✍ İmam Sadiq (ə) buyurub:

"Dünyanın misalı dəniz suyuna bənzəyir. Susuz ondan hər nə qədər içsə bir o qədər susuyar və sonda onu öldürər".

✍ İmam Baqir (ə) buyurub:

“Ramazan ayının digər aylara üstünlüyü Rəsulullahın (s) digər peyğəmbərlərdən üstünlüyü kimidir”.

✍ Həzrət Rəsulullah (s) buyurub:

Hər kim Ramazan ayını susaraq oruc tutub, qulağını, gözünü, dilini, şəhvətini və bədən üzvlərini Allahın razılığı üçün yalandan, haramdan və qeybətdən qorusa, uca Allah onu özünə yaxın edər, belə ki, o şəxs Həzrət İbrahim Xəlilullaha (onun mövqeyinə) çatar və onunla birlikdə olar.

İmam Cəfəri Sadiq (ə) buyurub :

“Oruclu olan şəxs, müsəlmanların
qeybətini etmədiyi müddətdə yatağında olsa belə ibadət halındadır.

  ✍ Allah Rəsulu ( s.) buyurub:

"Əgər qullar, Ramazanın fəzilətlərini bilsəydilər, bütün ilin Ramazan olmasını arzu edərdilər ..."

İmam Sadiq (ə):

“Oruc tutana iftar verənin savabı, oruc tutanın savabı qədərdir”.

✍ İmam Sadiq (ə) buyurub:

“Allah isti gündə oruc tutan və susayan şəxs üçün min mələk təhkim edər. Mələklər iftar edənə qədər onun üzünü tumarlayar və (onu) xoş xəbərlə müjdələyərlər. Qüdrətli və əzəmətli Allah deyər: “Sənin iyin və ruhun necə də xoşdur. Ey mələklərim, şahid olun ki, mən onu bağışladım”.

✍ İbn Sinan bir kişidən nəql edərək deyir: “İmam Sadiq (ə) buyurdu:

“Su ilə iftar etmək qəlbin günahlarını yuyur."

Peyğəmbər (s):

“Ramazan ayında bir yetimi əzizləyəni Allah-taala Qiyamət günü əzizləyər”.

Həsən ibn Sədəqə nəql edərək deyir: “İmam Kazım (ə) buyurdu:

“Gündüz dincəlin, çünki Allah oruc tutan kəsi yatdığı zaman yedirdər və içirdər”.

💫Günün hədisi


✍ İmam Hadi (ə) buyurub:

"Kim özündən razı olsa, ona qəzəblənənlər çoxalar".