✍️ Dunyodagi birinchi tijoriy SMS 1992-yil 2-dekabr kuni yuborilgan

Bugungi kunda xabar yuborish bir necha millisekundlik oddiy amaliyotdek tuyuladi. Ammo bundan 33 yil avval, 1992-yil 2-dekabr kuni dunyo ilk bor tijoriy SMS-xabarni qabul qildi. Bu voqea mobil aloqa tarixida haqiqiy burilish bo‘ldi.

O‘sha kichik matnli xabar butun telekommunikatsiya sanoatini o‘zgartirib, keyinchalik millionlab odamlarning kundalik muloqot odatlariga aylangan SMS davrini boshlab berdi.

Shundan keyin:

➖ SMS marketing paydo bo‘ldi;
➖ operatorlar uchun yangi daromad yo‘nalishi shakllandi;
➖ mobil telefonlar matnli aloqaning asosiy vositasiga aylandi;
➖ messendjerlar, Telegram, WhatsApp kabi ilovalar uchun poydevor yaratildi.

📱 https://t.me/ITmavzu

🤖 Janubiy Koreyada yolg‘izlikni kamaytirish uchun “robot nabiralar” tarqatilmoqda

Janubiy Koreyada keksalarga maxsus “robot-nabiralar” berilmoqda. Mahalliy ijtimoiy xizmatlar fikriga ko‘ra, bu qurilmalar yolg‘izlikni sezilarli kamaytiradi va ularga hissiy ko‘mak beradi.

Robotlarning imkoniyatlari:

➖ 7 yoshli bola ovozida gapiradi, issiq va mehribon ohangda muloqot qiladi;
➖ dori ichish vaqtini eslatadi;
➖ egasi uyga qaytganda yoqimli so‘zlar aytib kutib oladi;
➖ suhbatlashadi va o‘zini tirik sherikdek tutadi.

Janubiy Koreyada aholining tez qarib borayotgani hisobga olinsa, bunday texnologiyalar nafaqat innovatsiya, balki ijtimoiy zarurat sifatida qaralmoqda.

📱 https://t.me/ITmavzu

🌐 1994-yil aynan shu kuni dunyo internetdan foydalanish uslubini butunlay o‘zgartirgan tarixiy voqea sodir bo‘ldi. Netscape Navigator nomli brauzer keng ommaga taqdim etildi va qisqa vaqt ichida internetni oddiy foydalanuvchilar orasida ommalashtirgan asosiy dasturga aylandi.

O‘sha davrda internet murakkab, faqat mutaxassislar tushunadigan tizim edi. Netscape esa: sahifalarni tez yuklashi, qulay menyulari, soddalashtirilgan interfeysi orqali internetni hamma uchun qulay va kirish oson qilgan ilk brauzer bo‘ldi.

Netscape Navigator sabab:

➖ internet uy foydalanuvchilari orasida portlab o‘sdi;
➖ veb-saytlar soni minglabdan millionlabgacha ko‘paydi;
➖ onlayn biznesning ilk to‘lqini paydo bo‘ldi;
➖ keyinchalik Google Chrome, Firefox va Safari kabi brauzerlar yaratilishiga asos bo‘ldi.

Shu kuni internet haqiqiy global fenomen bo‘lish sari katta qadam tashlagan edi.

📱 https://t.me/ITmavzu

🗓 Bugun Excel jahon chempionatining finali bo'lib o'tadi

Bugungi kunda Excel nafaqat ish jarayonining ajralmas vositasi, balki global miqyosdagi sportga aylangan intellektual musobaqa hamdir. Microsoft Excel Jahon chempionatining final bosqichi bugun kechasi o‘tkazilishi rejalashtirilgan.

Qiziqarli faktlar:

➖ Turnir 2021-yildan beri o‘tkaziladi va hatto ESPN’da jonli translyatsiya qilingan.
➖ Ishtirokchilar real vaqt rejimida murakkab formulalar, modellar va hisob-kitoblarni bir necha daqiqada yechish bo‘yicha bellashadi.
➖ Sovrin jamg‘armasi: 61 500 dollar.
➖ G‘olibga esa maxsus chempionlik kamari topshiriladi — xuddi professional sportchilar kabi.
➖ Ba’zi final vazifalarida 100+ qatorli formulalarni 30 daqiqadan kam vaqtda tuzish talab qilinadi.

📱 https://t.me/ITmavzu

🌐 2004-yil 4-dekabr — internet tarixidagi eng muhim sanalardan biri. Aynan shu kuni hali oddiy talaba bo‘lgan Mark Sukerberg yaratgan platforma Facebook keng ommaga ochildi va butun dunyoda ijtimoiy tarmoqlar davrini boshlab berdi.

Facebookning ishga tushirilishi:

— internetda muloqot qilish uslubini tubdan o‘zgartirdi,
— ijtimoiy tarmoqlar davrini boshladi,
— marketing va biznes kommunikatsiyasining yangi modelini yaratdi.

Bugungi kunda milliardlab odamlar uchun odatiy bo‘lgan “post yozish”, “do‘st qo‘shish”, “like bosish” kabi funksiyalar aynan shu tarixiy sana bilan bog‘liq.

📱 https://t.me/ITmavzu

📱 Apple 2025 App Store Awards g‘oliblarini e’lon qildi

Apple rasmiy ravishda 2025 App Store Awards g‘oliblarini taqdim etdi. Kompaniyaning ta’kidlashicha, g‘oliblar 45 finalchi orasidan tanlangan va tanlov mezoni sifatida nafaqat ommaboplik yoki daromad, balki sifat, dizayn va foydalanuvchi tajribasining ahamiyati asos qilib olingan.

🏆 Yilning eng yaxshi ilovalari

— iPhone ilovasi: Tiimo
— iPad ilovasi: Detail
— Mac ilovasi: Essayist
— Apple Vision Pro ilovasi: Explore POV
— Apple Watch ilovasi: Strava
— Apple TV ilovasi: HBO Max

🎮 Yilning eng yaxshi o‘yinlari

— iPhone o‘yini: Pokémon TCG Pocket
— iPad o‘yini: DREDGE
— Mac o‘yini: Cyberpunk 2077: Ultimate Edition
— Apple Vision Pro o‘yini: Porta Nubi
—Apple Arcade o‘yini: WHAT THE CLASH?

📱 https://t.me/ITmavzu

🎬 Netflix Warner Bros. va HBO Max’ni 82,7 milliard dollarga sotib olmoqda

Netflix Warner Bros. va HBO Maxni 82,7 milliard dollar evaziga xarid qilayotgani haqida e’lon qilindi. Bitim natijasida Warner Bros.’ning barcha film va serial katalogi, HBO va HBO Max’ning mashhur premium kontentlari, shuningdek Warner’ga tegishli bir qator studiyalar va brendlar to‘liq Netflix ekotizimiga o‘tadi.

Bu bitim ko‘p mutaxassislar tomonidan media-tech tarixidagi eng yirik “merge-operation” sifatida baholanmoqda. Endilikda striming bozoridagi raqobat nafaqat kontentda, balki texnologik ustunlikda ham davom etadi.

📱 https://t.me/ITmavzu

🏙 IT Park rezidentlarining xorijiy mutaxassislari uchun maxsus!

AloqaBank yordamida orzudagi uyingizni qulay shartlarda xarid qiling:
Kredit foizi: 24%
Kredit muddati: 15 yilgacha
Kredit miqdori: 1 mlrd. so‘mgacha
Batafsil!

👤 AloqaBank — har bir mutaxassis uchun O‘zbekistonda qulay yashash, ishlash va rivojlanish imkoniyatini yaratadi.

*****

🏙 Специальное предложение для иностранных специалистов резидентов IT Park!

С AloqaBank вы можете приобрести жильё своей мечты на выгодных условиях:
Процентная ставка: 24%
Срок кредита: до 15 лет
Сумма кредита: до 1 млрд сумов
подробнее!

👤 AloqaBank — создаёт комфортные условия для жизни, работы и развития каждого специалиста в Узбекистане.

Telegram | Facebook | Instagram | Sayt | YouTube

✍️ NotebookLM yangilandi: dars jarayonida AIdan foydalanish yanada qulay

Google talabalarga mo‘ljallangan NotebookLM xizmatini yangiladi va uni smartfonlar uchun yanada qulay qildi. Eng muhimi, endi sun’iy intellektdan bevosita auditoriyada, dars jarayonining o‘zida foydalanish imkoniyati paydo bo‘ldi.

Asosiy imkoniyatlar:

– Konspekt fotosini yuklash: daftar sahifalarini suratga oling, tizim esa matnni tartiblab, tushunarli ko‘rinishga keltiradi.
– Doskadagi yozuvlarni qayta ishlash: murakkab formulalar yoki muhim eslatmalar bir zumda raqamli formatga o‘tadi.
– Ma’ruza audioyozuvini yuklash: butun darsni eshitib chiqmasdan, asosiy g‘oyalarni qisqa sharhlar, infografika yoki strukturalangan matn ko‘rinishida olish mumkin.
– Telefonning o‘zida prezentatsiya generatsiya qilish: texnologiya mustaqil ravishda slaydlar tuzadi, talaba esa mazmunni osonlik bilan tahrirlaydi.

Ushbu yangilanish ta’lim jarayonini tezroq, aniqroq va samaraliroq qiladi.

Xizmatni bepul sinab ko‘ring: https://notebooklm.google.com/

📱 https://t.me/ITmavzu

Bugun texnologiya olamida eslab o‘tishga arziydigan kun

1815-yilning aynan shu kuni Ada Lavleys tug‘ilgan. U bugun ko‘pchilik tomonidan dunyodagi birinchi dasturchi sifatida tan olinadi.

Ada nima qilgan edi?

➖ U Charlz Babbaj yaratmoqchi bo‘lgan mexanik hisoblash mashinasi uchun dastlabki algoritmani yozgan. Ya’ni, kompyuter hali ixtiro qilinmasidan oldin ham, unga qanday qilib buyruq berish, qanday qilib hisoblash jarayonlarini boshqarish mumkinligini tushungan. Bu — zamonaviy dasturlash yo'nalishining boshlanish nuqtasi.

➖ Qiziq tomoni shundaki, Ada kompyuterlarning faqat raqam hisoblash bilan cheklanmasligini, balki musiqa yaratish, tasvir ishlash kabi ijodiy ishlarni ham bajarishi mumkinligini oldindan aytgan. Bugun esa sun’iy intellekt aynan shuni amalga oshiryapti.

📱 https://t.me/ITmavzu

📱 iPhone 16 dunyo bo‘yicha eng ko‘p sotilgan smartfon bo‘ldi

Counterpoint Research ma’lumotlariga ko‘ra, 2025-yilning III choragida eng katta savdo hajmiga erishgan qurilma aynan iPhone 16 bo‘lgan. Eng qiziqarli tomoni — yangi chiqqan iPhone 17 Pro Max ham sentabr oyining o‘zidayoq sotuvlarda kuchli sakrash qilib, yetakchi modellardan biriga aylangan.

Samsung ham ortda qolmadi. Top-10 ro‘yxatining yarmi Galaxy A seriyasiga tegishli. Ya’ni bozorda eng ko‘p sotilayotgan Samsung modellari flagmanlar emas, balki o‘rtacha narxdagi — budget segmentdagi qurilmalar.

Bu ko‘rsatkich shuni anglatadi: Apple premium segmentda yetakchilikni mustahkamlab bormoqda, Samsung esa keng ommaga mos, qulay narxdagi modellari bilan bozorni egallashda davom etmoqda.

📱 https://t.me/ITmavzu

Google 2026-yilda yangi avlod AI ko‘zoynaklarini taqdim etadi

Kompaniya hozir ikki xil aqlli ko‘zoynak ustida ishlamoqda: 1. Displeyga ega bo‘lgan model. 2. Faqat audio funksiyalariga ega yengil versiya.

Prototiplar orasida Xreal bilan hamkorlikdagi Project Aura ham bor. Ushbu model shaffof optika, alohida hisoblash moduliga ega va juda yengil bo‘lishi bilan ajralib turadi.

Ko‘zoynak Android XR tizimida ishlaydi, ya’ni AR/VR imkoniyatlari kengaytirilgan bo‘ladi. Hozircha narx ham, yakuniy dizayn ham oshkor qilinmagan.

Taqdimot 2026-yilda rejalashtirilgan — bu bozor Google Glass’dan keyingi eng muhim AI-aksessuar hodisasiga aylanishi kutilmoqda.

📱 https://t.me/ITmavzu

Adobe ilovalari endi ChatGPT ichida ishlaydi

Lekin hozircha barcha funksiyalarni faqat Apple qurilmalari egalari ishlata oladi. Android uchun yangilanish keyinroq chiqariladi.

Nimalar mavjud va qanday ishlaydi?

➖ Photoshop — suratlarni yuklash, tayyor variantlar va slayderlar orqali tahrirlash, so‘nggi natijani saqlash yoki ilovaga yuborish mumkin.
➖ Acrobat — PDF hujjatlarni tahrirlash, birlashtirish, matn yaratish va formatlash imkonini beradi.
➖ Adobe Express — plakat, banner, cover va boshqa grafik materiallarni shablon asosida yig‘ish qulaylashdi.

📱 https://t.me/ITmavzu

📱 OpenAI GPT-5.2 modelini rasmiy ravishda taqdim etdi

GPT-5.2 avvalgi modellarga qaraganda uzun matnlarni yaxshiroq eslab turadi, murakkab savollarni izchil tahlil qiladi va noto‘g‘ri javoblar (gallyutsinatsiyalar) soni ancha kamaygan.

Yangi modeldagi asosiy yangilanishlar:

1️⃣ Xavfsizlik kuchaytirildi. Zararli kod yaratish, ma’lumot sizdirish yoki noto‘g‘ri maqsadlarda foydalanish ehtimolini kamaytirishga qaratilgan qo‘shimcha himoya mexanizmlari joriy etildi.

2️⃣ Keraksiz cheklovlar olib tashlandi. GPT-4o va GPT-5.0 ba’zan oddiy va xavfsiz so‘rovlarga ham ortiqcha blokirovka qo‘yar edi. GPT-5.2 bu muammoni sezilarli darajada tuzatdi — model yanada aniq, moslashuvchan va foydalanuvchiga qulay ishlaydi.

📱 https://t.me/ITmavzu

“Анҳор” истироҳат боғида ўтказилаётган асаларичилик маҳсулотлари кўргазма-ярмаркасига бўлган юқори талаб ва Янги йил арафасидаги қизғин муҳитни ҳисобга олган ҳолда ярмарка 21 декабргача давом этади.

Бу имкониятдан фойдаланиб, табиий ва сифатли асал маҳсулотларини энг мақбул нархларда харид қилиш мумкин.

📱 https://t.me/ITmavzu

🕸 Google til bilmaslik muammosini naushnik orqali real vaqtda hal qilishga yaqinlashmoqda

Google Translate ilovasida real vaqt rejimida ovozli tarjima funksiyasi sinovdan o‘tkazilmoqda. Eng e’tiborga molik jihati — bu imkoniyat maxsus qurilmasiz, deyarli har qanday oddiy naushnik bilan ishlay oladi.

Yangi funksiya Gemini asosida ishlaydi. Agar siz chet tilida suhbat qilayotgan bo‘lsangiz, ma’ruza tinglayotgan bo‘lsangiz yoki film ko‘rayotgan bo‘lsangiz — naushnikni taqib, ilovada Live Translate’ni yoqsangiz, tarjima darhol qulog‘ingizga eshitiladi.

Google’ning ta’kidlashicha tarjima nutqning ohangi va tezligini saqlab qoladi. Tizim 70 dan ortiq tilni qo‘llab-quvvatlaydi (ular orasida o'zbek tili ham bor).

Hozircha funksiya AQSh, Hindiston va Meksikadagi ayrim Android foydalanuvchilari uchun ochilgan. 2026-yilda esa iOS versiyasi chiqishi va qo‘llab-quvvatlanadigan mamlakatlar soni kengaytirilishi rejalashtirilgan.

Oddiy qilib aytganda: yaqin kelajakda chet tilini bilmaslik endi real to‘siq bo‘lmay qolishi mumkin.

📱 https://t.me/ITmavzu

‼️ SSD narxi qimmatlashadi

Insayderlar ma’lumotiga ko‘ra, Samsung byudjet segmentidagi SATA SSD’lar ishlab chiqarishni to‘xtatishni rejalayapti. Kompaniya bu qarorni yanvar oyidayoq rasmiy e’lon qilishi mumkin.

Prognozlarga ko‘ra, 2026-yil o‘rtalariga kelib SATA SSD topish deyarli imkonsiz bo‘lib qoladi.

Bunga qo‘shimcha ravishda, SK Hynix vakillari xotira bozoridagi tanqislik 2028-yilgacha davom etishini aytmoqda. Sabab oddiy: ishlab chiqaruvchilar e’tiborini data-markazlar va serverlar tomon burmoqda, oddiy uy kompyuterlari esa ikkinchi darajaga tushib qolmoqda.

Oddiy qilib aytganda:

1️⃣ SSD’lar kamroq bo‘ladi;
2️⃣ narxlar bosim ostida qoladi;
3️⃣ uy kompyuterlarini yangilash yanada qimmatga tushadi.

Agar kompyuterni yangilashni rejalagan bo‘lsangiz — kechiktirmagan ma’qul.

📱 https://t.me/ITmavzu