Odilbek Isakov juda samimiy inson ekan. Suhbatdan o’zim uchun ancha narsa oldim. Ayniqsa HSBCga ishga qabul qilinish jarayoni bo’yicha tajribalari qiziq bo’ldi.
Faqatgina mahalliy ishlab chiqaruvchilarni qo’llab quvvatlash bo’yicha fikrlariga qo’shilmadim.

https://youtu.be/RjLelAma-p4?si=zkV0mHwoTmpDtl8B

@islom_urolov

Maqsadingizga erishish ehtimolini 50% oshirishning "oddiy" usuli

1979 va 1989-yil orasida Garvard MBA talablari orasida bir tadqiqot o'tkazilgan. Unda talabalardan "Kelajagingiz uchun aniq maqsadingiz bormi va unga erishish uchun rejalaringizni yozib qo'yganmisiz?" degan savol bilan so'rovnoma o'tkazilgan. Unga ko'ra:
— 84% talabalarda aniq maqsad yo'qligi
— 13% talabalarda maqsadi borligi lekin ularni yozib yurmasligi
— Faqatgina 3% talabalargina maqsad va rejalarini yozib yurishi ma'lum bo'lgan.

Oradan 10 yil o'tib bu talabalar qayta o'rganilganda:
1. 13% maqsadi aniq bo'lgan talablar 84% lik guruhga qaraganda 2 baravar ko'proq daromad qilayotgani
2. Maqsad va rejalarini yozib yurgan 3%lik guruh daromadi esa...

✒️ To'liq postni o'qish

@Musayev_blogi — bu shunchaki shaxsiy rivojlanishga oid motivatsion postlar emas, aniq ma'lumotlar va tadqiqotlarga asoslangan tahliliy postlar blogi.

@Musayev_blogi — sifatli kontentni qadrlaganlar uchun!

Bugungi suhbatimiz mehmoni markaziy Osiyo tarixi va madaniyati sohasida taniqli olim, ajoyib tarixchi va mutaxassis — Adib Xolid. Professor Xolidning tadqiqotlari markaziy Osiyo tarixiga, ayniqsa, 1860-yillarda Rossiyaning bosib olishi davridan hozirgi kungacha bo'lgan madaniy va identifikatsion o'zgarishlarga qaratilgan. Uning ilmiy ishlari musulmon va rus/sovet dunyolarining kesishish nuqtasini chuqur tahlil qilib, xususan, Markaziy Osiyoda Islom dinining tsarist va sovet boshqaruvi ostidagi taqdiri haqida muhim ma'lumotlarni beradi. Xolid madaniyat va madaniy o'zgarishlar, imperiya va mustamlakachilik hamda milliylik masalalari haqida yozib keladi.

Xolid Guggenheim Jamg'armasi, Carnegie Korporatsiyasi, Milliy Gumanitar Fanlar Jamg'armasi kabi bir qator nufuzli tashkilotlar grantlari sovrindori. Shuningdek, Parijdagi Inson Fanlari Uyi va Vashingtondagi Kongress Kutubxonasidagi Kluge Markazi tadqiqotchi lavozimlarida ishlagan.

Xolid to'rtta nufuzli kitobning muallifi: “Musulmon madaniyati islohoti siyosati: Markaziy Osiyoda Jadidizm,” “Kommunizmdan Keyin Islom: Markaziy Osiyoda Din va Siyosat,” “O'zbekiston tavalludi” va “Markaziy Osiyo. Imperatorlik istilolaridan hozirgi kungacha bo'lgan yangi tarix.” Uning so'nggi kitobi Markaziy Osiyoning “rus” va “xitoy” qismlarining integratsiyalashgan hikoyasini taqdim etadi va bir nechta tillarga tarjima qilingan, bu uning global ta'sirini ko'rsatadi.

Ko'plab mukofotlari orasida “Kommunizmdan Keyin Islom” 2008 yilda Veyn S. Vucinich Kitob Mukofotini qo'lga kiritgan, “O'zbekiston tavalludi” esa 2016 yilda Reginald Zelnik Tarix Kitob Mukofotini olgan. Ushbu mukofotlar Dr. Xolidning rus, Yevrosiyo va sharqiy Yevropa tadqiqotlari sohalariga qo'shgan ulkan hissasini ko'rsatadi.

Professor Adib Xolid Panjob Universiteti (Lahor)da bakalavr darajasini, McGill Universiteti (Monreal)da yana bir bakalavr darajasini va Viskonsin-Medison Universitetida magistratura va doktorlik darajalarini olgan. 1993 yildan beri u Karleton Kolleji ilmiy jamoasining muhim a'zosi bo'lib kelmoqda.

https://youtu.be/dEleU_5RKEQ?si=EtW6ydwUWNzLNkHV

Jahon iqtisodiyoti va diplomatiya universiteti professori i.f.d Nishonboy aka Sirojiddinov bizga Xalqaro iqtisodiy munosabatlar fanidan dars bergan va mening bakalavr diplom ishimda ilmiy rahbarim bo’lgan. Diplomatiyadagi 4 yillik butun o’qish davrida Sirojiddinovning ikki semestrlik darslarida olgan bilimlarimdan ko’proq biror narsa olganimni eslolmayman.

Fikr yetakchilari podkastida ustozning dollar kursi nazorati, konvertatsiya, monopoliyalar, eksport va importning iqtisodiyotdagi o’rni va yana boshqa ko’plab mavzulardagi fikrlarini tinglashingiz mumkin. Tavsiya qilaman.

https://youtu.be/3LBJcPqO_S0?si=0lOuwDgYDwQf8ey-

@islom_urolov

So’ngi 8 oy davomida 200 dan oshiq iqtisodiy tadqiqotlar sohasidagi ishlarga hujjat topshirdim. MIT va University of Chicago Predoctoral dasturlariga Data Task bosqichiga o’tganimni hisobga olmasa birorta ishdan ijobiy natija olmadim. Har kuni 2-3 talab faqat chiroyli tilda yozilgan “Rejection letter”lar kelardi. Ikki oylar oldin ancha umidsizlikka tushib, endi boshqa rejalar haqida o’ylay boshlaganimda Xalqaro Valyuta Fondi (IMF)dan intervyuga taklif kelib qoldi. Ko’zlarimga ishonmay email yuborgan odamni internetdan qidirib ham ko’rdim:).

Xullas, bir haftadan keyin African department’da Research Analyst position uchun 4 kishi (iqtisodchilar va menejerlar)dan iborat IMF xodimlari bilan panel intervyuda rosa po’stagimni qoqishdi. Qo’limdan kelgancha savollariga javob berdim va suhbatdan o’zimning ko’nglim to’ldi. Ikki kundan keyin Data task yuborishdi va uniyam uncha qiyinchiliksiz bajardim. Endi qiyini – kutish qoldi…

Keyingi ikki hafta xuddi ikki oydek sekin o’tdi. Har soatda emailimni tekshirib turdim. Va nihoyat javob keldi: yana bitta intervyu🤦🏻‍♂️. Endi division chief’lar bilan suhbat bo’ldi – juda qisqa va samimiy o’tdi. Suhbatdan keyin xuddi qabul qilingandek xursand edim. Hatto Washington DCga ko’chish rejalarini qila boshladim. Lekin bir yarim haftadan keyin yana doimgidek chiroyli yozilgan “otkaz”. Umidlar puchga chiqqanidan yana tushkinlik kayfiyati keldi. Lekin oxirgi xatdagi “Siz panel intervyuda kuchli nomzod sifatida tanlaganingiz uchun yana boshqa position ochilsa sizga xabar beramiz” degan gap sal umid berardi.

Rad javobidan bir haftadan keyin kutilmaganda yana email keldi. Endi boshqa division chief men bilan norasmiy suhbat qurmoqchi ekanligini bildirgan ekan. Darhol taklifni qabul qildim va suhbat shu hafta seshanba kuni bo’lib o’tdi.

Bugun ertalab esa va nihoyat “Congratulations!” deb boshlangan email oldim!

Shunday qilib, 12-avgustdan Xalqaro Valyuta Fondi (IMF)da Research Analyst (Tadqiqot tahlilchisi) lavozimida ish boshlayman inshaAllah.

#alhamdulillah

@islom_urolov

200 dan oshiq joyga hujjat topshirishga qanday sabr topdingiz deb ko’pchilik so’rabdi.

Ha, ancha mayda va qiyin ish. O’zim bo’lganimda bu darajagacha sabrim yetmasligi aniq edi. Rad javoblaridan hafsalam pir bo’lib qo’limni tushirgan vaqtim ayolim dalda bo’ldi va o’zi hujjatlarimni olib mening nomimdan ishlarga topshirishga kirishdi. Jami topshirilgan applicationlarning 15-20% qismini u topshirgan.

@islom_urolov

RA position uchun kerakli hujjatlar

Ishlarga topshirishda kerakli bo’ladigan hujjatlar ro’yxati albatta biz topshirmoqchi bo’lgan sohaga va lavozimga bog’liq ravishda turlicha bo’ladi. Men, asosan, iqtisodiyot bo’yicha tadqiqotchi (Research Analyst) yoki yordamchi tadqiqotchi (Research Assistant – predoc) pozitsiyalariga ishlarga topshirdim. Ushbu pozitsiya uchun deyarli barcha joylarda topshiriladigan hujjatlar ro’yxati bir xil yoki juda o’xshash bo’ladi.

Xullas, men RA position uchun quyida hujjatlarni tayyorladim:

1. Resume – 1-2 betdan tashkil topgan qisqacha tarjimai hol. Bu eng muhim hujjatlardan biri.
2. Cover letter – ishlarga topshirish uchun mo’ljallab yozilgan “motivation letter”. Bu ham eng muhim hujjatlardan yana biri.
3. Transcripts (UWED, Ajou, Tufts) – universitetlardan olgan baholar.
4. Writing Sample (Ekonometrika fanidan yozgan empirik ishim) – ixtiyoriy yozma ish namunasi.
5. Coding Sample (Python va Stata yordamida qilgan loyihalarim).
6. References – 2-3 ta tavsiyanomalar uchun kontaktlar.

Har bir hujjat, ayniqsa, resume va cover letter alohida e’tibor bilan tayyorlanishi va eng muhimi, topshirilayotgan position talablariga moslashtirilishi zarur.

@islom_urolov

Matematikaning iqtisodiyot oʻrganishdagi oʻrni.

Oxirgi payt mendan koʻp soʻrashadi, iqtisodiyot oʻrganishim uchun nima qilishim kerak, Oʻzbekistonda qayerda oʻqishim kerak deb. Koʻpchilikka shaxsiy bergan tavsiyamni shu yerda yozib qoʻysam. Agar siz ilmiy yoʻnalishdan ketmoqchi boʻlsangiz, yoki deylik chet el universitetlarida aynan iqtisodiyotdan magistratura va ayniqsa doktoranturada oʻqimoqchi boʻlsangiz, universitetda bakalavr darajasida matematika oʻqishni tavsiya qilgan boʻlar edim. Matematika — hozirgi iqtisodiyot fanining tili. Matematikani bilish iqtisodiy tadqiqotlar va ilmlarni oʻrganishlik uchun mutlaq muhim. Barcha iqtisodiy tadqiqotlardagi gʻoya matematik formulirovkalar orqali yoziladi. Shuning uchun, matematik analiz, statistika, ehtimollar nazariyasi, chiziqli algebra kabi fanlarni yaxshi oʻzlashtirish, iqtisodiyotda ilm qilish va oʻqish uchun asosiy talablardan biri. Albatta universitetda iqtisodiyotni oʻqib, qolgan vaqtda matematikani oʻqib olib, yetib olsa boʻladi, imkonsiz emas. Lekin matematika fakultetida oʻqish sizga iqtisodiy gʻoyalarni tez tushunish va oʻzlashtirishda juda koʻp yordam beradi.

Bu nafaqat meni bir shaxsiy fikrim, balki qabul kommissiyalarini fikri ham. Ixtiyoriy doktorantura programmasiga kirish kommisiyalari, albatta shartli ravishda boʻlajak doktorantlarni “matematik tayyorgarligini” koʻrishadi. Nechta matematik fan olganini qarashadi, qanday fanlar, baholar necha boʻlganligini.

Xullas, boʻlajak iqtisodchilarga tavsiyam — matematikani oʻqing, chunki iqtisodiy fakultetlarga kirish va tadqiqot qilish uchun bu narsa muhim shartlardan. Albatta matematik bilib yaxshi iqtisodiy tadqiqot qilish uchun, yetarli emas, lekin shart.

Oʻzbekistonda bir nechta yaxshi matematika fakultetlari bor — ulardan eng eskisi va mashhuri milliy universitet qoshida. Bir necha avlod zoʻr matematiklarni chiqargan. Eng mashhur Oʻzbekistonlik iqtisodchi — Londondagi Imperial Kollej professori Rustam aka Ibragimov ham, oʻsha matematika fakulteti bitiruvchisi. Yaqinda yangi ishga tushgan New Uzbekistan University — Yangi Oʻzbekiston universitetining matematika fakulteti ham diqqatga sazovor, men u yerda ishlaydigan domlalarni va programmani koʻrib chiqdim. Juda zoʻr ekan. Agar Oʻzbekistonda boʻlsangiz va deylik kelajakda iqtisodiy ilmiy karyera qilmoqchi boʻlsangiz shunday yaxshi fakultetga kirishingizni tavsiya qilgan boʻlar edim.

Mendan ham xuddi shu savolni ko’p so’rashadi. Oldinroq xuddi shu mazmunda qisqaroq javob yozgan edim. Behzod aka to’liqroq javob yozibdi

Podkastimizning yangi, noan’anaviy soni chiqdi.

Ushbu epizod Toshkent shahrida jonli, muxlis va obunachilar ishtiroki, savol-javob qismi bilan yozildi. Epizodda moliya va bank tizimining ayniqsa rivojlanayotgan mamlakatlar iqtisodiy rivojlanishidagi o'rni haqida suhbatlashdik. Podkast yakunida bo'lgan ishtirokchilar bilan savol-javob qismini ham sizlarga havola etamiz.

Tinglang, ko'ring, do'stlaringiz bilan ulashing va izoh qoldiring:
https://youtu.be/Bz3Jda66wAA

Podkastimiz 5 yoshga to'lish munosabati bilan maxsus tashkillashtirilgan tadbir tashkilotchisi va ushbu epizod hamkori - aksiyadorlik tijorat banki "AloqaBank".

Audio formatda:
Spotify | Apple Podcast | Yandex Music | Podbean

@uzbekonomics

Haqli savol.

Bunday "shohona inʼom"larning yuridik (qonuniy) asosi bormi? Harqalay, oʻtgan yilgina qabul qilingan va hali "ohori toʻkilmagan" Konstitutsiya boʻyicha, Oʻzbekiston - absolyut monarxiya emas, hokimiyatlar boʻlinishi tamoyiliga asoslangan huquqiy respublika. Demak, hech qaysi mansabdor shaxs oʻzi istagan narsani qila olmaydi, uning har qanday xatti-harakatlari huquqiy asosga ega boʻlishi lozim.

"Davlatimiz rahbari meni oʻzim orzu qilgan oliygohda imtiyozli grant asosida oʻqishga tavsiya qilib, omad tiladilar". Abituriyentni oliy taʼlim muassasasiga oʻqishga qabul qilishning qonunchilikda belgilangan tartib-qoidalari bor. Oliy taʼlim, fan va innovatsiyalar vazirligi va (yoki) universitet rahbariyati mazkur talabani qanday rasmiylashtiradi, buyruqda nima deb yozadi? "Davlat rahbari bilan uchrashib qolgani uchun ... oʻqishga qabul qilinsin", deb yozadimi? Shunga oʻxshagan oldingi holatlarda qanday rasmiylashtirgan?

Yana bir narsa. Bunday aksiyalardan maqsad PR boʻlsa, koʻzlangan emas, teskari natija berishini "aʼyonlar" aytishmadimikan? Yosh avlodga "Oʻzbekistonda ogʻzaki buyruqlar qonunlardan ustun turadi" degan mujdani berishi mumkinligini tushuntirishmadimikan? Xoʻp, "aʼyonlar"ning jurʼati yetmas ekan, parlament nega jim?

O’zbekistonga ichki kapital bozor kerak. Ayniqsa hozirgi paytda bu yanada muhim va kerakligini ko’ryapman.

Ishlaydigan, shaffof o’yin qoidalari yozilgan kapital bozor kerak. Shu qoidalarini ijrosini ta’minlaydigan, investorlarni himoya qiladigan, qoidabuzar emitentlarni jazolash kuchiga ega bo’lgan, mustaqil va katta mandatga ega bo’lgan regulyator kerak. Bozorga professional ishtirokchilar (banklardan tashqari), IT infratuzilma, bozor qatnashchilari ishonchi uchun ham muhim bo'lgan barqaror kutilmalarga ega qonunchilik va iqtisodiy-siyosiy muhit kerak.

O’zbekiston iqtisodiyotining va moliyaviy tizimining barqaror rivojlanishini, kelajagini men kapital bozorisiz ko’rmayman.

Nega kerak? Masalan:
- investitsiyalarni jalb qilish uchun. Korxonalar aksiyalar va obligatsiyalarni chiqarish orqali qo'shimcha moliyaviy manbalarni topadi. Bu manbalar esa o’z o’rnida korxonalar yanada o’sishi, sarmoya qilishiga imkon beradi. Davlat ham investitsiyani ichki bozorda obligatsiyalar orqali jalb qila oladi.
- jamg'armalarni rag'batlantirish uchun. Kapital bozori odamlarni ko'proq jamg'arishga undaydi. Odamlar o'z mablag'larini kapital bozoriga investitsiya qilish orqali ko'paytirish imkoniyatiga ega bo'ladilar. Bu jamg'arma darajasini oshiradi va iqtisodiy barqarorlikni ta'minlashga yordam beradi.
- narxlarni belgilash uchun. Kapital bozori narxlarni bozor mexanizmlari orqali shakllantiradi, bu esa adolatli va ochiq savdo muhitini yaratadi. Bu kompaniyalarning qiymati va iqtisodiyotning umumiy holati haqida muhim signallarni beradi. Ushbu narxni aniqlash funktsiyasi keyingi punkt uchun muhim
- resurslarni samarali taqsimlash uchun. Kapital bozori jamg'armasi borlardan pulga ehtiyoji borlarga kapital oqimini osonlashtiradi. Bu kapitalni eng samarali foydalanishga yo'naltirish imkonini beradi va istiqbolli loyihalarga yo'naltiradi.
- shaffoflik va korporativ boshqaruv uchun. Kapital bozorlarining ommaviy tabiati kompaniyalarni oshkoralik va javobgarlik talablarini oshiradi. Masalan, IPO qilish bu marketing qadam emas. IPO qilish bu korxona muntazam ravishda bozorga hisobot berib turish, material o'zgarishlarni ochiqlab borish majburiyatini oladi. Bu investorlarga ham, bozor uchun ham muhim. Lekin, bu yana o'sha kuchli regulyator haqidagi masala.

@uzbekonomics

“Gapiring” tok-shousiga ozroq gapirgandim:)

https://www.youtube.com/watch?v=OMqYZgck0qA

@islom_urolov

IMFdagi Macrofinancial Surveillance and Review Division in Monetary and Capital Markets Department (MCM)dan yana bir Research Analyst positionga interviewga taklif keldi.

Omad kelsa qo’shaloq kelarkanda)

@islom_urolov

Texnoplov kanalida “Iqtisodiyot qanday tuzilgan?” mavzusida ilmiy-ommabop usulda qiziqarli video joylanibdi. Saadullaga doimgidek bravo. Murakkab iqtisodiy jarayonlarni qisqacha qilib har qanday odam tushunadigan tilda va vizual effektlar bilan yanayam qiziqarli usulda tushuntiribdi. Nega pul paydo bo'lgan, iqtisodiyotni nima tashkil qiladi, soliqlar qayerga ketadi, Markaziy bank nima qiladi va inflatsiya nima kabi savollarga javob olmoqchi bo’lsangiz ushbu videoni ko’rishni tavsiya qilaman.

Lekin ba’zi o’rinlarida yanayam ozgina chuqurroq tushuncha berib ketilsa yaxshiroq bo’lardi deb o’ylayman. Masalan, Markaziy bank o’rnatgan asosiy stavka darajasi pul bozoridagi foiz stavkalariga videoda aytilgandek oson va to’g’ridan-to’g’ri o’tib qolmaydi. Bu ham alohida murakkab jarayon va bu monetar siyosatning transmission mexanizmi deyiladi. Shu videoda transmission mexanizm haqida ham qisqacha tushuncha berib ketilsa Markaziy bankning asosiy stavka instrumenti yanada tushunarliroq bo’lardi.

@islom_urolov

🌟 "O'zbegim Gavhari" - Biz bilan yuksal! 🌟

Biz Farg'ona viloyati hokimligi, Farg'ona viloyati Yoshlar ishlari agentligi va Farg'ona shahridagi Prezident maktabi hamkorligida jamiyatimiz ayollari uchun "O'zbegim Gavhari" deb nomlangan loyihaning boshlanayotganini mamnuniyat bilan e'lon qilamiz! 🎙

🎓 Taklif etilayotgan offline kurslar:
💻 IT va Dasturlash;
🇬🇧 Ingliz tili;
🇷🇺 Rus tili;
📸 Mobilografiya;
🛍 Qo‘l mehnati orqali onlayn savdo kurslari;
📈 Biznes yuritish;
💪 O‘z-o‘zini himoya qilish kurslari va Psixologiya.

🌱 Maqsadimiz: Jamiyatimizdagi ayollarni qo'llab-quvvatlash, ularni sifatli va zamonaviy ta'lim bilan ta'minlash hamda jamiyatda ularning faoliyatini oshirish orqali yorqin kelajak yaratish. 🌸

Manfaatli jihatlar:
- Darslar uchun 100%lik grantlar ajratilgan💰
- Jonkuyar va tajribali ustozlardan zamon talabi bo'lgan fanlarni o'rganish imkoniyati 👩‍🏫
- Zamonaviy texnologiyalar 🖥
- Darslarga o'zgacha yondashuv 💭

O‘z bilim va ko‘nikmalaringizni oshirish uchun biz bilan birga bo‘ling! Biz bilan yuksaling! ✨

Quyidagi havola orqali darslarimizda bepul o'qish imkoniyatini beruvchi grant uchun ro'yxatdan o'ting: havola

Arizalar 2024-yil 20-avgustgacha qabul qilinadi.

Batafsil ma'lumot va ro'yxatdan o'tish uchun ijtimoiy tarmoqlardagi yangiliklarimizni kuzatib boring! 📢

Telegram | Instagram | YouTube

(Четдаги) Университетни қандай танлаш керак? 1-қисм

Бир неча ой олдин Твиттерда университетларнинг халқаро рейтинг жадваллари ҳақида танқидий фикр билдирганимда, ўқувчилардан бири "Рейтингларга ишонмасак, университетни қандай танлайлик?" маъносида савол берган эди. Бошқаларга ҳам фойдали бўлар деб, бу саволга шу ерда жавоб берсам. Ёзувда ўзимнинг чет элдаги талаба сифатида бошимдан ўтганларни мисол қилиб келтираман 😊

Университет танлаш—ниҳоятда мураккаб масала. Бир қанча омилларни ҳисобга олиш керак. Ўзимнинг тажрибам (уч давлатда—Ўзбекистон, Англия, Японияда—талаба бўлганман) ва Англиядаги иш фаолиятимга асосланиб, уч муҳим омилни ажратган бўлардим. Бу учаласи ҳамиша энг муҳим омил бўлмаса-да, буларни ҳисобга олсангиз, катта эҳтимол билан пушаймон бўлмайсиз.

Бугунги қисмда, шуларнинг биринчиси ҳақида гаплашамиз:

1. Ўз қизиқишингиз. Энг муҳим омил—ўзингизга қизиқ соҳа ёки илмий иш мавзусини танланг. Ҳамма ҳам шундай қилмайди—баъзилар шунчаки пайтдан фойдаланиш учун, яна кимдир стипендия борлиги учун ўзларига умуман қизиқ бўлмаган, ёки яхши тасаввурга эга бўлмаган соҳаларни танлашади.

Албатта, ўқув программаси яхши бўлса, қизиқиш уйғониб, тортиб кетиш имконияти бўлади, аммо соҳа қизиқ бўлмаса, талаба битира олган ҳолда ҳам энг яхши натижаларга эришолмайди ва катта эҳтимол билан битиргач бошқа соҳа ё ишга ўтиб кетади.

Ҳаёт фалсафам—инсон ўзига қизиқ нарса билан шуғулланиши керак. Ўзи севган ишни инсон барибир яхши бажаради, катта эҳтимол билан йиллар давомида шуғулланиб, у ишнинг устаси бўла олади. Ишини пул топиш учун эмас, уни севгани учун бажарадиган инсон кўп ҳолларда охир-оқибат пул ва обрўга ҳам эришади.

Шу сабабдан, нима ўқишни танлашда ҳам айнан шундан бошлаш керак, фарзандларимизнинг қизиқишларини ҳурмат қилиб, уларни ривожлантиришга уринишимиз керак. Тўғри, ўқиш ҳамиша ҳам касбни белгиламайди, аммо ўзи севган соҳани танлай олган ёш албатта кўпинча ўзига қизиқ касбга эришиш учун кераклича ишончга ҳам эга бўлади.

Шахсан менга ўз қизиқишимни топиш учун бир неча йил керак бўлган. Бакалаврга киришдан олдин дипломат бўлишни орзу қилганман, шу сабабдан Жаҳон иқтисодиёти ва дипломатия университетига тайёрланиб, кирганман. Кейинчалик, ўзим ўқиган соҳада (халқаро муносабатлар) Англия ва Японияда магистратурада ўқиганман, аммо охир-оқибат менга академик фаолият, университетда ишлаш ёқишига амин бўлганман. Ҳозирда бошқа биронта касб ҳам менга бунчалик қизиқ эмас.

Эртанги қисмда университет танлашдаги иккинчи энг муҳим омил—ўқув программаси ҳақида гаплашамиз.

Яқинларингиз орасида четда ўқишни орзу қиладиган, ёки халқаро таълим соҳасига қизиқувчилар бўлса, бу ёзувни уларга ҳам юборинг 😊

@profsherzod

(Четдаги) Университетни қандай танлаш керак? 2-қисм

Кеча университет танлашда энг муҳим масала қизиқишларингиз, деб ёзгандим. Бунга жавобан баъзи ўқувчилар "Ўзингиз ҳақиқий қизиқишимни топишимга йиллар кетди деяпсиз, ёшлар қаердан билади нимага қизиқишини?" деган фикр беришибди. Бу гапда, албатта, жон бор.

Аммо менимча ёшларимиз бакалаврни эмас, магистратурани четда қилганлари афзалроқ. Чунки биздаги бакалавр билан ҳам яхши жойларга ўқишга ўтиш мумкин. Ҳозирда ўзимизда турли чет эл университетларининг филиаллари очилган. Буларнинг бари талабага яхши база яратиш учун етарли шароитга эга, деб ҳисоблайман.

Ростини айтадиган бўлсак, ҳозирги кунда ҳеч кимни бакалавр даражаси билан қойил қолдириб бўлмайди. Ҳар соҳада, бошланғич ишларга кириш учун ҳам деярли ҳамма жойда магистрлик даражаси талаб қилинади. Бунинг сабаблари ҳақида ҳали алоҳида ёзаман.

Албатта, ота-онасининг қурби етса, ўзи ҳам тортиб кетишига ишонса, бакалаврданоқ четга чиққан ёмон бўлмайди. Лекин кўп ҳолларда бусиз ҳам яхши келажак қуриш мумкин.

Сизга нима қизиқлигини аниқлаб олдингиз, дейлик. Ундан кейин қайси омилга қараб университет танлайсиз? Менимча, иккинчи навбатда программага аҳамият беришингиз керак.

Яъни, ўқув программаси, масалан маълум университетнинг маълум соҳадаги магистрлик программаси, ёки PhD программаси. Университет ва унинг жаҳон рейтингидаги ўрнидан кўра сизга қизиқ соҳадаги программаси қандай йўлга қўйилгани муҳимроқ.

Тўғри, кўпгина "баланд дор" университетларнинг аксарият программалари ҳам яхши бўлади, аммо ҳамиша эмас. Мисоллар: мен ишлайдиган университет (UEA, Шарқий Англия) Британия рейтингида биринчи 20-25таликка киради, аммо унинг Creative Writing (ёзувчилик курслари) магистрлик программалари нафақат Британияда, балки Европа ва дунёда ҳам биринчи ўринларда туради. Кўпгина Букер мукофоти совриндорлари ва бир Нобел мукофоти ғолиби (Казуо Ишигуро) шу программани битиришган.

Турли соҳаларда бундай кучли программалар талайгина: масалан, инсон ҳуқуқларига қизиқадиганлар Англиядаги ўртамиёна Эссекс университетига келишади, транснационал маданий алоқалар мавзуси Германиянинг Ҳайделбергида кучли, вҳк.

Яхши ташкил қилинган программа сизни ўзингиз кутмаган, билмаган бир шаклда ажойиб мутахассис қилиб тайёрлайди.

Эртанги, охирги қисмда, университет танлашда рейтинглардан муҳимроқ бўлган учинчи омил ҳақида гаплашамиз.

Кундалик ёзувларим сизга қизиқарли ва фойдали бўлса, каналга ёзилинг ва бу мавзуга қизиқадиган дўсту яқинларингизга ҳам юборинг 😊

@profsherzod