Барлықтарыңызға сәлем!

Бұйыртса, осы апта соңында, яғни сәуір 2-не (сенбі) информатикадан ҰБТ-ға дайындық курсын бастаймыз.

Сабағымыздың басталуы да дәл Рамазан айымен тұспа тұс келеді екен. Соған сәйкес, сіз бен біздің ауызашар уақытына сай келіп, қатты жанасып кетпейтіндей қойып жатырмын, яғни әр сенбі кешкі сағат 18:00 (Алматы уақытымен),
17:00 (Батыс уақытымен) YouTube платформасында “Үздік Білім” арнасында Live арқылы 1-сағат көлемінде болады.

Сабақтар тегін, барлығына ашық, әрі сақтаулы тұрады. Кез-келген уақытта ашып көре аласыздар.

PS. Биылдан бастан информатика ҰБТ-ға енді еніп жатқандықтан, әлі нақты бір сұрақтар базасы не материалдар жоқ. Дегенмен, негізгі келу керек сұрақтар мектеп бағдарламасынан болады. Сол үшін жалпы информатика дегеннен бастаймыз.

YouTube: youtube.com/c/uzdik
Telegram: t.me/Uzdik_BILIM

Соңғы уақытта IT мамандықтары туралы көптеген жаңалықтарды еститін болғанбыз.
Алайда, IT тек әзірлеушілерден ғана емес, дизайнерлерден, талдаушылардан, продакт менеджерінен де тұратынын ұмытпауымыз қажет.

Біздің отандасымыз, Азамат Бақтыбаев, Артемий Лебедев студиясында бірнеше IT өнімдерін басқарып, Мәскеуде тұрып жатыр.

Телеграмм арнасында ол әртүрлі сайттар мен қосымшаларды жиі талдайды, онда түрлі өнімдерінің артықшылықтары мен кемшіліктері жайлы айтады. Сонымен қатар Мәскеудегі лайфстайл өмірі туралы бөліседі.

Жазылыңыз, отандасымызды Қолдайық!

https://t.me/azazadealy

🎥 Белгілі қазақстандық кинорежиссер Қанат Бейсекеев еліміздегі стартаптардың, IT-компаниялардың экожүйесін қалыптастыру мен дамытуға, акселерация әлемі мен инвестицияға арналған деректі фильмін ұсынады.

Деректі фильмнің толық нұсқасы сілтемеде

Qazaq grammar

Кеше менің сүйікті тыңдап қарайтын @dopesoz подкасты @QazaqGrammar жобасының жігіттерімен эпизод шығарды. Бұл екі жобаны әрқашан қолдауға тырысамын. Осы жолы @QazaqGrammar туралы айта кетейін.

Бұл қазақ тілінің қазіргі қоғамда дұрыс қолдануын дәріптеп жүрген жоба. Өз басым күніге қазақша сөйлеп жүрсем де, қазақ тілінің толығымен заман талабымен дамып жатқанын байқамаймын. Подкастта мына ой жақсы айтылды: мектепте қазақ тілі көбіне өткен дәуірмен байланысты. Ол тарих, әдебиет, ертегі-эпостар, және т.б.

Менің подкастты қазақша жасайтынымның бірден бір себебі осы. Тіл өткенді ғана емес, бүгінгі күн мен болашақты айта білуі керек. Сіз бен біз өзекті айти, кино, блог, инвестиция жайлы қазақша еркін сөйлей алуымыз қажет.

Мен тіпті мына тренді байқадым. Қазақ тілінің жанашырлары көбіне өзге елден көшіп келген қазақтар. Мен жақында Қазақстанда Steppe world баспасына бардым. Бұл баспа қазақ тілінде заманауи балалар әдебиетін шығарады. "Хәрри Поттер"-ды қазақша шығарған адамдар да осы.

Қызығы, баспа негізін қалаушысы Раиса Кадер ханым, Моңғолиядан көшіп келген. Жұмысшылардың ішінде Қытайдан келген қазақтар да бар. Олардың айтуынша, елге келген қандастар ана тілінде кітап таппай, өздері шығара бастаған.

Мен бірде Амстердам кітапханасына болдым. Бұл орталық вокзалдың жанындағы 10 этажды алпауыт ғимарат. Таң қалғаным - шамамен кітапхананың 6 этажы тек голланд тіліндегі кітаптар. Тіпті Абайдың қара сөздері де бар. Соны көріп бізге де осы күн келсе екен деп армандап алдым.

Ал бұл арманды орындау үшін осындай жанашыр жобаларды қолдайық.

Барлықтарыңызға сәлем!

Өткен ҰБТ/ЕНТ информатика дайындық курсының екі сабағы да жексенбі күндері болған еді. Мүмкін сол өзгертпей, үйреншікті жексенбі күнімен жалғастыра берейік.

Бұйыртса 3-ші сабағымыз “Логикалық амалдар” жайында болмақ, яғни and, or, not, xor, конъюнкция, дизъюнкция, инверсия, имплекация, эквиваленция, секілді ауырлау терминдерді қозғап, шынайылық кестесін толтыратын боламыз.

3-ші сабақ:
Жексенбі (17/04/2022), кешкі сағат 18:00 (Алматы), 17:00 (Ақтау) “Үздік Білім” YouTube арнасында LIVE арқылы болады.

Telegram: https://t.me/Uzdik_BILIM
YouTube: https://youtube.com/uzdik

Студенттерге!

Data Science бағытында білім беретін Kaspi Lab-қа қабылдау басталды.

Курс бағдарламасында:
• MS Excel-дегі статистикалық функциялар
• SQL, SAS Base негіздері
• Python-да бағдарлама жазу
• Деректерді талдау
• Big Data-ға кіріспе және т.б.

Курс Kaspi.kz-тің нақты кейстерімен оқуға, жетекші талдаушылармен танысып, араласуға мүмкіндік береді.

Курстан және әңгімелесуден сәтті өткендердің барлығын ақылы тағылымдамадан өтуге және әрі қарай Kaspi.kz-ке жұмысқа шақырамыз.

Іріктеу тестілеуден өту үшін мына сайтта тіркелу керек:
https://lab.kaspi.kz/

Топқа қабылдау 6 мамырға дейін жалғасады!

Дәрістер 15 мамырда басталады.

@timurdaninfo

MAMYR CONTEST 2022-ден қалып қоймаңыз
Информатика каналы Мамыр мерекелеріне орай дәстүрлі MAMYR CONTEST ұйымдастырады. Контестке қатысып өз біліміңізді сынап, қызықты тапсырмаларды шешіңіз. Контест yandex платформасында болады.
https://contest.yandex.ru/contest/37796/enter/

«Код және Кофе» жаңа маусымы - қазақстандық IT-қоғамдастық туралы подкаст ☕️💻

IT-сала мамандары қонаққа келіп, кофе ішіп және күрделі, техникалық нәрселерді қарапайым, адам тілінде түсіндіретін орын.

Подкаст кез келген IT-мамандар үшін жарайды:

- әзірлеушілер
- project- және product-менеджерлер
- жүйелік әкімшілер
- data-мамандар
- QA-инженерлер
- дизайнерлер
және т.б..

Жаңалықтардан: жаңа жүргізуші – Кристина Абдраимова және жаңа формат – видео! 🎥

Қазірдің өзінде 3 эпизод бар:

• Посткарантиндік қатал әлемде әзірлеушілерге soft skills қажет пе?
• 10 жылдан кейін де жұмыс істейтін кодты қалай жазуға болады?
• Стартапты табысты бизнеске 3 жыл ішінде құру.

Подкастты видеоформатта YouTube-та қараңыз.

Аудиоқұмар болсаңыз, мына сілтемелерді ашыңыз:
Яндекс.Музыка
Apple Podcasts

Маңызды: подкаст орыс тілінде жүргізіледі.