✍ Həzrət Fatimə (s.ə) buyurub:

"Həqiqətən səadətə qovuşan ən xoşbəxt insan Əlini(ə) həyatda və ölümündən sonra sevəndir."

✍ İmam Sadiq (ə)

" Xəbərçilik ən böyük cadulardandır. Çünki xəbərçiliklə dostlar arasına ayrılıq salınır,qəlbibir yoldaşlar bir-birinə düşmən edilir,onun vasitəsilə qanlar tökülür,evlər dağıdılır və pərdələr aradan götürülür. Xəbərçi yer üzündə addımlayan ən pis şəxsdir. "

✍ Allah Rəsulu (s) buyurub:

"Allahın dini olmayan zəif mömindən acığı gəlir." Peyğəmbərdən (ə) soruşdular: "Dini olmayan zəif mömin kimdir?" Peyğəmbər (s) buyurdu:

"Digər insanları pisliklərdən çəkindirməyən."

✍ Həzrət Muhəmməd (s) buyurub:

“Siz yox olub aradan getmək üçün deyil, əbədiyyət üçün yaradılmısınız. Sadəcə, bir evdən digər bir evə keçid edirsiniz”.

Möminin abrını qorumaq:

✍ Hz Peyğəmbər (s) buyurdu:

Ey islama dildə iman gətirib, lakin qəlbən səmimi iman gətirməyənlər! Müsəlmanları qınamayın, və eyblərini aşkar etməyin; Çünki kim müsəlmanların eyblərini aşkar edərsə Allahda onun eyblərini aşkar edər. Həmçinin hz Peyğəmbər (s) buyurdu: hər kəs müsəlman qardaşının abrına olunan təcavüzün qarşısını alarsa, cənnət onun üçün mütləq olar.

✍ İmam Baqir (ə) buyurub:

Kimin qəlbinə təkəbbür daxil olarsa, həmin miqdarda da ağlı azalar.

🏴 Həzrət Fatimə (s.ə) buyurur:

" Hər kəs atam Muhəmməd  Peyğəmbərə (s) ya mənə üç gün salam verərsə (göndərərsə) Allah cənnəti ona vacib edər.
Ravi deyir ki, Xanımdan (s.ə) soruşdum:
Peyğəmbər (s) və Siz həyatda olduğunuz zamanda?
Həzrət Fatimə (s.ə) buyurdu:  Bəli, həyatda olduğumuz və dünyamızı dəyişdikdən sonra da belə!"

📚 (Biharul-ənvar, cild 43, səh 185, hədis 17.)

✍ Muhəmməd Peyğəmbər (s) buyurub:

İmamından ayrı düşərək yetim qalmaq, ata anasından ayrı düşüb yetim qalmaqdan daha ağırdır...