✍ Səccad (ə) buyurmuşdur:

"Qiyamət günü xanım Fatimeyi-Zəhra (s.ə.) məhşər səhrasına daxil olduğu zaman, belə bir nida eşidilər: "Əhli-beytə (ə) məhəbbət bəsləyənlərdən başqa, hamılıqla başınızı aşağı dikin (ki, Fatimə (s.ə.) gəlir). Budur Mühəmmədin (s) qızı Fatimə!" Xanım Fatimə (s.ə.) və onunla birgə olanlar behiştə doğru hərəkət edərlər. Allah-Taala bir mələyi onun hüzuruna göndərib deyər: "Nə istəyirsənsə, Məndən istə!" Xanım Fatimə (s.ə.) ərz edər: "İlahi! Mənim istəyim odur ki, mənə və övladlarıma yardımçı olanları əfv et."

🏴 Xanım Fatimeyi-Zəhranın (s.ə) ziyarətnaməsi.
Bu ziyarətnamə Xanım Zəhranın (s.ə) qiyabi ziyarəti üçün oxunur

Əssəlamu ələyki ya mum-təhənətum təhənəkilləzi xələ-qək, fəvəcədəki liməm təhənəki sabirəh, ənə ləki musəddiqun sabirun əla ma əta bihi əbuk, və vəsiyyuhu sələvatullahi ə-ləyhima, və ənə əs`əluki in kuntu səddəqtuki illa əlhəqtini bitəsdiqi ləhuma litusərrə nəfsi, fəşhədi ənni zahirun bivilayə-tiki və vilayəti ali bəytik, sələ-vatullahi ələyhim əcməin.

Tərcüməsi:

Salam olsun sənə, ey imtahandan çıxan şəxs, Allah səni xəlq etdikdən sonra imtahan etdi və səni imtahanlar müqabilində səbirli gördü. Mən sənin uca məqamını təsdiqləyir, atan və onun canişininin (Allahın salamı olsun onlara) gətirdikləri müqabilində səbirliyəm. Biz səndən istəyirik ki, əgər səni təsdiq edənlərdən olsaq, mütləq bizim təsdiqimizi atan Rəsulullah (s) və onun canişini Əliyə (ə) çatdır ki, ürəyimi sevindirəsən. Şahid ol ki, mən ixlasla sənin və Əhli-beytinin (Allahın salamı olsun onların hamısına) vilayətinə sarılmışam.

🏴 Həzrəti Fatimeyi Zəhra (s) imamət şamının ən güclü pərvanəsidir. Hz Zəhra (s) tək xanımlar üçün deyil, bütün bəşəriyyət üçün insanlıq və Allaha bəndəlik nümunəsidir.

🏴 Allahın Peyğəmbəri(s)

Qızım ona görə Fatimə adlanıb ki, Allah-taala onu və onu sevənləri oddan (Cəhənnəmdən) uzaq edib.

✍️ Həzrət İmam Əli (ə), oğlu İmam Həsənə vəsiyyətində buyurdu:

Özündən aşağıda olan kimsəyə rəhm et ki, səndən yuxarıda olan kəs də sənə rəhm etsin! Onun səhvini öz səhvin ilə, onun sənin əmrindən çıxmağını (günahını) sənin öz Rəbbinin əmrindən çıxmağın (günahın) ilə, onun sənin mərhəmətinə olan ehtiyacını da sənin öz Rəbbinin rəhmətinə olan ehtiyacın ilə müqayisə et!

✍ Həzrət Fatimə (s.ə) buyurub:

"Həqiqətən səadətə qovuşan ən xoşbəxt insan Əlini(ə) həyatda və ölümündən sonra sevəndir."

✍ İmam Sadiq (ə)

" Xəbərçilik ən böyük cadulardandır. Çünki xəbərçiliklə dostlar arasına ayrılıq salınır,qəlbibir yoldaşlar bir-birinə düşmən edilir,onun vasitəsilə qanlar tökülür,evlər dağıdılır və pərdələr aradan götürülür. Xəbərçi yer üzündə addımlayan ən pis şəxsdir. "

✍ Allah Rəsulu (s) buyurub:

"Allahın dini olmayan zəif mömindən acığı gəlir." Peyğəmbərdən (ə) soruşdular: "Dini olmayan zəif mömin kimdir?" Peyğəmbər (s) buyurdu:

"Digər insanları pisliklərdən çəkindirməyən."