✍ İmam Rza (ə) buyurub:

"Təvazökarlıq budur ki, insanlarla səninlə rəftar edilməsini istədiyin kimi rəftar edəsən".

✍ İmam Sadiq (ə) buyurur:

“Əgər mömin müsibətlərdə onun üçün hansı mükafatların olduğunu bilsəydi, qayçı ilə tikə-tikə doğranmasını arzulayardı”.

✍ İmam Əli( ə.s)

Heç kimin səhvini üzünə vurmayın. O səhvi başqa adamdan nümunə gətirərək bildirin.

✍ İmam Əli (ə) buyurmuşdur:

“Ən fəzilətli zikr Quran oxumaqdır, çünki bu əməl qəlbin genişlənməsinə və batinin nurlu olmasına səbəb olur.”

✨ *Yeddi nəfər özünü gülünc yerinə qoyub*

İmam Rza (ə) buyurur:

Yeddi şey yeddi şey olmadan özünü məsxərəyə qoymaqdır:

1. Dili ilə bağışlanma diləyən, lakin qəlbində peşmanlıq duymayan özünü məsxərəyə qoyub.

2. Allahdan uğur diləyən, lakin səy göstərməyən özünü məsxərəyə qoyub.

3. Uzaqgörənlik ardınca olan, lakin ehtiyat etməyən özünü məsxərəyə qoyub.

4. Cənnət diləyən, lakin çətinliklərə səbir etməyən özünü məsxərəyə qoyub.

5. Cəhənnəm atəşindən Allaha sığınan, lakin dünya istəklərini (bağlılıqlarını) tərk etməyən özünü məsxərəyə qoyub.

6. Ölümü xatırlayan, lakin onun üçün hazırlanmayan özünü məsxərəyə qoyub.

7. Allahı zikr edən, lakin Onunla görüşməyə tələsməyən özünü məsxərəyə qoyub.

📗“Biharul-ənvar”, c.75, səh.356

✍ İmam Həsən Əskəri (ə) buyurub:

"İbadət (yalnız) çoxlu oruc tutub namaz qılmaqdan ibarət deyildir, ibadət (həm də) Allahın işlərində çoxlu düşünməkdən ibarətdir".

✍ Əziz Peyğəmbərimiz (s) buyurub:

"Heç bir ata öz övladına ədəbdən üstün irs saxlamadı".

✍ İmam Kazim (ə) buyurur:

“Öz (din) qardaşını aldadan şəxs məl`undur.”

✍ Hişam ibn Salim və başqası İmam Sadiqdən (ə) belə nəql edir :

“Allah Rəsulu (s) üçün ən sevimli əməl ac və qorxu (Allahdan qorxu) içində yaşamaq idi.