Bolalarni zo‘ravonlikdan himoya qilish bo‘yicha muhim qadam

📌 Bolalarga nisbatan zo‘ravonlik holatlariga chek qo‘yish va ularning huquqiy himoyasini kuchaytirishga qaratilgan qonun loyihasi Oliy Majlis Qonunchilik palatasiga kiritildi.

“Adolat” SDP fraksiyasi tashabbusi bilan ishlab chiqilgan mazkur hujjatda bolalarni zo‘ravonlikning barcha shakllaridan himoya qilish tizimini yanada takomillashtirish ko‘zda tutilgan.

Qonun loyihasini Qonunchilik palatasining navbatdagi yalpi majlisi kun tartibiga kiritish bo‘yicha qaror qabul qilindi. Hujjat uchun Demokratik institutlar va fuqarolik jamiyatini rivojlantirish qo‘mitasi mas’ul etib belgilandi.

Qonun loyihasi 29-sentyabr kuni Oliy Majlis Qonunchilik palatasining yalpi majlisida ko‘rib chiqiladi.

@isakovxusniddin

🏳️‍🌈O‘zbekistonlik talabalar uchun “Google Gemini AI Plus” obunasi 1 yil davomida BEPUL!

Raqamli texnologiyalar vazirligi hamda Google hamkorligida Google’ning Xalqaro verifikatsiya bo‘yicha hamkor platformasi SheerID 🇺🇿 O‘zbekistonni rasman qo‘llab-quvvatlanadigan davlatlar ro‘yxatiga kiritdi.

Bu orqali talabalarimiz Google verifikatsiyasidan muvaffaqiyatli o‘tib, 60 dollarga teng 1 yillik “Google Gemini AI Plus” xizmatidan mutlaqo bepul foydalanish imkoniyatiga ega bo‘ldilar.

Paket ichiga nimalar kiradi:
• Gemini ilovasi va “Flash Thinking” modelining kengaytirilgan imkoniyatlari;
• 400 GB bulutli xotira (Google Disk, Foto, Gmail);
• Gemini Notebook, Gmail integratsiyasi hamda Google Flow AI-studiyasi.

Aziz talabalar, zamonaviy texnologiyalarni o‘rganishdan to‘xtamang:
• aileaders.uz — xalqaro sun'iy intellekt kurslarini bepul o‘rganing;
• startupbase.uz — SI yordamida o‘z startap loyihangizni yo‘lga qo‘ying.

@isakovxusniddin

🇺🇿O‘zbekiston — robototexnika bo‘yicha jahon chempioni!

Janubiy Koreyaning Incheon shahrida 200 ga yaqin davlat vakillari ishtirokida o‘tayotgan FIRST Global Challenge 2026 xalqaro robototexnika musobaqasida O‘zbekiston terma jamoasi tarixiy natijaga erishdi!

Terma jamoamiz 3 ta oltin medalni qo‘lga kiritib, mutlaq chempionlikka erishdi.

🚀Yosh muhandislarimiz 16 ta o‘yinning barchasida g‘alaba qozonib, 637 ball bilan musobaqa rekordini qayd etdi.

Ushbu natija O‘zbekiston yoshlarining muhandislik va robototexnika sohasidagi salohiyati xalqaro miqyosda e’tirof etilayotganining yana bir yorqin namunasidir.

Yosh muhandislarimizni ushbu tarixiy g‘alaba bilan tabriklaymiz!

@isakovxusniddin