​#Faktlar

Muammar Kaddafi bilan bog'liq ayrim faktlar

1. Kaddafi davrida Liviya inflyatsiyasi eng past mamlakat sifatida Ginnesning rekordlar kitobiga kiritilgan. Shuningdek Afrikadagi eng yuqori YaIM ga ham erishilgan.

2. "Yashil kitob" — Kaddafi yozgan asar bo'lib, u hatto ta'lim dargohlariga alohida fan sifatida kiritilgan. "Ayol — odam" asar shu so'zlar bilan boshlanadi, davomi esa "Erkak ham odam".

3. Darvoqe, "Yashil kitob" islom qadriyatlari va kommunistik qarashlar aralashmasidan iborat bo'lgani uchun, ko'pchilik bu asarni tarvuzga qiyoslashadi: usti yashil, ichi qizil.

4. Kaddafining ayrim farmonlari qiziq: misol uchun u Koka-Kolani liviyaliklar ixtirosi deb atagan. Shuningdek, Shekspir — aslida liviyalik emigrant Shayx Zubayr bo'lgan, Amerikani esa liviyalik amir Ka ochgan degan qarorlar chiqargan.

5. Kaddafi kamtarlikni yaxshi ko'rgan (paradoks holat). Liviyada yulduzlik kasaliga chalinmasligi uchun futbolchilarni ham raqami bilan chaqirishni joriy qilmoqchi bo'lgan. Darvoqe, Kaddafining o'g'li "Perudja" va "Udineze" klublarida o'ynagan.

6. Mushukning miyovlashi "Muammar" so'ziga yaqin bo'lgani uchun, Liviyadagi Kaddafi tarafdorlari mushuklarga yashil lenta bog'lab chiqishgan.

👉 @Iqtisodplus

#Poem

Tunda tramvayda sarhush o'spirin,
Tinmay haydovchiga yolvorar edi.
Ana u ko'chaga yuz qadam kiring,
Uyim o'sha yerda, jon aka, derdi.

Bu - tramvay, derdi, haydovchi xunob,
Temir iz bor, chetga qandoq buraman,
Yigit qulog'iga kirmasdi javob,
- Besh so'm oling, mayli, o'n so'm beraman.

U sarhush yigitga o'xshaydi ko'ngil,
Orzulari parvoz etar qaydadir,
Talpinma, ey ko'ngil,
Sen gapga ko'ngil!
Axir, makonimiz tramvaydadir.

Erkin Vohidov (1989-yil)

👉 @Iqtisodplus

#Statistika

Ushbu rasmda 2020-yilning sentyabr oyidan beri aksiyalari eng ko'p qulagan kompaniyalarni ko'rishingiz mumkin.

🖥 O'tgan 1 yil davomida aksiyalari o'sishi bo'yicha rekord qo'ygan Zoom kompaniyasi aksiyalari 19.10.2020 sanasida 45% ga qulagan.

🎮 Asosan turli kompyuter o'yinlariga ixtisoslashgan Unity kompaniyasi aksiyalari esa 46 % ga pasaygan va bu hozircha eng katta qulash.

🚘 Shuningdek, Tesla qimmatli qog'ozlari narxi ham 26.01.21 sanasida 36% ga pasaygan.

👉 @Iqtisodplus

#Logo

Domino's Pizza logotipidagi uchta nuqta 1965-yilda dastlab restoran ochilganida mavjud bo'lgan restoranlari sonini ifodalaydi. Tarmoq asoschisi Tom Monagan har gal yangi filial ochilganida logotipdagi nuqtalarni ko'paytirib borishni reja qilgan edi. Lekin kompaniya shu darajada tez o'sishga erishdiki, logo bilan bog'liq g'oya o'z aktualligini yo'qotdi.

👉 @Iqtisodplus

#Marketing

To'ylar va bayramlarga boshlovchi kerak bo'lsa marhamat. Lekin reklamada nimadir nomutanosibdek tuyulmadimi))

Bir yigitga 40 hunar ham oz deyishadi dono xalqimiz 😉

👉 @Iqtisodplus

#Interesting

Mazkur rasmda Excel dasturining u yoki bu imkoniyatini kengaytirish natijasida tashkil topgan kompaniyalar keltirilgan ekan.

Takomillashish, mashhur bo'lish yoki daromad topish uchun har doim ham Amerikani qayta kashf qilish shart emas. Mavjud narsani rivojlantirish va odamlarga qulaylik yaratish orqali ham bu narsalarga erishish mumkin.

👉 @Iqtisodplus

#Melody

Ajoyib havoga mos bo'lgan Yanni ijrosidagi takrorlanmas musiqalardan biri. Tinglang va yomg'ir iforidan bahra oling.

👉 @Iqtisodplus

​Har bir o'tayotgan lahza — tarixga aylanmoqda. Hayotni shirin lahzalar bilan to'ldirish, yaxshi insonlar bilan o'tkazishga intilish lozim.

Yoqtirgan odamlaringiz, yaqinlaringiz bilan suhbatlashish — miyaning yaxshi ishlashi uchun har qanaqa miyani charxlovchi vositalardan ham ko'proq ijobiy effekt beradi. Bulardan tashqari bo'lgan ishlar, masalan kitob o'qish, musiqa eshitish kabi mashg'ulotlar esa shunchaki dessert deyish mumkin.

Hayot ham xuddi varrakka o'xshaydi. Kezi kelganda pasayadi, kezi kelganda samolarni quchadi. Toki u pastga tushmaguncha rohatlanib qolish kerak...

👉 @Iqtisodplus

Zakovat - 20 yoshda!

2001-yil 25-mart kuni, bundan roppa-rosa 20 yil oldin Zakovat intellektual ko’rsatuvi ilk marta efirga ketgan edi.

20 yil efirda qolish oson ish emas, buning mashaqqatini tushunganlargina biladi.

Shuncha yildan buyon bizni kuzatayotgan barcha muxlislarga cheksiz minnatdorligimizni bildiramiz!


Kanalimizga ulanish:
➖ @zakovat

#Motivation

Bugungi Brain Ring o'yinini ochib berish uchun Milliy mass-mediani qo‘llab-quvvatlash va rivojlantirish jamoat fondi Vasiylik kengashi raisi Komil Allamjonov so'zga chiqdilar.

Ayni paytda xalqimizning bilim olishga bo'lgan intilishlari, dunyoqarashi haqida xolis fikrlarini bildirdilar. Bu gaplar, afsuski, achchiq haqiqatimiz.

Ushbu nutqni eshitishni, do'stlarga yuborishni va xulosa chiqarishni qattiq tavsiya qilaman.

👉 @Iqtisodplus

​#Biznes

Tadbirkorlik uzoq davr mobaynida shakllanib kelgan. Hozirgi kunga kelib, faoliyatning asosiy manbasi aqliy mehnat mahsuliga, nomoddiy resurslarga aylanmoqda. Bunga eng omadli kompaniyalarni va ularning faoliyatini misol keltirish mumkin:

Amazon — magazinlari yo'q,
Uber — avtomobillari yo'q,
Facebook — kontenti yo'q,
Alibaba — tovari yo'q,
Airbnb — ko'chmas mulki yo'q,
Booking — mehmonxonalari yo'q,
Bitcoin — kupyurasi yo'q,
Netflix — TV-kanali yo'q.

Shuningdek, bugungi kunda bizda ham ommalashgan telegram kanallarni ham ushbu ro'yxatga kiritish mumkin. Chunki ular ham haqiqiy daromad manbaiga aylanmoqda, lekin aslida mavhum tovarlar (axborotlar) yetkazish bilan shug'ullanadi. Shunchaki aqliy mehnat mahsullari.

Siz ham shu kabi to'qima tovarlar platformasi haqida o'ylab ko'ring. Zamonaviy biznes — mavjud bo'lmagan mahsulotlar savdosi asosiga qurilmoqda.

👉 @Iqtisodplus

Suvaysh kanaliga tiqilib qolgan kemaning dunyo iqtisodiyotiga zarari haqida har kuni ko'plab yangiliklarni o'qiyotgan bo'lsangiz kerak.

Men xohlardimki, aynan mana shu hodisa natijasida odamlar erkin savdoning ahamiyatini yaxshiroq tushunib olishsa. Ya'ni qaysi bo'g'inda bo'lishidan qat’i nazar savdoning cheklanishi(boj, notariff to'siqlar, suvaysh kanalidagi kabi kemaning tabiiy ravishda kanalni to'sib qo'yishi va hk) umumiy iqtisodiyotga albatta zarar olib keladi. Hamda iste'molchilar kambag'allashadi.

Endi tasavvur qilib ko'ring, bizning chegaralarga "tiqilib qolgan kemalar" necha yillardan buyon iqtisodiyotimizga qancha zarar keltirib ulgurdi ekan.

@Mirkonomika

Juda muammo bo'ldiyu, a, bu Evergreen deganlari))

Suvaysh kanalini to'sib qo'ygan EverGreen kemasi (Ever Given logistika firmasiga tegishli) kabi EverGreen kontayner yuk mashinasi ham Xitoyda yo'lga tiqilib qolibdi. 🤦‍♂

P. S. Iltimos, fitna nazariyasi yasashga shoshilmang. Rasmiy xabarlarga ko'ra bu yuk mashinasi EverGiven logistika firmasiga tegishli emas ekan. Shunchaki uning logosi tushirilgan konteynerdan foydalanar ekan. Odatda kontaynerlar ko'p joylarda qolib ketadi va uni istalgan yuk mashinasi foydalanishi mumkin.

2020: COVID-19
2021: Ever Green

​Intellektual mahsulot va uning ahamiyati haqida Feruz Allaev yaxshi post yozibdi. Unda shunday deyiladi:

AQSh iqtisodiyoti bugun aniq qo‘lga ushlaydigan mahsulotdan ko‘ra aqliy mahsulot ustida qurilgan. Men Yevropada italyan yoki fransuzlar AQSh liklarni madaniyatsiz deb kulishganini ko‘p eshitganman. Ularning nazdida “tupoy amerikaliklar” oddiy geografiyani bilishmaydi, didsiz binolar qurib, didsiz san’at yaratishadi. Lekin, aksar Yevropaliklar bugun iPad orqali Youtube yoki Netflix ko‘rishadi, yangi dizayndagi jinsi shimda yurishadi, o‘z fikrlarini “Word” dasturidan foydalanib Dell yoki Apple kompyuterida yozishadi. Kinoteatrda “Avatar" filmini pop-korn yeb maza qilib ko‘rishadi.

1000 dollar baholanadigan iPhone ning tan narxi bugungi kunda 250 dollardir, qolgan 750 dollari g‘oya ya’ni ideya uchun to‘lanadi. Dell ham, Apple ham, HP ham mahsulotning g‘oyasini yaratib, uni arzimagan pulga Osiyo mamlakatida ishlab chiqaradi. AQSh iqtisodiyoti ideya ya’ni aqliy mehnat mahsulotlari ustida qurilgan.

Bugun g‘oya ya’ni intellektual mulk eng ko‘p daromad olib keladigan dunyoda yashayapmiz. Biz kuchli iqtisodiyot qurishimiz uchun xom-ashyo emas, intellektual mahsulotlar rivojiga bor e’tiborni qaratishimiz kerak.

👉 @Iqtisodplus

​Kuzatuv kameralari va Shvetsiya tajribasi

Yurtimiz yo'llarida kuzatuv kameralari ko'payib bormoqda. Ustiga-ustak tadbirkorlar ham yo'llarga kamera va radarlar o'rnatishi mumkin bo'ldi. Bir tarafdan olib qaraganda, bularning hammasi o'rinli. Chunki haydovchilarning qoida buzishi natijasida har yili minglab insonlar vafot etishadi. Biroq, bu qoidabuzarliklar orqasidan tushadigan jarimalar yo'llarimizning ravonligi va infratuzilmaning yaxshilanishi uchun qay miqdorda sarf etilishi ko'pchilikka ayon.

Dunyoning eng taraqqiy etgan mamlakatlaridan biri, infratuzilma borasida har qanaqa mamlakatga namuna bo'la oladigan Shvetsiya bu borada qanday tizimni joriy qilgan?

Shvetsiya poytaxti Stokgolm shahri yo'llarida kuzatuv kameralari anchagina ko'p. Lekin ulardagi tizim biznikidan farqli ravishda haydovchilarning foydasi uchun ishlaydi.

Gap shundaki, bu kameralar o'ziga xos lotereya tizimiga asosan ishlaydi. Yo'l harakati qoidalarini buzish natijasida kameraga tushgan haydovchilardan jarimalar yig'ilib boriladi. Bu jarimalar esa ma'lum bir muddat uchun mukofot fondini tashkil etadi. Natijada ushbu yig'ilgan pullar avtomatik tanlov usuli bilan, tezlik qoidalariga amal qilib, boshqalarga o'rnak bo'la oladigan haydovchilarning hisobiga tashlab beriladi. Ya'ni siz qonunni buzmay mashina haydash orqali ham katta miqdorda pul olishingiz mumkin. Buyog'i lotereya!

Haydovchilarni faqat jarimaga tortish emas, kezi kelganda mukofotlab ham turish kerak.

👉 @Iqtisodplus

​Suvaysh kanali va Evergiven firmasi konteyneri bilan bog'liq voqeadan keyin internetda ushbu kanalning xalqaro iqtisodiyotdagi ahamiyati bilan bog'liq qidiruvlar keskin oshibdi. Bu xuddi biror tana a'zongizni to u og'rimaguncha eslamaslik kabidir. Suvaysh ham yer organizmining bir muxim arteriyasi hisoblanadi.

Bo'lib o'tgan voqea davomida neft narxining keskin oshgani haqida xabaringiz bor. Konteyner sayozlikdan chiqarib olinganidan keyin narxlar stabil holatga qaytishi kutilmoqda.

Rasmda Suvaysh kanali orqali neft va neft mahsulotlarini eksport qiladigan eng katta ulushli mamlakatlar ko'rsatilgan.

Ma'lumot uchun, dunyo bo'ylab tashish hajmining taxminan 30 foiz va butun dunyo savdosining taxminan 12 foiz qismi har kuni 193 km uzunlikdagi Suvaysh kanali orqali olib o'tiladi. Kpler konsalting kompaniyasining ma'lumotlariga ko'ra, kanal orqali neft va neft mahsulotlarini yetkazib berish butun dunyo miqyosining qariyb 4,4 foizini tashkil qiladi.

👉 @Iqtisodplus

​Samarqanddagi Brain-Ring haqida

Samarqandda bo'lib o'tgan "Zakovat intellektual o'yini" doirasidagi Brain-Ring bahslari kutganimizdan ham boshqacha bo'ldi. Zakovat o'yini muxlislarining ko'pligi, ayniqsa ular orasida yoshi ulug' insonlar ham talaygina ekanligi bizga yanada kuch bag'ishladi.

Ishtirokchilar orasida Rustam Ibadov ismli 74 yoshli, Hamidulla Hojiev ismli 73 yoshli otaxonlar ham o'z jamoasi bilan qatnashishdi. Kattaqo'rg'onlik 50 yoshdan oshgan Yariyeva Gulsara opa esa o'z oilasi bilan ishtirok etdi va chorak finalgacha yetib bordi.

Kastingdan so'ng tasodifiy yig'ilgan Bobanor Shukurov jamoasi turnirda 2-o'rinni qo'lga kiritdi. Bobanor Shukurovning Atletiko Madrid va Atletik Bilbao haqidagi savolga bergan javobi butun turnirning kuliminatsion joyi bo'ldi deyish mumkin. Aynan shu javob jamoani keyingi bosqichga olib chiqqan edi.

Xullas, taassurotlar bir olam. O'yinni jonli efirda ko'ra olmaganlar YouTube orqali ko'rishlar mumkin.

🔴 YouTube'da ko'rish

Keyingi manzil Qashqadaryo va Surxondaryo viloyatlari. O'ylaymizki, voha xalqida ham eng kuchli bilim egalari bizni kutishmoqda!

P/s: Rasmda o'yinning yoshi ulug' uch mushketyori.

👉 @Iqtisodplus

​Evergreen kompaniyasining logistikaga qo'shgan tasodifiy hissasi

Bilamizki, mahsulotni quruqlikda tashishdan ko'ra okean va dengizlarda tashish bir necha marotaba arzonroq hisoblanadi. Lekin, bu yerda narx bilan birgalikda uni tashishga ketadigan vaqt ham inobatga olinishi zarur. Chunki bu bevosita mahsulot sifatiga ta'sir qiladigan omil.

1992-yilgacha logistika bilan shug'ullanadigan insonlarni bitta narsa juda qiziqtirgan: nima sababdan g'arb va Amerika qit'asi o'rtasida masofa bir xilu, lekin borish va kelish o'rtasida vaqtlar turlicha bo'ladi?

1992-yil 10-yanvarda Evergreen kompaniyasining Ever Laurel konteynerovozi Gongkongdan Aqshning Takoma shahriga yo'lga chiqadi va yo'lda bo'ronga uchraydi. Konteynerdagi 28 mingta plastik o'yinchoq okeanga oqib ketadi. O'yinchoqlar 4 xil edi — qizil qunduz, ko'k toshbaqa, yashil qurbaqa va sariq o'rdakcha shaklida. O'yinchoqlar yillar davomida okeanlarda suzib yurgan. Ba'zilari Britan Kolumbiyasi va Gavaya qirg'oqlarigacha suzib kelgan, katta qismi dunyo bo'ylab "sayr qilib" yurgan. Xuddi o'sha sariq o'rdakchalar okeanshunoslarga okean oqimlari, xususan Golfstrim oqimi mavjudligi haqidagi ma'lumotlarni aniqlashga yordam bergan.

Bu esa keyinchalik logistikada Golfstrim oqimining ahamiyati haqidagi katta mavzularni tadqiq qilish uchun yo'l ochgan edi.

👉 @Iqtisodplus