"Bir kunda 16 soat ishlayman, haftasiga 7 kun, yiliga esa 52 hafta! Yana odamlar meni omadli deb atashadi!"

Ha, shu darajada ko'p ishlaydigan odamni omadli deb atash g'alati. Omad — bu bir marta keladi, muvaffaqiyatga esa katta mehnat ortidan erishish mumkin. O'z orzularingiz yo'lida intilishdan to'xtamang!

👉 @Iqtisodplus

Har kuni shu paytda "Tashkent City"da Andrea Bochelli va Sara Braytman ijrosidagi "Time to say goodbye" ya'ni "Xayrlashuv vaqti" ashulasi jarang sochadi. Taxminan 2 km masofadan bemalol eshitib yotaman.

SSSR paytida xalq ongida vatanga bo'lgan muhabbatni kuchaytirish uchun kun davomida 2-3 marta madhiyani TV va radio orqali eshittirishgan. 2-jahon urushi paytida askarlarning jangovar ruhiga ta'sir qilishi uchun Bethovenning 5-simfoniyasini ("G'alaba simfoniyasi" ham deb atashadi) eshittirib turishgan deyishadi. Aytmoqchimanki, musiqaning inson ongiga ta'siri anchagina yuqori.

Time to say goodbye... Balki bu ham odamlar uchun qanaqadir ishoradir))

👉 @Iqtisodplus

Shanxayda video o'yin reklamasi uchun bir kompaniya ajoyib usulni tanlabdi. Shaharning eng markaziy maydonlaridan birida 1500 ta dron yordamida QR-kod tasvirini yaratishibdi.

Tomoshabinlar o'z smartfonlari yordamida bu QR-kodni skaner qilishadi va kompaniyaning saytiga tashrif buyurishadi.

Reklamaning ajoyib va kreativ usuli. Nima dedingiz?

👉 @Iqtisodplus

Assalomu alaykum qadrdonlar! Ramazon hayiti muborak bo'lsin!

Sizlarni va oila a’zolaringizni bugungi ramazon hayiti bayrami bilan muborakbod etaman!

Sizlarga va oilangizga sog‘lik-omonlik, ikki dunyoni saodatidan nasib etishini so‘rayman.

Bayramni oila a’zolaringiz bilan shodlik, xursandlikda xayrli o‘tkazishingizni tilab qolaman!

Kelasi yil shu kunlarga bizlarni, ota‑onalarimizni, farzandlarimizni, ayollarimizni, do‘stlarimizni va barcha yaqinlarimizni sog‘-omon yetkazsin! 🙏

👉 @Iqtisodplus

Tabiat — buyuk ustoz!

Kungaboqar o'simligi quyosh tomonga qarab harakatlanishi barchaga ma'lum. Lekin quyosh bulutlar bilan berkingan paytda yoki yomg'irli pallalarda ular qanday harakatlanadi?

Bunday paytlarda kungaboqarlar bir-biriga yuza qismini yaqinlashtirib olishadi va shu orqali bir-biriga energiya ulashadi. Tabiat ajoyib!

Tasavvur qiling, buni hayotimizga ham qo'llasak! Har kimning hayotida ham "bulutli" damlar bo'ladi. Bunday paytda insonlar bir-birini qo'llashi va ularga kuch berishi lozim! Tabiat bizga ko'p narsada ustozdir. Yaxshiligingiz va tabassumingiz bilan o'rtoqlashing, u sizga qaytib keladi!

Dam olish kuningiz maroqli bo'lsin!

👉 @Iqtisodplus

From Jasliq with love 😎

© Rasm twitterdan olindi

👉 @Iqtisodplus

Marketingni juda zo'r tashkil qilish har doim ham muvaffaqiyat garovi emas. Avvalo mahsulotning o'zi yaxshi bo'lishi kerak. Bunga "Humans"ni va "Andijon muzqaymog'i"ni misol qilish mumkin.

👉 @Iqtisodplus

​Shustov konyagi: Imperator saroyidan Fransiyagacha

Ko'pincha kuchli marketing tadbirlari haqida gap ketganda McDonald's, Coca-Cola yoki shu kabi hozirgi kunning gegemon kompaniyalari eslab o'tiladi. Vaholanki, bu brendlar so'ngi 50-60 yil ichida marketingga urg'u bera boshlashdi.

Lekin 1863-yilda asos solingan "Shustov" konyagining marketing yurishlari haqida juda ko'pchilik bilmasa kerak. Bundan 1 asr ilgari Nikolay Leontiyevich Shustov tomonidan amalga oshirilgan bu marketing nayranglari o'sha payt uchun odamlarning yetti uxlab tushiga kirmagan holat edi.

Quyidagi maqolani o'qish davomida ushbu brend va uning marketing tarixi bilan tanishib borasiz.

👉 @Iqtisodplus

Bu multfilm yuqori lavozimlarni egallashning o'zbekona moduli haqida emas 😁

P/s: lekin baribir o'zimiznikilar esga tushib ketaveradi))

👉 @Iqtisodplus

​​​Dunyoda yangi milliarderlar paydo bo‘ldi

Dori-darmon ishlab chiqaruvchi kompaniyalarning koronavirusga qarshi vaksina ishlab chiqarishdan tushadigan foydasi oshganligi ortidan to‘qqiz kishi milliarderga aylandi.

1. Stefan Bansel, Amerikaning "Moderna" kompaniyasi bosh direktori (4,3 milliard dollar);

2. Ugur Shaxin, Germaniyaning "BioNTech" kompaniyasi asoschilaridan biri va bosh direktori (4 milliard dollar);

3. Timoti Springer, "Moderna" immunologi va investori (2,2 milliard dollar);

4. Nubar Afeyan, "Moderna" direktorlar kengashi raisi (1,9 milliard dollar);

5. Xuan Lopes-Belmonte, "Moderna" uchun qadoqlar ishlab chiqaradigan "ROVI" kompaniyasi raisi (1,8 milliard dollar);

6. Robert Langer, "Moderna" olimi va investor (1,6 milliard dollar);

7. Chju Tao, Xitoyning "CanSino Biologics" farmasevtik kompaniyasining hammuassisi va bosh olimi (1,3 milliard dollar);

8. Syu Dunsu, "CanSino Biologics" kompaniyasi asoschilaridan biri va katta vise-prezidenti (1,2 milliard dollar);

9. Mao Xuayxua, "CanSino Biologics" kompaniyasi asoschilaridan biri va katta vise-prezidenti (1 milliard dollar).

Kimga aza, kimga to‘y deganlari shu bo‘lsa kerak...

Manba: Fayzbog'

👉 @Iqtisodplus

Aytishlaricha, Rossiyada yurtdoshlarimiz ochgan somsaxona ekan. Do'ppi kiygan Tanos ham o'zbek somsasini ma'qul ko'rarkanda)

Marketing level 99

👉 @Iqtisodplus

#premyera #mantiqiy_iqtisodiyot #audio

✨O'zbekistonliklar uchun ajoyib yangilik.

🎧 Endi siz "Mantiqiy Iqtisodiyot" kitobini @XSB_Iqtisod kanali orqali ovozli tinglab borishingiz mumkin. Kitob nafaqat iqtisodchilar, balki, to'g'ri iqtisodiy qarorlar qabul qilishni istagan keng omma uchun ham foydali:

"Kitobda kuchli iqtisodiy tahlil, oson usulda taqdim etilgan” — Jeyms Byukenen (Nobel m.s.)

"Kitobning maqsadi odamlarning iqtisodiy fikrlash qobiliyatini oshirish va uni shaxsiy va jamiyat hayotida qo’llay olishlariga yordam berishdir" — Prof Randall Fayler

"Kitob juda sodda tilda yozilgan. Kitobni yozgan odamlarda maqsad, hech qachon iqtisodiyotni oʻqimagan odamlar uchun ham qiziq boʻlishi kerak edi. Bu narsani ular uddasidan chiqishgan" — Behzod Hoshimov

📚"Mantiqiy iqtisodiyot" kitobi (bepul):
»PDF
»eBook
»eBook - videolari bilan 3.5 GB

🇺🇿Tarjimonlar: Shuhrat Musinov, Oqila Elboeva
✅Rasmiy: @EFIUzbekistan

Yaqinlaringiz bilan baham ko'ring!

Kanalga a'zo bo'ling va tinglab boring!
🌍 @XSB_Iqtisod

Mana bu yigitni esladingizmi? U haqida kanalda ham yozgan edim.

Afrikadagi maktablardan birida oddiy doska yordamida u o'quvchilarga Microsoft nima ekanligini tushuntirar ekan. Bundan Microsoft kompaniyasi xabar topibdi va butun maktabni kompyuterlar bilan ta'minlab beribdi.

Shunchaki ajoyib!

👉 @Iqtisodplus

​Qaynayotgan suvdagi qurbaqa effekti

Qaynayotgan suvdagi qurbaqa — bu ilmiy anekdot, shuningdek, XIX asrda amalga oshirilgan, tirik qurbaqaning qaynoq suvda sekin qaynashini tavsiflovchi tajriba.

Tajribaning mohiyati shundan iboratki, agar qurbaqa qaynoq suvga solinsa, u sakrab chiqadi, ammo sovuq suvda sekin qiziydigan bo'lsa, u xavfni sezmaydi va asta-sekin o'ladi.
Tarixda ko'pincha odamlarning asta-sekin sodir bo'layotgan muhim o'zgarishlarga javob bera olmasligini ifodalash uchun metafora sifatida ishlatiladi.

👉 @Iqtisodplus

Nodavlat va xususiy sektorda faoliyat olib borayotgan sobiq bank xodimlarining "TOP-25" ro'yxati Bankers.uz tomonidan tuzib chiqilibdi.

Ushbu insonlar mehnati singan xizmatlardan hozirda deyarli barchamiz foydalanamiz. Kelgusida bu insonlarni Forbes reytinglarida ko'ramiz degan umiddamiz. Muhimi to'xtab qolmaslik.

👉 @Iqtisodplus