2021-yil sentyabr

Ushbu videoda sentyabr oyida jahon miqyosida bo'lib o'tgan voqealar dayjesti ko'rsatib o'tiladi. Har doimgidek bu video ham musiqa bilan qorishma qilingan.

P/s: O'zingizni dunyo yangiliklaridan doimiy boxabar insonlardan biri deb hisoblaysizmi? Unda videodagi voqealarni sanashga urinib ko'ringchi.

👉 @Iqtisodplus

​Bilimi bor qandini ursin!

Joriy yilda Respublika bo'ylab Zakovat intellektual o'yinlari doirasida "Brain Ring" musobaqasi bo'lib o'tgan edi. Bu haqida kanalda yozib bordim.

Endi g'alvirni suvdan ko'taradigan payt keldi. Ertadan boshlab Buxoro viloyatida har bir hudud uchun final o'yinlari bo'lib o'tadi. Yutgan jamoa 100 mln, 2-o'rin 20 mln, 3-o'rin esa 10 mln ni qo'lga kiritadi. Bu har bir viloyat uchun!

Endi... Turnirning oxirgi kunida har bir viloyat g'oliblari o'rtasida super final bo'lib o'tadi. Super final g'oliblari naq 6 ta Lacetti avtomobilining egasiga aylanadi!

1 yil ilgari kimdir "Zakovatda Lacetti yutaman" desa barchaning kulgusiga qolishi aniq edi. "Zakovatni yig'ishtirib, undan ko'ra Omad-shou o'yna, shunda orzuying ushalishi mumkin" deyishardi ehtimol. Mana bilimlilar qadrlanadigan kunlar keldi do'stlar!

Barcha ishtirokchilarning omadini bersin!

👉 @Iqtisodplus

Kanalimning nomiga sodiq qolgan holda navbatdagi kuzatuvim:

O’zbekistonda kutubxonalarning (+axborot resurs markazlari) soni:
2000 yilda: 6027 dona
2020 yilda: 400 dona

Bulardan, shaharlarda:
2000 yilda: 1013 dona
2020 yilda: 361 dona

qishloqlarda:
2000 yilda: 5014 dona
2020 yilda: 39 dona (!!)

Ya’ni, 20 yilda kutubxonalarimizning soni 93%ga (!) qisqargan. Bundan xulosani o’zingiz qilavering.

Kutubxona bu faqatgina kitoblar saqlanadigan, va faqat o’sha kitoblarni o’qish uchun boriladigan oddiy bino emas. Ular hatto faqat bilim olinadigan joy ham emas. Fuqarolik jamiyati rivojlanishida, kutubxonalarning, ayniqsa jamoat kutubxonalarning o'rni beqiyos.

Raqamlar Davlat statistika qo’mitasidan.

@uzbekonomics

​​November!
No sun - no moon!
No morn - no noon -
No dawn - no dusk - no proper time of day.
No warmth, no cheerfulness, no healthful ease,
No comfortable feel in any member -
No shade, no shine, no butterflies, no bees,
No fruits, no flowers, no leaves, no birds! -

© Thomas Hood

———

Ayrim sabablarga ko'ra kanal sustlashib qolgan edi. Endi yaxshi tempda davom ettiramiz Xudo xohlasa.

👉 @Iqtisodplus

2021-yil oktyabr

"I am survivor" ya'ni "Men tirik qolganman" nomini olgan ushbu videoda oktyabr oyidagi xalqaro miqyosda sodir bo'lgan voqealar jamlangan.

Biz uchun o'tgan oyning asosiy voqeasi Prezidentlik saylovi bo'ldi. Biroq dunyoda sodir bo'lgan voqealarni ko'rib, tinchlikning, tabiiy ofatlardan yiroq o'lkamizning boriga shukur qilasiz.

Tomosha qiling. Xulosa chiqaring.

👉 @Iqtisodplus

#Yilsurati

Turkiyalik fotograf Mehmet Aslan tomonidan olingan surat. Dunyoning 163 davlatidan taqdim etilgan suratlar tanlovida yutib chiqibdi. Surat "Hayot qiyinchiliklari" ("Трудности жизни") deb nomlangan.

Turkiyaning Xatay provinsiyasida olingan ushbu emotsional kadrda bir oyog'idan ayrilgan ota o'z o'g'lini ushlab turibdi. Suriyadagi urushda nerv-paralitik gazidan zaharlangan onaning farzandi tug'ma nuqson bilan pastki qismsiz va qo'llarsiz tug'ilgan...

👉 @Iqtisodplus

Toshkent va boshqa bir qancha shaharlarda bugungi chang bo’ronning sababi Uraldan kelgan vaqtincha shamol emas. Aslo. Shamol Uraldan, Qizilqum cho’lidan, janubdan, yoki marsdan kelishining ahamiyati umuman yo’q. Qayerdan kelsa ham shahar ekosistemasi bularni o’z ichiga “yutib” yuborishi va shahar aholisi uchun tabiiy filtr ro’lini o’ynab berishi kerak edi.

Shuning uchun chang bo’ron ko’tarilishi va havo iflosligining eng asosiy sababi bu tabiat bilan o’ynashish, ekosistema muvozanatini buzishdir. Aslida geografik joylashuvimizning o’zi juda og’ir. Uning ustiga o’z qo’limiz bilan (imzo bilan, benzopila bilan, beton bilan) shaharlarimizni yashashga yaroqsiz holga keltiryapmiz. Qandaydir bir tiyinga qimmat binolar va beton ustiga qurilgan ko’ngilochar joylar deb daraxtlarni ayovsiz kesyapmiz, ko’llarimizni qurityapmiz, bog’larimizni qirib tashlayapmiz. Hamma joyga beton quyilgan, ariqlar qurigan, daraxtlar o’lgan. Shu kamliq qilganidek yana 6-8 polosalik yo’llar quryapmiz. Shuning uchun bugungi chang-bo’rondan, nimaga unday bo’layotganidan ba’zilar hayron bo’lishi taajubli. A nima, siz boshqa natijani kutganmidingiz?

Esingizdami, havo sifati bo’yicha O’zbekiston 180 mamlakat ichidan 177-chi o’rinda turadi. Bizdan keyin faqat Nepal, Hindiston, va Pokiston turadi. Toshkent esa dunyodagi havosi eng iflos shaharlardan biri ekanligichi?

Esingizdami, havoning ifloslanish darajasi yuqori bo'lgan joylarda COVID-19 kasalliklari ko’proq uchrashi to'g'risida dalillar bor.

Esingizdami, biz dunyodagi ekologik fojia markaziga aylanib borayotgan mamlakatmiz.

Xo'sh, endi nima qilamiz?

@uzbekonomics

Changli ob-havo haqida gap ketganda ko'pchilik "Interstellar" filmini eslashmoqda, ko'rishni tavsiya qilishmoqda.

Bu filmni soundtreki eng sevimli musiqalarimdan biri. Bir qarashda nihoyatda oddiy notalardan tashkil topgan va doim qaytarilib turuvchi ritmdan Hans Zimmer shedevr yarata olgan. Asablarni tinchlantira oladigan, dam oladigan musiqa.

Aytishlaricha, rejissyor Kristofer Nolan bastakorga film syujetini aytmaydi va faqat vaqtlararo sayohatni ifodalovchi musiqa yaratib berishini so'raydi. Shu sababdan soundtrekdagi qaytalanib turuvchi ohang soatning sekund miliga monand qilib tayyorlangan ekan.

👉 @Iqtisodplus

"Что? Где? Когда"ning sportcha versiyasida eng kuchli redaktorlardan biri Pavel Yershov hisoblanadi. U @nonstopfiction kanalida har kuni mualliflik savollaridan berib boradi. Shundan ilhom olgan holda men ham kanalda haftada bir marta mualliflik savollaridan berib bormoqchiman. Demak boshladik)

#Savol

[Tarqatma material]

Koza Nostra

Odamlarning niqob taqishi natijasida jinoyatchilikning ko'payishi haqidagi maqola nomini ko'rib turibsiz. Tarqatmada bir so'zni biroz o'zgartirdik.

Savol: Maqola nomini originalida yozib bering

Javoblarni kommentda kutaman!

👉 @Iqtisodplus

Қадриятлар нима?

Афина асосчиси Фесиус кемаси денгиз жангида ғалаба қилгандан кейин, шаҳарликлар кемани ғолиблик рамзи сифатида сақлаб қўйишни ўйлашади. Кема қуруқликда, очиқ осмон остидаги музейга қўйилади, лекин вақтлар ўтиб, табиат ўз сўзини айтди: унинг қисмлари чириб, бўлакларга ажрай бошлади.

Афиналиклар кемани қадрлар, шунинг учун "енгилмас Фесиус кемаси"нинг чириган қисмларини янги деталлар билан таъмирлаб боришди. Бироздан кейин, яхшилаб ўйласа, ғалаба қилган кемадан асар ҳам қолмаган, музейда сақланаётган кема батамом янги эди.

Бошқаларга кўра, у ўша, енгилмас, кема. Чунки Фесиус кемаси ўз шаклини йўқотмаганди.

Замонавий биз яшаб турган даврда компанияни ким қуриши, уни ривожлантириш ё тарк этиши муҳим эмас. Жамоа аъзолари, етакчилари ҳам алмашади, янгилар сафга келаверади. Лекин кема ўз қомат ва кўринишини йўқотмагандай, компания ҳам қадриятларига содиқ қолиши керак.

Ҳамма гап шунда! Кун хайрли бошлансин.

2016-yilda Yaponiyaning muzqaymoq ishlab chiqaruvchi Akagi kompaniyasi reklama rolik tayyorlaydi. Unda kompaniya prezidenti va boshqa xodimlar muzqaymoqning narxi 60 ienadan 70 ienaga (taxminan 940 so'm) oshgani uchun kechirim so'rab chiqishadi. Bu holat kompaniyada 25 yil ichida birinchi marotaba bo'lishi edi.

Mijozlarni hurmat qilish shart ekanligining ajoyib namunasi. Bunaqasi faqat Yaponiyada bo'lsa kerak.

Bizda shunaqa holatni miyangiz qabul qila oladimi? 💣🧠😁

👉 @Iqtisodplus

"Aziz Mahmud Hudoyi" nomli filmdan parcha ekan.

👉 @Iqtisodplus

Javob: Kovid Nostra

Covid-19 tarqalishi natijasida niqob taqib yurish bevosita jinoyatchilikka ta'sir qila boshlagan.

Birinchi to'g'ri javob: Madina Tajidinova

Manba: The Economist (15.05.2020)