✍ Peyğəmbər (s) buyurmuşdu: 

“Əli məndən sonra hər bir möminin dostu, sevimlisidir.”

✍ İmam Baqir (ə):
Ən pis qardaş o qardaşdır ki sən varlı olanda sənə qayğı görsədər sən kasıb olan da səninlə əlaqəni kəsər (soyuq rəftar edər).

✍ Rəsuli-Əkrəm (s) buyurur:

"Xanımına nazik və təhrik edici geyimlə naməhrəm arasına çıxmağa icazə verən kişini Allah-təala Cəhənnəm oduna atacaq".

✍ Xanım Zəhra (s.ə) buyurub:

ALLAH bizə itaəti ümmətin nizam, intizamı üçün qərar verdi.

✍ İmam Baqir ( ə)

"Təxirə salmağa diqqət yetirin, çünki o, həlak edən bir dənizdir”.

📜 İmam Əli (ə) oğlu İmam Həsənə (ə) buyurur:

“Oğlum! Sənə dörd xasiyyət öyrədim ki, təbabətə ehtiyacın olmasın.
İmam buyurdu: Bəli.

1⃣ Acımamış yeməyə əyləşmə.
2⃣ Ürəyin istədiyi halda yeməkdən əl çək.
3⃣ (Yeməyi) yaxşı çeynə.
4⃣ Yatmaq istədikdə öncə ayaqyoluna get.
Bunlara əməl etsən təbabətə ehtiyacın olmaz.

🚩🚩 Əli (ə) barədə peyğəmbərin dilindən bəzi hədislər:

Allahın Peyğəmbəri (s): “Səni yalnız mömin sevər və sənə yalnız münafiq ədavət bəsləyər.” (Kənzul-Ummal, hədis 32878)
Allahın Peyğəmbəri (s): “Əli yaxşı əməl sahiblərinin rəhbəri və pis əməl sahiblərini öldürəndir. Kim ona yardım etsə, onun özünə də yardım edilər və onu tək qoyan köməksiz qalar.” (Kənzul-Ummal, hədis 32909)
Allahın Peyğəmbəri (s) Əliyə işarə edərək buyurmuşdur: “Bu mənim sizin aranızda qardaşım, vəsim və canişinimdir. Onun əmrlərini eşidin və tabe olun.” (Kənzul-Ummal, hədis 36419)
Allahın Peyğəmbəri (s): “Əli məndəndir, mən Əlidən. O, hər bir möminin vəli və başçısıdır.” (Kənzul-Ummal, hədis 32938)
Allahın Peyğəmbəri (s): “Əli Quran ilə və Quran Əli ilədir və onlar hovuzun (Kövsər hovuzunun) kənarında mənim yanıma gələnə kimi heç vaxt bir-birlərindən ayrılmazlar.” (Tarixi-Dəməşq, Əlinin (ə) tərcümeyi halı, c.3, səh.124, hədis 125)
Allahın Peyğəmbəri (s): “Mən elmin şəhəri, Əli onun qapısıdır. Buna görə də elm istəyən kəs həmin qapıdan daxil olmalıdır.” (Kənzul-Ummal, hədis 32979)
Allahın Peyğəmbəri  (s): “Mənimlə Əli bir ağacdanıq, digər insanlar isə müxtəlif ağaclardan.” (Kənzul-Ummal, hədis 32943)
Allahın Peyğəmbəri (s) Əliyə (ə): “Səninlə mənim məqamım Harunla Musanın məqamı kimidir, bu fərqlə ki, məndən sonra peyğəmbər yoxdur.” (Kənzul-Ummal, hədis 32881)
Allahın Peyğəmbəri (s): “Əlinin bu ümmətin boynunda olan haqqı, atanın övladının boynunda olan haqqı kimidir.” (Biharul-Ənvar, c.36, səh.5, hədis 1)

Əmirəlmöminin Əlinin (ə) ziyarətnaməsi 🕌

📌Ərəbcə:

السَّلامُ عَلَى الشَّجَرَةِ النَّبَوِيَّةِ وَ الدَّوْحَةِ الْهَاشِمِيَّةِ الْمُضِيئَةِ الْمُثْمِرَةِ بِالنُّبُوَّةِ الْمُونِقَةِ [الْمُونِعَةِ] بِالْإِمَامَةِ وَ عَلَى ضَجِيعَيْكَ آدَمَ وَ نُوحٍ عَلَيْهِمَا السَّلامُ السَّلامُ عَلَيْكَ وَ عَلَى أَهْلِ بَيْتِكَ الطَّيِّبِينَ الطَّاهِرِينَ السَّلامُ عَلَيْكَ وَ عَلَى الْمَلائِكَةِ الْمُحْدِقِينَ بِكَ وَ الْحَافِّينَ بِقَبْرِكَ يَا مَوْلايَ يَا أَمِيرَ الْمُؤْمِنِينَ هَذَا يَوْمُ الْأَحَدِ وَ هُوَ يَوْمُكَ وَ بِاسْمِكَ وَ أَنَا ضَيْفُكَ فِيهِ وَ جَارُكَ فَأَضِفْنِي يَا مَوْلايَ وَ أَجِرْنِي فَاِنَّكَ كَرِيمٌ تُحِبُّ الضِّيَافَةَ وَ مَأْمُورٌ بِالْإِجَارَةِ فَافْعَلْ مَا رَغِبْتُ إِلَيْكَ فِيهِ وَ رَجَوْتُهُ مِنْكَ بِمَنْزِلَتِكَ وَ آلِ بَيْتِكَ عِنْدَ اللَّهِ وَ مَنْزِلَتِهِ عِنْدَكُمْ وَ بِحَقِّ ابْنِ عَمِّكَ رَسُولِ اللَّهِ صَلَّى اللَّهُ عَلَيْهِ وَ آلِهِ وَ سَلَّمَ وَ عَلَيْهِمْ [عَلَيْكُمْ‏] أَجْمَعِينَ

📌 Oxunuşu:

Əssəlamu ələş şəcərətin nə-bəviyyəh, vəd dəvhətil haşimiy-yətil muziətil musmirəh, bin nubuvvətil muniqəh, bil imaməti və əla zəciəykə Adəmə və Nuhin ələyhiməs səlam, Əs-səlamu ələykə və əla əhli bəy-tikət təyyibinət tahirin, Əssəla-mu ələykə və ələl məlaikətil muhdiqinə bik, vəl haffinə bi-qəbrikə ya məvlayə ya Əmirəl muminin, haza yəvmul əhədi və huvə yəvmuk, və bismikə və ənə zəyfukə fihi və caruk, fəə-zifni ya məvlayə və əcirni fəinnəkə kərimun tuhibbuz ziyafətə və məmurun bil ica-rəh, fəf`əl ma rəğibtu iləykə fih, və rəcəvtuhu minkə bimən-zilətik, və ali bəytikə indəllah, və mənzilətihi indəkum, və bihəqqibni əmmikə Rəsulillah, səlləllahu ələyhi və alih, və səlləmə və ələyhim əcməin.

📌 Tərcüməsi:

Salam olsun nübüvvət ağacına və nurani olan, nübüvvətlə barlanan və imamətlə zinətlənən qədim Haşimi ağacına və kənarında yatan Adəm və Nuha (salam olsun onlara)! Salam olsun sənə və pak-pakizə Əhli-beytinə! Salam olsun sənə, səni və qəbrini əhatə edən mələklərə! Ey mənim mövlam, ey Əmirəlmöminin! Bu gün bazar günüdür. O, sənin günün və sənin adınadır. Mən həmin gün sənin qonağınam və sənə sığınıram. Belə isə məni qonaqlığa qəbul et və mənə sığınacaq ver ki, sən böyüksən, qonaqpərvərsən və Allah tərəfindən sığınacaq verməyə məmursan. Belə isə, sənin və Əhli-beytinin Allahın dərgahındakı məqamına, Allahın da sizin yanınızdakı məqamına və əmin oğlu Rəsulullahın (Allahın salamı ona, Əhli-beytinə və onların hamısına olsun) haqqına xatir, istədiyimi və səndən arzuladığımı yerinə yetir!

— 📚 Məfatihul Cinan

“Müstəhəb əməllər vacibata ziyan vuranda həmin müstəhəbləri tərk edin”.

📚 Nəhcül-Bəlağə, hikmət 271