✍ İmam Sadiq (ə) buyurur:

“Uca Allah mömini bəlalarla qoruyub qayğısına qalır. Gecə gəldikdə ona mükafat vermək üçün ya onu bədənində bir xəstəliklə, yaxud dünya müsibətlərinə mübtəla etməklə qayğı göstərir”.

✍ İmam Təqi (ə) buyurub:

“Allaha doğru qəlbdəki niyyət, əzaları əməllərlə yormaqdan daha üstündür”.

✍ İmam Səccad (ə) buyurub:

"Nəbadə etdiyin günaha sevinəsən, çünki ona sevinmək günahın özündən daha böyükdür".

✍ İmam Sadiq(ə)

Novruz yaxınlaşanda özünü təmizlə,təzə paltarlarını geyin və həmin gün oruc tut.

Bağışlayan və mehriban olan Allahın adı ilə.

İlin təhvil olunan vaxtı oxunan dua:

🌹🌸🌹🌸🌹

Bismillahir-rəhmanir-rəhim Ya muqəllibəl-qulub vəl-əbsar, ya mudəbbirəl-ləyli vən-nəhar, ya muhəvviləl-həvli vəl-əhval, həvvil haləna ila əhsənil-hal.

Duanın tərcüməsi:

Ey qəlblərin dəyişməsini və gözlərin hərəkətini idarə edən Allah! Ey gecəni gündüzlə ard-arda əvəzləyən Allah! Ey vaxtları və əhvalları dəyişdirən Allah! Bizim də, halımızı ən gözəl hala dəyişdir!

(Məfatihul-cinan, səh672.)

✍ İmam Sadiq (ə) buyurub:

"Dünyanın misalı dəniz suyuna bənzəyir. Susuz ondan hər nə qədər içsə bir o qədər susuyar və sonda onu öldürər".

✍ İmam Baqir (ə) buyurub:

“Ramazan ayının digər aylara üstünlüyü Rəsulullahın (s) digər peyğəmbərlərdən üstünlüyü kimidir”.

✍ Həzrət Rəsulullah (s) buyurub:

Hər kim Ramazan ayını susaraq oruc tutub, qulağını, gözünü, dilini, şəhvətini və bədən üzvlərini Allahın razılığı üçün yalandan, haramdan və qeybətdən qorusa, uca Allah onu özünə yaxın edər, belə ki, o şəxs Həzrət İbrahim Xəlilullaha (onun mövqeyinə) çatar və onunla birlikdə olar.

İmam Cəfəri Sadiq (ə) buyurub :

“Oruclu olan şəxs, müsəlmanların
qeybətini etmədiyi müddətdə yatağında olsa belə ibadət halındadır.

  ✍ Allah Rəsulu ( s.) buyurub:

"Əgər qullar, Ramazanın fəzilətlərini bilsəydilər, bütün ilin Ramazan olmasını arzu edərdilər ..."