Bastakor Iogann Shtraus odatda "Vals qiroli" deb e'tirof etiladi. Lekin uning "Go'zal moviy Dunay yonida" kompozitsiyasi boshqa maqsadda yaratilgan edi.

19-asrning 60-yillarida urushdan keyin Avstriya aholisi moddiy tarafdan juda qashshoqlashib qoladi. Bu haqiqiy iqtisodiy inqiroz edi. Xalqning ruhiyatini ko'tarish maqsadisa Shtrauss ushbu musiqani yozadi.

Yaqinda chiqqan "Kalmar o'yini" serialida ham inqirozga kirib qolgan odamlar to'plangan orolda ularni uyqudan uyg'otish uchun, shuningdek zinadan ko'tarilish sahnalarida shu musiqadan foydalaniladi.

Rejissyor tasodifan bu musiqani tanlamagan har holda.

👉 @Iqtisodplus

Eronlik muallim har kuni o'z mashinasida chekka qishloqqa borib, maktabga kelolmaydigan qizga ta'lim beradi. U doska sifatida o'zining mashinasidan foydalanadi.
Ilm ulashing...

Danning-Kryuger effekti:

Insonlardagi donolik (x) va o’ziga bo’lgan ishonch (y) bir-biriga qanday bog’langanligi ifodalaydi. O’ziga ishonchi yuqorilar aslida ma’lum ishni uddalay olmasligi, yuqori intellekt sohiblari esa o’ziga yetarli ishonchi yo’qligini bildiradi.

Bunday hodisaning mavjudligi haqidagi gipotezani 1999-yilda Jastin Kryuger va Devid Danning ilgari suradilar, ularga Charlz Darvin va Bertran Rasselning quyidagi g'oyalari turtki bo'ladi:

— Ishonch ko'pincha bilimdan ko'ra bilimning yetishmasligidan kelib chiqadi (Ch. Darvin);

— Bizning davrimizning ko'ngilsiz holatlaridan biri shuki, o'ziga ishonganlar ko'p axmoqlik qilishadi, sababi kerakli tasavvur va tushunchaga ega insonlar shubha va qat'iyatsizlikka to'la bo'lishadi (B. Rassel)

Ushbu g'oyani ilgari suruvchi fikrlar Lao-Szi, Konfutsiy, Suqrot va Mixail Bakunin ideologiyalarida ham uchraydi. Xalq tilida ham "O'ychi o'yini o'ylaguncha, tavakkalchi ishini bitirar" iborasi bejiz emas.

👉 @Iqtisodplus

#Savol

13-asr boshida taxt uchun kurashlar ko'p bo'lsada, Tajiddin Ali Shox va Telesh Alovuddinning boshqa qarindoshlari IKS da qolib ketishgan edi.

Ashulani ham IKS deb nomlash mumkin.

Diqqat savol: IKS ni 3 so'z bilan maksimal aniq yozib bering

Javoblarni kommentlarda kutaman

👉 @Iqtisodplus

Ilonlarning eng ayyori — Mask!

Ilon Mask endi sotuvga kiberhushtak ham chiqaribdi. Bu xuddi o'zimiz bilgan hushtak, lekin uning shakli Tesla Cybertruck ko'rinishida.

Taxminiy narxi — 50$ ekan. Brend!

👉 @Iqtisodplus

Biz tengi avlod Jeki Chan, Shoxrux Xon, Po'lat Alemdar yoki "Qish sonatasi"dagi Djun San desa faqatgina bitta ovozni esga oladi — Sanjar Sa'dullayevning ovozini!

Ha, balki bu insonni ko'pchilik tanimas. Lekin bu inson qoldirgan katta merosdan hali uzoq muddat bahra olamiz. Bu ovoz o'chmaydi!

Bugun 67 yoshida vafot etibdi. Joyi jannatda bo'lsin! Inna lillahi va inna ilayhi rojiun.

Javob: Jaloliddinning otasining soyasi.

Gap Jaloliddin Manguberdining otasi Muhammad Xorazmshoh haqida edi.

Ashula esa Jaloliddin Ahmadaliyev ijrosida "Dadamning soyasida" deb nomalandi

Birinchi to'g'ri javob: Zuhriddin

#Muallifliksavoli #Javob

👉 @Iqtisodplus

🎞 Dam olish kunini ajoyib kayfiyatda boshlashga nima yetsin! Tomosha qiling va o'zimizni reklamalardan maroq oling!

Yangi yil oldidan "Uyda yolg'iz" filmini ko'rish o'ziga xos an'anaga aylangan. iTV ning ushbu reklamasida filmdan parcha ko'rish mumkin. Farqi shundaki, rolikda hatto Baqay tog'a ham eslab o'tiladi 😁

🌐 @Kreativ_reklamalar — Kreativ ijod mahsullari!

#Fakt

1928-yilda Farrington manufaktura kompaniyasi mahsulot egasi identifikatsiyasini aniqlash uchun bo'rtma usulni (inglizcha embossing — "bo'rtib chiqish") taklif qiladi. Hozirgi kunda ushbu shrift Farrington 7b deb ataladi va bu shriftni har birimiz plastik kartochkalarimizda ko'rishimiz mumkin.

👉 @Iqtisodplus

Tabiiy boyliklar bizni boy qilmaydimi?

Mantiqan olib qaralganda, tabiiy boyliklari ko'p mamlakatlar boy va farovon yashashi kerak. Lekin, iqtisodiy jihatdan buning aksincha ekanligini ko'rish mumkin.

Nega aynan shunday? Bunda qandaydir sir bormi?

Ushbu savollarga javob tariqasida 9 yil Koreyada savdo iqtisodiyoti yo'nalishi bo'yicha ta'lim olgan Valijon Turakulovning "Osmondagi bolalar" loyihasida bo'lgan suhbatini ko'rishni tavsiya qilaman. Suhbat davomida ta'lim, iqtisodiyot va jamiyatdagi muammolar atrofida so'z yuritilgan.

Premyera bugun, 20:00 da "Osmondagi bolalar" YouTube kanalida bo'lar ekan.

🔗 Havola: https://youtu.be/Znhcpqsy6z4

👉 @Iqtisodplus

✅ Youtube'da "Xurmo" nomli kanal bor. Ilmiy kontent. O'zimizdagi ko'plab bachkana kanallardan farqli. Sifatli va foydali kanal. Ilgari duch kelmaganlar bo'lsa tavsiya qilaman.

Shu kanalda yangi video chiqibdi. Vaqt topib ko'rib qo'ying.

Shunchaki pul chop etish mumkinmi yoki yo'qmi, nega sut qadog’i borgan sari kichrayib bormoqda, Markaziy bank asosiy stavka bilan aldayaptimi yoki yo’q, nima uchun ko’p daromad topib, kamroq narsa sotib olish, qayerda foiz olmaydigan, aksincha, qo'shimcha pul to'laydigan ipoteka mavjud, nega futbolchilar o'z darvozalariga gol urishadi, nega rossiyalik oligarxlar Londonda sudga da'vo qilishmoqda hamda biz oxir-oqibat qanday qilib boyib ketishimiz mumkin? – degan savollarga javob olasiz.

Video manzili bu yerda

👉 @Iqtisodplus

"Schindler's List" filmini hammamiz ko‘rganmiz.

Rasmda esa gollandiyalik soatsoz ayol Korri Ten Bum va uning oilasiga tegishli bo‘lgan uyni ko‘rib turibsiz. 1940-yilda Niderlandiyaga natsistlar bostirib kirgach, boshqa davlatlardagi kabi yahudiylar qo‘lga olinib, kanslagerlarga jo‘natila boshlanadi. Yahudiylarga yordam berish o‘lim bilan teng bo‘lishiga qaramasdan Ten Bum oilasi o‘z uylarida yashirin xona qurishadi va ular xavfsiz joy topishgunga qadar bu xonada saqlashadi. Bu oila 1940-1944 yillar davomida 800 dan ortiq insonni hayotini aynan shu xonada saqlab qolishgan.

Siz shunday qilgan bo‘larmidingiz?!

@ubuntuuz

Kit Katning 50 xil jilosi

Yapon bozori shunchalik nozik didliki, u yerga kirib borayotgan katta brendlar albatta yaponlarning mentalitetidan tortib, ob-havosigacha e'tibor berishga majbur.

Yaponlarning eng sevimli brendlaridan biri — Kit Kat shokoladi. Ammo Yaponiyaning har bir provinsiyasida turlicha maza, ta'mlar hush ko'riladi. Bu haqida oldinroq yozganman.

Shu sababli Kit Kat kompaniyasi faqatgina Yaponiya uchun barcha turdagi mevalarning mazasini beruvchi shokoladlar ishlab chiqaradi.

👉 @Iqtisodplus

Yomg'ir. Uyqusizlik. Kino tasviridek o'tayotgan xotiralar. O'ylar. Yoqimli musiqa.

Go'yoki men kabi sokin ko'rinayotgan shahar. Aslida qayerlargadir shoshgan odamlar, mashinalar. Arteriya uzra suzayotgan qon kabi.

Bethoven, Metallica, The Rasmus. Tabiat musiqasi-la hamohang bo'lishga intilayotgan Ludovico. Tugayotgan Esse.

Balki Blok ham men kabi uxlolmagandir. Tun, ko'cha, fonar, apteka. Menda ham uchinchi qavatdan deyarli shu manzara — tun, yomg'ir, ko'cha, soyabon va uning ostidagi juftlik.

Yana eski xotiralar. Titanik musiqachisi kabi ulardan ketolmayotgan men. G'arq bo'lish esa muqarrar.

Deydilarki, inson so'zi "unutuvchi" demakdir. Nahotki men inson emasman?! Afsunga mubtalo.

Soyabon ostida baxt ila sarmast juftlik. Yomg'ir ular uchun ishq tomchilari. Ishqilib, shunday bo'lsin oxirigacha...

👉 @Iqtisodplus

🇺🇸 “The biggest risk of all is not taking one.” Mellody Hobson

🇺🇿 "Risklarning eng kattasi bu birorta ham riskni qilib ko'rmaslikdir" Mellody Hobson

Yangi haftani yangi (eski emas) xatolar bilan boshlang. Zotan, muvaffaqiyat vodiysiga xatolar deb atalmish so'qmoqdan boriladi.

Xato qilishdan qo'rqmang, balki, xato qilishdan qo'rqishlikdan qo'rqing.

"Umuman xato qilmagan inson bu hech qachon yangilik qilib ko'rmagan insondir" - Albert Enshteyn

⚡️Komfort zonangizdan* chiqish vaqti kelmadimi?!

*Hech qanday yangilik va o'zgarishlarni qilmasdan, o'z qobig'iga o'ralib olib "och qornim, tinch qulog'im" qavlida yashash.

✒️ @V_Turakulov

Hozirgi kunda buni tasavvur qilish qiyin, ammo bundan 186 yil oldin — 1835-yil 8-yanvarda AQShning tashqi qarzi 0 dollarni tashkil qilgan.

O'shandan beri AQShning tashqi qarzi biror marta bu ko'rsatkichga qaytib tushmagan. O'sha vaqtda prezident bo'lgan Endryu Jekson 58,4 million dollarlik qarzdorlikni bartaraf qilishga erishgan. Qarzsiz davr atigi 1 yil davom etgan.

Hozirgi kunda AQShning tashqi qarzi 28 trln dollardan ko'proq.

Nota bene!📜