iqtisodplus

​O‘zbekistonda eski namunadagi 50, 100, 200 va 500 so‘mlik banknotlar va tangalarni amaldagi pul belgilariga almashtirib berishning oxirgi muddati 2022-yil 1-yanvar etib belgilandi. Oldingi muddat 2020-yilning 30-iyun sanasi edi.

Shu joyda bu mavzuga bag'ishlab yozgan postimni yana reply qilmoqchiman.

———

Agar bilsangiz har yili Xalqaro banknotalar jamiyati - IBNS "yil banknotasi" tanlovi g'olibini e'lon qiladi. Ming afsuski bizning "so'm"imiz bu tanlovda hatto nomzod ham bo'lmagan. Vaholanki qo'shni Qozog'iston tengesi ketma-ket 3 marta! bu tanlovda g'alaba qozongan. Bunaqasi hali bo'lmagan (Shvetsariya ham ketma-ket 2 marta yuta olgan).

2004-yildan beri g'olib davlatlarga qarasangiz (bizdanda) qoloq mamlakatlar - Samoa, Uganda, Bermud, Trinidad va Tobago kabilarning milliy banknotalarini ham ko'rishingiz mumkin. Nega O'zbekiston So'mi bu ro'yxatda yo'q? Nahotki bizda kuchli dizaynerlar yetishmasa?

Axir milliy valyuta - bu milliy iftixor, milliy ramz emasmi?

Ichki xotirjamlikni saqlagan holda, e'tiboringizga 2010-yildan beri "Yil banknotasi" nomini qo'lga kiritayotgan banknotalarni taqdim etaman

👉 @Iqtisodplus

​​Ushbu video Xitoy maktablaridan olingan bo'lib, unda bola va parta o'rtasida atay qo'yilgan to'siqlarni ko'rish mumkin. Bunday to'siqlar yozish va o'qish jarayonida qomatni tik tutishga, ko'z nuriga ziyon yetkazmaslikka o'rgatar ekan. Eng muhimi bolalarning umurtqa suyagi to'g'ri shakllanadi.

Mamlakatda shu kabi elementar narsalarga e'tibor berishyaptimi, ularning ta'lim sifatining qanaqa ekanligini haqida xulosa qilish mumkin...

👉 @Iqtisodplus

​Boshqa davlatlarda amalga oshirilayotgan ta'lim sohasidagi yangiliklarga juda qiziqaman. Bizda sinfxonani yetarlicha isitib bera olishmayotgan bunday davrda, boshqa mamlakatlardagi maktablarda kelajak avlod uchun yaratib berilayotgan tizimni ko'rib, bir tarafdan havas qilsam, bir tarafdan o'zbekning begunoh, kelajakdan umidi katta bolalari uchun achinaman.

Bizning kelajagimiz buyuk deyish va kelajakka ishonib, mavhum hayollar bilan yashash... Bu xuddi kimgadir yomonlik qilib, undan yaxshilik kutishga o'xshaydi.

Ularga faqatgina rasvo bo'lgan tizimni, korrupsiya bilan qorishgan ma'naviyatni, qarzga botgan mamlakatni, resurslarsiz maydonni qoldiramizmi?!

👉 @Iqtisodplus

​Mamlakat brendi — mamlakat yuzi!

Yaqindagina Gazzetta Dello Sport nashri Eldor Shomurodovning Italiyadagi muvaffaqiyatli yurishlaridan so'ng, Italiya futbol ommasi o'zbek futboliga qiziqa boshlagani haqida ma'lumot chiqdi. Bir insonning mamlakat futboliga ta'sirini ko'ryapsizmi?

Biror mahsulot sotib olayotganimizda "Made in China" so'zlarini ko'rsak ong ostimizda sifatsiz mahsulot degan fikr paydo bo'ladi, darhol "Made in Japan" yoki "Made in Germany" mahsulotlarini qidirishga tushamiz. Nima sababdan?

Mamlakatning xalqaro maydondagi har qanday mahsuloti yoki vakili — bu uning brendi, mamlakat ko'zgusi hisoblanadi. Bu brend katta maydonda yaxshi taassurot qoldirmasa, demakki mamlakatni yaxshi bilmagan xorijliklar uchun butun mamlakat shunaqa degan tushuncha shakllanadi. Bu esa turizmga, investorlar kirishiga, umuman olganda tashqi aloqalarga ta'sir qilishi mumkin.

Mamlakatni chet elliklar o'z bilganlaricha tushunishi, xulosa qilishi esa juda yomon. Bu narsa keyinchalik mamlakatning har qanday yangi brendini jahonga chiqarishini murakkablashtiradi.

P/s: Rasmda Uolter Ayzikson qalamiga mansub "Stiv Jobs" asarida O'zbekiston eslab o'tilgan joy. Bu naqadar yomon?! O'zbekistonning o'rniga Afg'oniston deb yozishganida ham mazmun o'zgarar edimi?

👉 @Iqtisodplus

​Kanalimizda ilgari berilgan mashhur tadbirkorlarga oid ayrim postlarning dayjesti. Oldin o'qimaganlar uchun esa ayni muddao)

Ilon Mask aslida kim yohud hayolotga berilgan biznesmen. O'qish
Makalatura ortidan kelgan milliard dollar. O'qish
Jeff Bezos: muvaffaqiyat siri aslida nimada? O'qish
Jek Ma - Biznesga tikilgan umr. O'qish
Bernar Arno - hashamat ustida qurilgan biznes. O'qish

👉 @Iqtisodplus

​YouTubedagi "Ular" loyihasining Behzod Hoshimov va Muhrim A'zamxo'jayev ishtirokidagi yangi sonini ko'rishni tavsiya qilaman. Suhbat davomida asosan koronavirus, Davlat xaridlari portali, jamoatchilik nazorati, tenderlar haqida so'z borgan.

Suhbatda Muhrim A'zamxo'jayev tomonidan aytilgan eng qiziq iqtibos — "Bunaqa narsalar haqida o'ylash uchun qorin to'q bo'lishi kerak!"

Tomosha qiling va o'z fikrlaringizni qoldiring.

👉 @Iqtisodplus

Vatanimiz sha'ni uchun kurashadigan, uni har yerda himoya qiladigan o'g'il va qizlarimizni bugungi bayram bilan tabriklayman!

Vatan tinchligi uchun o'z hayotini xavf ostiga qo'yib, ertayu-kech xizmatda bo'lgan harbiylarimizni alohida qutlayman!

Vatan aziz, uni himoya qilish esa barchamizning muqaddas burchimizdir!

👉 @Iqtisodplus

Yigit kishi hech qachon sevgan qizining bugungi bayramdagi sovg'asiga qarab qizga munosabat bildirmaslik kerak. Bu g'irt pastkashlik.

Bugun ba'zi "o'g'il" bolalarning "8-martda qanaqa sovg'a olishi bugungi sovg'asiga bog'liqda!" degan gaplari quloqqa chalinib qoldi. Bu bayram shunday bolalarniki emas.

Sevganingizni boricha qabul qiling. Undan nimadir umid qilmang, uning borligi baxt! Siz u uchun hech nimani ayamang! IMHO.

👉 @Iqtisodplus

2020-yil mart oyidan 2020-yil oxirigacha Xitoy COVID-19 ga qarshi kurashish uchun 438,5 milliard ¥ (~ 67,7 milliard dollar) miqdoridagi tibbiyot buyumlarini eksport qilgan.

- 224,2 mlrd niqob
- 2,31 mlrd himoya kostyumlari
- 289 mln juft ko'zoynak
- 271 ming o'pka ventilyatsiyasi moslamalari
- 1,08 mlrd test topshirish qurilmalari

2021-yilda esa Xitoy tibbiyot sanoati usbu kasallikka qarshi vaksina sotishda katta daromad olishni maqsad qilgan.

👉 @Iqtisodplus

Singapurdagi Google kompaniyasi ofisiga kirishda o'rnatilgan installyatsiya ekan.

Bir rakursdan "Google", ikkinchi rakursdan esa "Welcome" so'zini o'qish mumkin.

👉 @Iqtisodplus