اكثر شي صاير يضوجني بنفسي إني بطلت أكون مثل قبل عندي هذا الشغف اللي أتابع بي لقاءات اسمع محاضرات أقرة كتب
حتى مسلسلات و افلام قليل كلش مقارنتة بقبل كم سنة هو اوك اني انشغلت مسؤولياتي كبرت بس احس ابقى أحتاج لهذا الجزء من نفسي حتى اتذكر نفسي بي

—

أقرو و أستمتعو

أكو فئة من البشر متگدر تتخطى الماضي و يعيشون حاضرهم على أساس الأحداث الّي صارت بالماضي و ممكن يعيشون بندم و شعور بالذنب و عدم قدرة على الإستمرار ، و أكو فئة من الناس يفكرون بالمستقبل و يخافون منه بشكل يخليهم ميگدرون يعيشون اليوم الواحد إذا ميفكرون باليوم الّي بعده ..
النوعين خطأ لأن بالحالتين مديعيشون و أعرف السالفة مو سهلة حتى نتخلص منها بمجرد بوست بس مجرد تدخل الفكرة لراسكم و بعدها تتذكروها و تنتبهون عليها و تلاحظون التغيير ..

الله شاهد مروا علينا ناس
چلب الشارع متربي اكثر منهم

لمن اكون على يقين اني مو غلطانة فـ ماكو اي قوة بهالكون تگدر تجبرني ع التبرير .

مجربين شعور أن تنجرح أيدكم بالغلط
أو تكونون حذرين لدرجة أول ماتغفل تنجرح مرات يكون هالجرح عميق ڪلش ومرات يكون خفيف ومرات وسط
كل واحد مـــט هالجروح اله عمقه وأثره

أول واحد راح يكون ڪلش مؤذي وصعب يطيب بسرعه وأثره راح يظل مرافقك لفترة طويله مـــט حياتك ، بس بمرور الوقت راح يخف ويبدي يتلاشى أثره وراح تتناسى بس تدري شنو هالجرح راح يظل كل ماتباوع عليه تتذكر الصار بالساعه وبالدقيقه وبالثواني
وراح تتذكر شگد عانيت لحتى طاب هالجرح وشگد أستعملت وسائل حتى تخفف مـــט الالم اللي صار بسبب هالجرح

وأكو الجرح اللي وسط بمرور الايام راح تنسى ويطيب بسرعه بس راح يخليك تاخذ حذرك بالمره الجايه ومتعيد الخطأ الصار حتى متنجرح جرح أعمق مـــט هذا

وأكو الخفيف اللي يومين وتطيب وتنسى وترجع عادي و لان أنتَ تنسى الصار وياك راح ترجع تنجرح مره ثانيه وثالثه الى أن تصير حذر بس هنا الله يحبك
لأن خلصك مـــט جرح عميق بس ع شكل دفعات

هالاشياء تصير ويانه بحياتنه التجارب والكسرات والخيبات والصفعات اللي نتلقاها بحياتنه تشبه السچينه مـــט تجرح "يا تجرحك جرح عمرك ماراح تنسى وراح يغيرك لو جروح طفيفه تتداوى وي الايام"

بس بكل الحالات أنتَ ماراح تنسى الصار وياك واذا تنسى فـ تأكد الاثر اللي سببه هالجرح ماراح يروح
فـ أنتَ بأيدك تختار يا أما تصير حذر وذكي وتتعلم ومتخلي أحد يصير سچينه عليك ويجرحك

يا تظل تنجرح لحد العوق وتصير انسان مهشم وكله جروح وخالي مـــט المشاعر وهنا روحك راح تموت وأصعب أنواع الموت هو موت الروح مـــט تحس نفسك مجرد مـــט كلشي عايش بس لحتى تتنفس وتنام وتسوي شغلك فقط لأن واجب عليك وهنا جريمة بحق نفسك تعتبر .

ماجد المهندس يگول :
ياللي أحَـبك مُوت بالله كَيف أعَمـل .

جزء جزء بهالقناة لازم يكون مميز و بي ذكرى

بصوت باسم وهو يگول :
لوَ نويت ترُوح
گلبَي وَين يرُوح ..🤍

بـاسم الصوت الوحيد اللي يحسسني بمحرم