2013-yilda Bunyodkor stadionida bo’lib o’tgan O’zbekiston - Qatar o’yinini maydondan tomosha qilgan edim. Hisob 5-1 bo’lgan bo’lsa ham, Jahon chempionatiga chiqishimizga yana 2 ta gol yetmay qolgani uchun uyga xafa bo’lib qaytgandim. Shundan beri 4-marta O’zbekistonning futbol bo’yicha Jahon chempionatiga chiqishga urinishiga guvoh bo’lyapman. Bu safargisi bir o’yin zahirasi bilan, bu o’yinda yutqazmasak yetarli bo’lgan sharoitda juda-juda yaqin turibmiz.

Xudo xohlasa, bu safar, shu bugun o’zbekistonlik futbol muxlislarining ko’p yillik orzusi amalga oshsa kerak. Ilohim 2026-yilda AQSh, Meksika, Kanada davlatlarida bo’lib o’tadigan jahon chempionatida milliy terma jamoamizni maydondan turib qo’llab quvvatlash nasib qilsin.

@islom_urolov

Qoyil! Ura! Tabriklaymiz hammani

Litsey va bakalavrdagi kursdosh do'stim Munisa Bakhromova Germaniyaning DAAD dasturi g'olibi bo'lib dunyodagi top universitetlardan biri bo'lgan Bonn universitetining iqtisodiyot yo'nalishi magistraturasini tamomlayapti.

Yaqinda Munisa Germaniya universitetlariga va DAAD dasturiga topshirish bo'yicha shaxsiy konsalting xizmatini yo'lga qo'ydi. O'zim Amerika universitetlari bo'yicha konsalting boshlaganimda Germaniya bo'yicha ham ko'pchilik so'ragan edi. Germaniyadagi universitetlarda o'qish to'liq bepul ekanligi ko'p o'zbekistonliklar uchun juda qulay imkoniyat bo'lishi mumkin. Munisani 12 yildan beri taniydigan odam sifatida uning xizmatini tavsiya qilaman.

Qiziqqanlar o’ziga murojaat qilishi mumkin: @munisabakhromova

Do’stim Diydor Berdiklichev Sigma podkastda qatnashibdi. Mavzu – kambag’allik bo’yicha tadqiqotlar.

Tavsiya qilaman.

https://youtu.be/ZuntsZwsrtc?si=ghCs496mR3-QpS1g

@islom_urolov

Behzod aka Vashingtonga kelganlarida Cactuz podkastida qatnashgan edi. AQShdan tortib O’zbekistongacha turli mavzularda suhbat qurilgan. Bonusiga yangi sovet anekdotiyam bor:)

https://youtu.be/ZWGsKip_fy8?si=gEeNhz12kUaUCBtU

@islom_urolov

Qop-qora yumor :)

O'zim va hammualiflarim bilan tadqiqotlarimizga yordamchilar kerak.

Hozirda mavjud va kelajakdagi loyihalar doirasida ma’lumotlarni to‘plash, ularni tozalash, katta ma'lumotlar ustida ishlash kabi vazifalar uchun assistentlarning guruhini shakllantirmoqchiman. Yordam kerak bo'lganda men ularga murojaat qila oladigan (4-5 yil oldin shunday e'lon berganimda juda ko'p nomzodlar yozgan edi).

Agar yaqin kelajakda magistratura yoki PhD qilmoqchi bo’lsangiz (ayniqsa finance, accounting, applied economics yo'nalishlarida), bu siz uchun juda yaxshi tajriba bo’ladi deb o'ylayman. Tadqiqot jarayoni bilan tanishish, o'z shaxsiy qiziqishlaringizni shakllantirish uchun foydali bo'ladi. Samarali yordamchilar uchun kerak bo'lsa recommendation letter yozib berishim mumkin. Kelajakda sizning ilmiy faoliyatingiz uchun ozgina bo'lsa ham turtki bera olgan bo'lsam men xursand bo'laman.

Nomzodlar ingliz tilida mukammal yozma va og‘zaki muloqot ko‘nikmalariga ega bo‘lishi shart. Dasturlash tajribasi (masalan, Python) katta ustunlik bo‘lib, ayrim vazifalar uchun zarur bo‘ladi. Agar tadqiqot yoki mening yo'nalishlarimdan uzoq bo'lsangiz ham, lekin dasturchi bo'lsangiz ham juda yaxshi! Yordamingiz menga aniq kerak bo'ladi. Tadqiqotlarga ajratilgan byudjetimdan kelib chiqib aksariyat xizmatlarga vazifabay haq to’lay olaman.

Batafsil va anketa bu yerda:
https://utdallas.qualtrics.com/jfe/form/SV_5nkBPL9XgSUYBqS

Qiziqishi mumkin bo'lgan do’stlaringiz bilan ulashsangiz ham katta yordam bo'lar edi.

@uzbekonomics

Quote of the day from our latest episode 13:

"The reason why you are not selected might not be you. It might be some other external factors. You should always keep applying to jobs."

Islom Urolov's path to the IMF included a crucial rejection, but his persistence led to a second chance. He reminds us that resilience is the most important skill in a competitive job market.



Watch the full story on our YouTube channel:

https://youtu.be/v37NGcggk84?feature=shared

Pittsburgh universitetida iqtisodiyot bo’yicha doktoranturada o’qiyotgan do’stimiz Humoyun bir podkastda chiqibdi. Yaxshi suhbat bo’lgan ekan.

https://youtu.be/kg2kDFzEVyI?si=RVUhcrvhPnMZKV5J

@islom_urolov

Philly Feddan RA ham bor ekan. RAlargayam non bor ekan. Shukr:)

#mulohaza

Bir bittasi "Yaxshi ota qizini chetga yuborib qo‘ymaydi" degan edi. Chetda o‘qiyotgan qiz sifatida men javob bergandim:
- Yaxshi ota qizini shunday tarbiyalaydiki, dunyoning xohlagan joyiga yuborib, qizining tarbiyasidan xotirjam bo‘la oladi.

Otam men uchun yoshligimda har doim men eng hurmat qilgan insonim bo‘lganlar. Mening or-nomusim ularning shaʼni deb hisoblaganman. Ularning ko‘nglini qoldirish men uchun halokat darajasida edi.
Chunki otam har doim meni qo‘llab-quvvatlagan, mening shaxs ekanligimga meni ishontirgan, mening aqlim, bilimim muhim ekaniga ishontirib katta qilgan. Shuning uchun kimdir "mani aytganim bo‘ladi" deb bolasiga asossiz qarshilik qilsa men buni aqlimga sig‘dirolmayman.

Bekorga aytishmaydi, bolani emas, o‘zingizni tarbiyalang, deb.

@psixolingvist

Xalqaro Valyuta Jamg’armasi (XVJ)da ish boshlaganimga bugun roppa-rosa bir yil bo’libdi. Bir yillik ish tajribam haqida boshqa post yozaman, bu postda XVJdagi xodimlar ichki rotatsiyasi haqida yozmoqchiman.

XVJda ikki turdagi departamentlar bor: funksional va hududiy. Funksional departamentlarga moliya, yuridik, tadqiqot, statistika vhk kabi ma'lum funksiya bo'yicha ishlaydigan departamentlar kiradi. Hududiy departamentlarga esa o'z nomi bilan Afrika, Osiyo, Yevropa, O'rta sharq va Markaziy Osiyo, G'arbiy yarimshar kabi dunyoning ma'lum mintaqalarini o'z ichiga oluvchi departamentlar kiradi. Hududiy departamentlarda har bir davlat bo'yicha bitta missiya boshlig'i, 6-7 ta iqtisodchilar, bitta tadqiqot tahlilchisi (RA) va boshqa turli funksional xodimlardan iborat jamoalar bo'ladi. Har bir xodim darajasidan kelib chiqqan holda ma'lum muddatda boshqa departamentga rotatsiya bo'lishi talab etiladi. Masalan, iqtisodchilar o'rtacha har 3-5 yilda boshqa departamentdan ish topishlari kerak bo'ladi. Agar o'zingiz topolmasangiz, sizga topib berishadi. Shu sababli, xodimlar ish jarayoniga aloqador bo'lgan har bir qadamni hujjatlashtirib borishadi, o'zidan keyin kelgan odamlarga ishni davom ettirish qiyin bo'lmasligi uchun. Bu albatta qo'shimcha vaqt va kuch talab etadi, ammo uzoq muddatli davrda ish samaradorligini va natijadorligini yuqori darajada bo'lishini ta'minlaydi.

Menimcha, bu rotatsiya tizimi judayam yaxshi tajriba. Ixtiyoriy odam bir vazifada uzoq vaqt ishlasa, unda "learning curve" tekislashib boradi va o'z ishidan o'rganadigan jihatlari 0 ga yaqinlashib boradi. Yangi vazifada esa doimo yangi chaqiriq, yangi bilim va hatto yangi ko'nikma (skill)lar orttirish ham mumkin.

Ma'lumot uchun, men Afrika departamentida Markaziy-1 bo'limida Kamerun hamda Sao Tome va Prinsipe davlatlari bo'yicha RA bo'lib ishlayman. Qizig'i, ayni damda ushbu ikki jamoada ham men eng "eski" xodimman. O'tgan bir yil ichida ikki jamoamdagi deyarli hamma o'zgarib ketdi.

@islom_urolov