⚡️ Dunyo bo‘ylab internet tarmoqlarida global nosozliklar kuzatilmoqda

Dastlabki ma’lumotlarga ko‘ra, mazkur muammolar yirik bulutli xizmatlar provayderi Cloudflare kompaniyasining infratuzilmasida yuzaga kelgan navbatdagi nosozliklar bilan bog‘liq.

Ma'lumot uchun, Cloudflare eng muhim hosting va kontent yetkazib berish (CDN) provayderlaridan biri sifatida, global internet trafigining katta qismini ta’minlaydi. Ularning tizimidagi silsilaviy xatolar (chain reaction) tufayli, internetning jiddiy qismi ishdan chiqqan.

Hozirda ko‘plab yirik saytlar va xizmatlarga, jumladan, X (sobiq Twitter), ChatGPT va Spotify kirishda muammolar yuz bermoqda.

📱 https://t.me/ITmavzu

🍏 Apple strategiyasini o‘zgartirmoqda: yangi iPhone’lar endi bir kunda taqdim etilmaydi

Kompaniya modellarning reliz muddatini yil davomiga bo‘lib chiqarishni rejalashtirmoqda. Maqsad — savdolarni barqaror ushlab turish va Samsung’dan ortda qolmaslik.

Reja bo‘yicha:

➖ 2026-yil kuzida iPhone 18 Pro, iPhone 18 Pro Max va bukiluvchi iPhone namoyish etiladi.
➖ 2027-yil bahorida esa iPhone 18, iPhone 18e va taxminlarga ko‘ra iPhone Air 2 taqdim etiladi.

Apple bunday qaror bilan nafaqat daromad oqimini barqarorlashtirmoqchi, balki xodimlar va hamkor ishlab chiqaruvchilarga tushadigan bosimni kamaytirishni ham maqsad qilgan. Avvalgi tizimda ular qisqa muddat ichida “maksimal yuklama” rejimida ishlashga majbur edi.

📱 https://t.me/ITmavzu

👨‍💻 Gemini 3 Pro Preview taqdim etildi — Google’ning yangi flagman AI modeli endi AI Studio’da mavjud

Google’ning ushbu yangi modeli kompaniya tarixidagi eng kuchli generativ AI'lardan biri sifatida taqdim etilmoqda. Dastlabki benchmarklar shuni ko‘rsatadiki:

➖ Matematika bo‘yicha: Mavjud top chatbotlardan yuqori aniqlikda masala yechadi.
➖ Dasturlashda: Kod yozish, refaktoring, xatoliklarni topish va murakkab algoritmlar yaratishda sezilarli ustunlik ko‘rsatmoqda.
➖ Matn tahlilida: Katta hajmdagi hujjatlarni chuqur tahlil qilish, asosiy g‘oyalarni ajratish va murakkab kontekstlarni tushunishda yaxshiroq ishlaydi.
➖ Kreativ kontentda: Hikoya, ssenariy, dizayn takliflari va hatto to‘laqonli o‘yinlar yaratish imkoniga ega ekanligi ta’kidlanmoqda.

👉 Modelni sinab ko‘rish uchun: https://aistudio.google.com/prompts/new_chat?model=gemini-3-pro-preview

📱 https://t.me/ITmavzu

Meta kompaniyasida ishlovchi IT dasturchi 28 yoshida 10 million dollar jamg‘arganini ma’lum qildi va endi erta pensiyaga chiqish masalasini ko‘rib chiqmoqda. Biroq unga bu mablag‘ umr bo‘yi yetishiga ishonchi komil emas.

Ijtimoiy tarmoqlarda bildirgan fikrlariga ko‘ra:

➖ Ayrimlar unga 50 million dollargacha jamg‘armasini oshirishni, shundan keyin ishni tark etishni tavsiya qilmoqda.
➖ Ba’zi mutaxassislar esa 25 yoshga kelib 30 million dollar bo‘lishi kerak edi, degan fikrni bildirmoqda.

Bu munozaralar orqali Amerikadagi IT sektori xodimlarining moliyaviy kutilmalari naqadar yuqori ekanini bilsak bo'ladi.

📱 https://t.me/ITmavzu

💻 Bugun Windows operatsion tizimi 40 yoshga to‘ldi

Windows 1.0 1985-yil 20-noyabrda taqdim etilgan. U paytga qadar kompyuterlar asosan DOS kabi qora ekran, klaviatura orqali buyruqlar beriladigan tizimlarda ishlardi.

Microsoft o‘sha davrda shunday xulosaga kelgan: kompyuterlar ommaviy bo‘lishi uchun ularga qulay grafik interfeys kerak. Loyihaning dastlabki nomi Interface Manager bo‘lgan, lekin oxir-oqibat tizimning asosiy g‘oyasini aks ettiruvchi Windows (“Oynalar”) nomi tanlangan.

Tizimni yaratish uchun taxminan 110 ming soat vaqt ketgan, loyihada atigi 24 nafar dasturchi ishlagan.

Bugungi kunda Windows tarixdagi eng ommaviy operatsion tizimlardan biri bo‘lib qolmoqda. 2025-yilda uning ulushi O'zbekistondagi kompyuterlarida 93 foiz atrofida.

📱 https://t.me/ITmavzu

💬 ChatGPT’da guruhli chatlar ishga tushirildi

Platformaning yangi funksiyasi bilan endi foydalanuvchilar guruh chatlari yaratib, ularga 20 nafargacha ishtirokchi qo‘shishi mumkin.

Yangi imkoniyat shuningdek chat sozlamalarini o‘zingizga moslab o‘zgartirishga ham ruxsat beradi. Funksiya barcha foydalanuvchilar uchun bosqichma-bosqich ishga tushirilmoqda.

Yangi funksiya ayniqsa dasturchilar, jamoaviy loyihalar va startaplar uchun qulaylik yaratadi. Endi bir guruh mutaxassislar:

➖ bir loyiha ustida real vaqt rejimida ChatGPT bilan birga ishlashi;
➖ kodni muhokama qilish, xatolarni aniqlash va tuzatishni birgalikda amalga oshirishi;
➖ loyiha hujjatlari, vazifalar va texnik topshiriqlarni umumiy chatda to‘plashi mumkin.

📱 https://t.me/ITmavzu

📱 iPhone va Mac’ni masofadan boshqaruvchi neyrobraslet namoyish etildi

Internetda Apple qurilmalarini masofadan turib boshqarishga imkon beruvchi Mudra nomli neyrobraslet videolari tarqaldi. Ushbu qurilma Apple Watch bilan ishlaydi va hozircha test bosqichida bo‘lsa-da, ijtimoiy tarmoqlarda katta qiziqish uyg‘otmoqda.

Braslet barmoq nerv impulslarini o‘qib, ularni buyruqlarga aylantiradi. Shuning hisobiga foydalanuvchi ekranga tegmasdan, imo-ishora orqali iPhone yoki Mac’ni boshqarishi mumkin bo‘ladi.

📱 https://t.me/ITmavzu

💻 Gemini 3 Pro’ning muvaffaqiyati Sam Altmanni xavotirga soldi

The Information nashriga ko‘ra, Google’ning Gemini 3 Pro modeli bozorni larzaga keltirgach, OpenAI rahbari Sam Altman ichki xodimlarga yuborgan xatida kompaniya endi raqibni quvib yetish holatiga tushganini tan olgan.

Altman xodimlarga yangi til modeli ustida ish boshlandi deb ma’lum qilgan. Modelning kod nomi — Shallotpeat.

🔎 “Shallotpeat” nomi nimani anglatadi?

➖ Shallot — piyozning bir turi
➖ Peat — torf (nam, og‘ir tuproq)

Metaforaga ko‘ra, shalot torfda yaxshi o‘smasligi sabab, nom modelning “qiyin muhitda” yaratilayotganini, ya’ni sun’iy intellektda fundamental muammolarni yengish uchun ishlab chiqilayotganini anglatishi mumkin.

Gemini 3 Pro’ning kuchli starti Google va OpenAI o‘rtasidagi raqobatni keskinlashtirdi. Endi bozor faqat modellarning kuchiga emas, kim tezroq innovatsiya qila olishiga qarab baholanmoqda.

📱 https://t.me/ITmavzu

📱 Xiaomi’ning rasmiy X (Twitter) akkaunti SMM mutaxassisi iPhone’dan post joylayotgani fosh bo‘ldi

Ijtimoiy tarmoq foydalanuvchilari qiziqarli holatni kashf qilishdi; Xiaomi kompaniyasining rasmiy akkauntida joylangan postlar iPhone orqali yozilgani ma’lum bo‘ldi. Shuningdek, ular AQSh hududidan boshqarilayotgani ham kuzatuvchilar tomonidan qayd etildi.

Brend nomidan kontent tayyorlayotgan SMM mutaxassisining raqib kompaniya smartfonidan foydalanishi ijtimoiy tarmoqlarda keng muhokamalarga sabab bo‘lmoqda.

📱 https://t.me/ITmavzu

🤖 Claude Opus 4.5 taqdim etildi — kod yozish bo‘yicha hozircha eng kuchli sun’iy intellekt

Yangi model dasturlash bo‘yicha dunyodagi eng murakkab testlardan biri — SWE-Bench sinovidan muvaffaqiyatli o‘tib, 80% natija ko‘rsatdi. Bu ko‘rsatkich bo'yicha sun'iy intellekt raqiblaridan ustun.

Taqqoslashda Claude Opus 4.5 Gemini 3 Pro va ChatGPT-5.1 Codex Maxdan yaxshiroq natija qayd etgan.

Mutaxassislar fikricha, bu model murakkab kodlarni tahlil qilish, xatolarni avtomatik tuzatish va dasturiy muammolarni mustaqil hal qilish bo‘yicha hozirgi kunda eng yaxshi yechimga aylangan.

📱 https://t.me/ITmavzu

🎨 Adobe Photoshop Web bir yilga bepul taqdim etilmoqda

Adobe kompaniyasi Photoshop Web versiyasini foydalanuvchilar uchun butun yil davomida bepul foydalanish imkoniyati bilan ochdi. Dastur hech qanday yuklab olishni talab qilmaydi — to‘liq brauzer orqali ishlaydi.

Veb-versiya funksiyalari deyarli desktop Photoshop imkoniyatlariga teng bo‘lib, professional tahrirlash, qatlamlar (layers), kadrlar bilan ishlash va sun’iy intellekt asosidagi vositalarni qo‘llashni qo‘llab-quvvatlaydi.

Bu yangi o'rganishni boshlagan grafik tahrirlovchilar, SMM mutaxassislari va rasm tahrirlash bilan shug‘ullanuvchilar uchun katta imkoniyat.

📱 https://t.me/ITmavzu

🖥 Bugun Linux yadrosining ilk versiyasi taqdim etilganiga 34 yil bo‘ldi

1991-yilning 26-noyabrida Linus Torvalds tomonidan Linux yadrosining birinchi rasmiy versiyasi e’lon qilingan. Aynan shu kun ochiq manbali operatsion tizimlar tarixida yangi davrni boshlab bergan sana hisoblanadi.

Linux paydo bo‘lgach, butun dunyoda open-source texnologiyalar tez sur’atda rivojlandi. Bugun Linux yadrosi:

➖ serverlarning asosiy qismi;
➖ superkompyuterlarning deyarli barchasi;
➖ Android mobil tizimi;
➖ bulut infratuzilmalari, IoT va ko‘plab qurilmalarning markazida ishlaydi.

Linux 34 yil oldin boshlangan kichik loyiha bo‘lsa-da, bugun global texnologiyaning poydevori sifatida qaraladi.

📱 https://t.me/ITmavzu