✍ Allah Rəsulu (s) buyurub :

Oruc tutanı doyuran kəsə, Allah mənim hovuzumdan şərbət nəsib edər və o bir daha susamaz.

✍ Muhəmməd Peyğəmbər (s) buyurub:

İnsana Ramazan ayında tutduğu hər gün oruca görə qızıldan min qapısı olan bir saray verilər.

✍Həzrət İmam Əli (ə) buyurub:

Nə çox oruc tutan var ki, ona orucdan ancaq aclıq və susuzluq qalır. Nə çox gecəni (ibadət məqsədi ilə) oyaq qalan var ki, bu işdən ona ancaq səhərə qədər oyaqlıq və yorğunluq qalır.

İmam Sadiq (ə):

“Sənə oruc tutmağı tövsiyə edirəm. Çünki o bədənin zəkatıdır”.

Həzrət Peyğəmbər (s) buyurub:

Mən meraca aparıldığım gecə yer üzünə qayıtmaq istədikdə Cəbrailə (ə) dedim:
Ey Cəbrail (ə), bir istəyin varmı?
Cəbrail (ə) dedi:
İstəyim budur ki, Xədicəyə (s.ə) Allahdan və məndən salam deyəsən.

Bir nəfər Peyğəmbərin (s) hüzuruna gəlib dedi:

Ya Rəsulullah (s) mənə dünya və axirət xeyirini özündə cəm edəcək bir əxlaqı öyrət.
Peyğəmbər (s) buyurdu:
   Yalan Danışma.

Cabir nəql edərək deyir: “İmam Baqir (ə) buyurdu:

“Oruc olduğu gün vəfat edən şəxs Cənnətə daxil olar”.

Allah Rəsulu (s) buyurub:

Xoş o insanların halına ki Allaha xatir ac və susuz qalırlar.
Onlar qiyamət günü doyuzdurulacaqlar.

✍️ Allahın Peyğəmbəri (s) buyurub:

Əgər bəndə Ramazan ayının qiymətini bilərsə, ilin başdan-başa Ramazan olmasını istər.