Mashhur brendlarning reklama janglari kino olamiga ham ko'chmoqda!

Bilamizki, Coca Cola va Pepsi, McDonald's va Burger King kompaniyalari o'rtasida doimiy kurash kechadi. Ularning marketing yurishlari butun dunyo bo'ylab muhokama bo'ladi deb aytish mumkin.

Mashhur yozuvchi Stiven King qalamiga mansub "It" ("Оно") daxshatli filmi yakunida Burger King'dan master klass namoyish etilgan.

Ya'ni film yakunida titrlardan so'ng shunday yozuv chiqadi — "The moral is: Never trust a clown" ya'ni "Moral: Hech qachon masxarabozlarga ishonmang". Bu yozuvdan keyin esa Burger King logotipi paydo bo'ladi va tomoshabinlarni daxshatli film stresidan olib chiqadi)

McDonald's brendining ramzi masxaraboz ekanligini esa bilasiz...

👉 @Iqtisodplus

Kanalda infratuzilmalar haqida ko'p yozaman. Chunki rivojlangan mamlakatlarda aholi uchun yaratilayotgan qulayliklar, imkoniyatlar haqida o'qib o'tirsangu, bizda nuqul turli jarimalarni joriy qilish bilan ovora bo'lishsa... yozmasdan bo'ladimi?!

Rasmda Kanadadagi supermarketlarda joriy qilingan namoz o'qish uchun mo'ljallangan xonacha. Ajoyib-a? Oldinroq Kanada metrosidagi ijtimoiy posterni ham joylagan edim.

Kunlarning ulug'i — Juma muborak qadrdonlar!

👉 @Iqtisodplus

Time jurnali Jo Bayden AQSH prezidenti bo‘lganidan keyin chiqargan ilk soniga ajoyib muqova tanladi. Unda to‘zib yotgan oval kabinet va o'ychan Bayden tasvirlangan. Ya’ni, muqovada Baydenga Trampdan chinakam tartibsizlik uyasi meros qolgani hikoya qilingan. Aslida ham shunday. Shu sabab Bayden ishni Trampning qarorlarini bekor qilishdan boshladi.

Bayden prezidentlikka kelgach, juda tez farmonlar imzolashga kirishib ketdi. U prezidentligining birinchi 24 soatida 15 ta farmon imzoladi. Taqqoslash uchun rahbarlikka kirishgach, dastlabki ikki haftada Tramp 8 ta, Obama 9 ta, Bush 2 ta va Klinton 3 ta farmon imzolagan. Chunki Tramp shu qadar ko‘p xatoliklarni Baydenga meros qoldirgandiki, ularni tuzatishni birinchi kundan boshlash shart edi.

Eng asosiy qarorlar sifatida Meksika bilan o'rtada devor qurilmasligi, muhojirlarni mamlakatdan haydab chiqarmaslik, Parij kelishuviga qaytish va mamlakatda pandemiya bilan qattiq kurashish haqidagi qarorlarni aytish mumkin.

👉 @Iqtisodplus

​🔴 O'tgan yili YouTube'da ham kanal ochgan edik va videolar joylagan edik. Kanalga yangi qo'shilganlar yoki ko'rmaganlar uchun o'sha videolarning linkini:

▫️ "Taxtlar o'yini" serialidagi kadr: xatomi yo marketing hiylasimi? — Tomosha qilish

▫️ Nega iPhone reklamalarida soat aynan 09:41 ni ko'rsatadi? — Tomosha qilish

▫️ "Sekundning yuzdan biri" — Tomosha qilish

Kanalga ulanib qo'yish ham esdan chiqmasin)

👉 @Iqtisodplus

​1964 yil 20 oktyabrda Kaliforiya shtatida dunyoga kelgan qizaloqqa Kamala deb ism qo‘yishdi. Kamalaning ota-onasi Britaniya koloniyalaridagi mamlakatlardan kelgan muhojirlar edi: otasi yamaykalik Donald Harris va onasi hindistonlik Shamala Gopalan.

Donald Jasper Harris iqtisodchi, Shamala Gopalan esa endokrinologiya yo‘nalishida faoliyat olib borgan. Kamala va uning singlisi Maya yoshligidan sifatli ta’lim olishgan. Bugun yaxshi ta’lim va kuchli aql bilan buyuk davlatning eng yuksak lavozimlaridan biriga erishdi.

Axir bu Amerika deyishga shoshilmang! Hayotda sifatli ta’lim va doimo harakatda bo‘lishlik insonni shaxs sifatida shakllantiradi hamda xalq orasida qadrini oshiradi. Qayerda va qanday sharoitida bo‘lishdan qat’i nazar ilm olishdan to‘xtamang. Faqatgina ilm orqali amerikalik muhojirdan AQSH vise-prezidentiga aylanish, uyining garajida buyuk kompaniyaga asos solish, kamida yaxshi doramad qiladigan o‘z sohasining eng zo‘r mutaxassisi bo‘lish mumkin.

© Feruz Allaev

👉 @Iqtisodplus

📺 Netflix platformasining Koreyadagi bo'limi Variety jurnalida bosma nashrdagi eng kichik reklamasi bilan Ginnesning rekordlar kitobiga kirdi. Ushbu noodatiy reklama "Busted" serialining uchinchi mavsumiga odamlarning qiziqishini oshirish uchun ishlab chiqilgan.

Lupa yordamida reklamadagi aktyorlarni va orqa fondagi manzaralarni aniq ko'rish mumkin. Reklamaning o'lchami 1,712 ga 2,429 sm bo'lib, bundan oldingi bosma nashrdagi reklama rekordi maydonchasi 4,6 sm bo'lgan.

👉 @Iqtisodplus

​Biror viloyatning oshini maqtab, bahslashish faqatgina o'zimizda emas. Kerak bo'lsa xorijliklar ham shu kabi bahslarga kirishishi mumkin))

👉 @Iqtisodplus

​Bir necha yillar oldingi "Что? Где? Когда?" o'yinida oddiy karton quti olib chiqilgan edi va bu kabi qutilardan Xitoy maktablarida nima uchun foydalanishadi, deb savol berilgandi.

Videoda oddiy Xitoy maktablaridan biridagi imtihon jarayonidan lavhani ko'rishingiz mumkin. Har bitta bolaning boshiga maxsus karton qutilar kiydirilgan. Bunday chora o'quvchilar yonidagi sheriklaridan ko'chirmasligi, umuman ko'z qirini tashlamasligi uchun qilingan.

👉 @Iqtisodplus

​Bo'lib tashla va hukmronlik qil!

Tarixi qadimgi Rimga borib taqaladigan bo'lib tashlash va hukmronlik qilish strategiyasi bugungi kunda marketingning o'ziga xos yo'nalishlaridan biriga aylandi. Konkret keys bilan ko'rib chiqaylik.

90-yillarda bir inson bu usul bilan bukmekerlarni ajoyib tarzda chuv tushiradi. 1xBet chilarni emas albatta 😄

Basketbolga pul tikishni yaxshi ko'radigan 1000 ta odamning elektron pochtasini yig'ib chiqadi. Navbatdagi o'yin oldidan ularning 500 tasiga "A jamoa yutadi" deb, qolgan 500 tasiga esa "B jamoa yutadi" deb xabar jo'natadi.

Tabiiyki jamoa yoki yutadi, yoki yutqazadi. Shunga qarab qaysi holat to'g'ri chiqsa, o'sha 500 tani saqlab qo'yardi. Qolgan 500 tani esa bazadan o'chirib tashlar edi. Navbat keyingi qadamga!

Keyingi o'yin oldidan ham u xuddi shunday ishni amalga oshiradi. Bu safar xabarga "Menda insayderlarning ma'lumotlari bor" degan gaplarni ham qo'shib qo'yadi. Yana 250 ta odam "A jamoa yutadi" degan, qolgan 250 tasi esa "B jamoa yutadi" degan xabarni oladi.

Ish shu tariqa davom etadi. U har gal o'yindan keyin o'z bazasidan odamlarning yarmini kamaytirib borar edi. Shu bilan birga unga ishonadigan, NBA ning ashaddiy muxlislari ko'payardi.

U bundan foydalanib, keyingi o'yinlarda o'z prognozlarini 1000 dollardan sotishni boshlaydi va o'z ro'yxatini 2 ga bo'lishda davom etadi, prognoz narxi tobora yuqorilashib borar edi. To oxirgi holatga yetib borguncha bu janob o'z pullarini bir necha yuz ming dollarga oshirib oladi.

Bu holatni zamonaviy marketingda segmentatsiya deb atashadi. Mahsulot yaratdingizmi, uni aynan qayerda sotishni o'rganing, bozorni taqsimlab oling. Keyin esa hujumga o'ting. Muvaffaqiyat siz tomonda bo'ladi ✊

👉 @Iqtisodplus

Yurtdoshlarimizning 2 ta asosiy muammosi bitta suratda ekan)

👉 @Iqtisodplus

​Kanalimizda bir qancha iqtisodiy indekslar haqida gaplashdik. Ushbu dayjestda ularni yana bir takrorlaymiz:

▫️ Qizil lab bo'yoq indeksi — O'qish
▫️ Mini yubka indeksi — O'qish
▫️ Robin Gud indeksi — O'qish
▫️ Mashshoq indeksi — O'qish
▫️ Osmono'par binolar indeksi — O'qish

👉 @Iqtisodplus

​Amaldagi Soliq kodeksining 289-3-moddasiga muvofiq joriy yil 1-fevraldan neft mahsulotlari va boshqa aksiz to‘lanadigan tovarlar va xizmatlarga soliq stavkalari miqdorlari oshiriladi. Shu sababli benzin narxi oshishi mumkin ekan.

Biznikilarga maza a?

Aksiz soliqlari o'zgarsa — benzin narxi oshadi;
nef narxi oshsa — benzin narxi oshadi;
neft narxi tushib ketsa — benzin narxi oshadi;
neft narxi o'zgarmasa — benzin narxi oshadi...

Benzin kabi bo'ling. Hech narsa sizni sindirolmasin)))

👉 @Iqtisodplus

​Puma va Pele

Sport sohasi har doim turli reklamalar uchun baza bo'lib kelgan. Ayniqsa futbol. Fikrimizni Puma brendi reklamasi bilan ochib berishga harakat qilamiz.

1970-yillarda Braziliya afsonasi, uch karra jahon chempioni Pele faoliyatining eng yuqori cho'qqisida edi. Puma kompaniyasi bundan oqilona foydalanadi va u bilan noodatiy shartnoma imzolaydi.

Ya'ni 1970-yildagi jahon chempionati finali oldidan tuzilgan shartnomaga ko'ra — Pele stadionga Puma butsalarini kiyib chiqib keladi va ma'lum muddat butsalarining ipini boshqatdan bog'lashi kerak edi. Aynan shu ishi uchun Puma unga 120 000$ va'da qiladi! Yarim asr oldin bu summa qanchalik katta bo'lganligini tasavvur qilib ko'ring.

Pele rozi bo'ladi. Maydonga chiqib, raqib jamoa o'yinchilari bilan qo'l siqishgach, taxminan 10 sekund atrofida Puma Boots iplarini bog'laydi. Tasavvur qiling, stadiondagi barcha muxlislar nigohi unda! Bu reklama olamidagi haqiqiy "portlash" bo'lgan!

Natijada, Puma brendi savdosi keyingi yilda naq 30% ga oshgan! Dunyoning eng yaxshi o'yinchisi har doim eng yaxshi butsani kiyadi, degan fikr odamlar ongiga singib bo'lgan edi.

Yaxshi mahsulot har doim yaxshi marketing bilan proporsional rivojlanishi kerak.

👉 @Iqtisodplus

​Kinodagi qahramonlar ishlatadigan telefoniga e’tibor berganmisiz?

Mashhur telefon brendlari o'zlarini hatto kino olamida ham himoya qilishadi.

Kinorejissyor Rayan Jonson o‘z intervyularida salbiy roldagi qahramonlar iPhone smartfonlaridan foydalanishlari kompaniya tomonidan ta'qiqlanganligi haqida aytib o‘tgan. Agarda kinodagi biron bir shaxs iPhone ishlatayotganini ko‘rsangiz, bilingki u ijobiy obraz sifatida aks ettirilgan.

👉 @Iqtisodplus

​Bu qisqametraj filmni oldin ham kanalda joylagan edim. Hozir yana ko'rib, ta'sirlandim.

Bir og'iz so'z ishlatilmagan bo'lsada, hozirgi yuzlab filmlardan ko'ra ma'noliroq filmcha. Soundtreki esa alohida e'tirofga loyiq. Animatsion janrda 1999-yilda Mark Ozborn muallifligida ishlangan bo'lib, bu insonni ko'proq "Kung-fu Panda" va "Kichkina shahzoda" multfilmlari orqali bilamiz.

Filmcha haqida qanday xulosalarga keldingiz? Menga shu narsa qiziq.

👉 @Iqtisodplus