✍ İmam Əli (ə)

Bəhanə gətirmək və minnət qoymaqla ehsanı xoşagəlməz etməyin.

✍ Peyğəmbəri-Əkrəm (s) buyurmuşdur:

“Zülm üç növdür: Allah tərəfindən bağışlanmayan zülm, bağışlanan zülm və keçilməyən zülm. Allah tərəfindən bağışlanmayan zülm şirkdir (Allaha şərik qoşmaqdır). Allah-Taala buyurmuşdur: “Həqiqətən, şirk böyük günahdır.” Bağışlanan zülm bəndələrlə Pərvərdigar arasında onların özlərinə etdikləri zülmdür. Allahın keçmədiyi zülm isə bəndələrin bir-birinə etdikləri zülmdür (bəndələr bir-birinə etdikləri zülm və haqsızlıqdan keçməyincə, Allah da keçməz.)”

📚 “Nəhcül-fəsahə”, səh.561, hədis 1924.

✍ İmam Rza (ə) buyurdu:

Haçan istəsən duan ərşə ucalsın və qəbul olsun, əvvəlcə ata və anan haqqında dua elə.

✍ Allahın Peyğəmbəri (s)

Sizin ən yaxşınız dünyasını axirəti üçün, axirətini də dünyası üçün tərk edən şəxs deyil, əksinə o şəxsdir ki, hər ikisindən birgə nəsibini qazansın. Həqiqətən, dünya axirət üçün bir vasitədir.

✍ İmam Həsən Əsgəri (ə) buyurur:

Hər kim öz qardaşına xəlvətdə moizə (nəsihət) etsə, onu zinətləndirmiş olar, kim də, camaat qarşısında açıq-aşkar formada qardaşına moizə (nəsihət) etsə, onu rüsvay etmiş olar.

✍🏻Əli (ə) Allahın Rəsulundan (s) belə nəql edir:

Kimin öz Rəbbi ilə görüşmək ümidi varsa, yaxşı işlər görməli və heç kəsi etdiyi işlərdə Allahına şərik qoşmamalıdır və bütün işlərini Allaha xatir yerinə yetirməlidir.

📚Mənbə: Təfsirul-Qummi, c.2, səh-47.