1990-yilning 25-dekabr kuni Tim Berners-Lee tomonidan CERNda (Yevropa yadroviy tadqiqot markazi) World Wide Web (WWW) ishga tushirildi. Aynan shu sana internet tarixida World Wide Web (WWW)’ning rasmiy boshlanishi sifatida e’tirof etiladi.

Internet aloqa tarmog‘i bo‘lsa, WWW — internet ustida ishlaydigan veb-sahifalar tizimi. Ya’ni biz hozir har kuni kiradigan saytlar, havolalar (linklar), brauzer orqali o‘qiladigan sahifalar aynan WWW tamoyillariga tayanadi.

Dastlabki veb-sayt ilmiy ma’lumotlarni qulay almashish uchun mo‘ljallangan bo‘lsa-da, keyinchalik u global axborot maydonining poydevoriga aylandi. 1991-yildan boshlab WWW ommaga ochildi va tez orada butun dunyoga tarqaldi.

Bugungi kunda raqamli media, onlayn savdo, ijtimoiy tarmoqlar va global kommunikatsiya tizimlari aynan 1990-yilda qo‘yilgan shu asos natijasida shakllangan.

📱 https://t.me/ITmavzu

Qaysi mamlakat aholisi smartfonda eng ko‘p vaqt o‘tkazadi?

So‘nggi xalqaro tadqiqotlarga ko‘ra, dunyo bo‘yicha kunlik smartfon foydalanish vaqti mamlakatlar kesimida sezilarli farq qiladi. Quyida eng yuqori ko‘rsatkichga ega davlatlar ro‘yxati keltirilgan:

🇵🇭 Filippin — kuniga 5 soat 30 daqiqa
🇧🇷 Braziliya — 5 soat 20 daqiqa
🇮🇩 Indoneziya — 5 soat 15 daqiqa
🇹🇭 Tailand — 5 soat 10 daqiqa
🇮🇳 Hindiston — 4 soat 50 daqiqa
🇲🇽 Meksika — 4 soat 45 daqiqa
🇳🇬 Nigeriya — 4 soat 40 daqiqa
🇹🇷 Turkiya — 4 soat 35 daqiqa
🇷🇺 Rossiya — 4 soat 30 daqiqa
🇺🇸 AQSh — 4 soat 15 daqiqa

Ro‘yxatning yuqori qismida asosan rivojlanayotgan bozorlar joylashgan. Mutaxassislar buni ijtimoiy tarmoqlar, messenjerlar va mobil video kontentning asosiy axborot hamda ko‘ngilochar manbaga aylangani bilan izohlaydi. Rivojlangan davlatlarda esa raqamli muhit diversifikatsiyalangan bo‘lib, smartfon ulushi nisbatan pastroq.

📱 https://t.me/ITmavzu

📱🖼 OpenAI Pinterestni sotib olish imkoniyatini ko‘rib chiqmoqda

OpenAI 2026-yilda Pinterestni sotib olishi mumkin. Kompaniyaning qiziqishi bir nechta asosiy omillar bilan izohlanadi: Pinterest’ning keng va tuzilgan tasvirlar bazasi, rivojlangan reklama vositalari, shuningdek, sotuvchilar bilan yo‘lga qo‘yilgan hamkorlik dasturlari.

Agar bitim amalga oshsa, bu OpenAI’ning sun’iy intellekt modellarini vizual ma’lumotlar bilan boyitish, shuningdek, AI asosidagi reklama va elektron tijorat yechimlarini kuchaytirish strategiyasining bir qismi bo‘lishi mumkin.

📱 https://t.me/ITmavzu

BMW kompaniyasi dasturiy ta’minotdagi xatolik sabab 37 mingta X3 krossoverini qaytarib olishga qaror qildi.

Ma’lumotlarga ko‘ra, avtomobilning dasturiy ta’minotdagi nosozlik ayrim holatlarda rulning o‘z-o‘zidan aylanishiga olib kelishi mumkin. Bu esa harakat xavfsizligiga jiddiy tahdid soladi.

Kompaniya muammoni dasturiy yangilash orqali bartaraf etishni rejalashtirmoqda.

📱 https://t.me/ITmavzu

Texnik tartibga solish tizimi xalqaro talablar asosida yangilanmoqda

O‘zbekiston texnik tartibga solish sohasida tizimli ravishda yangi bosqichga chiqmoqda. So‘nggi yillarda infratuzilmani mustahkamlash va xalqaro talablarga mos laboratoriya bazasini yaratish ustuvor vazifaga aylandi. Bu yo‘nalishda 40 ta yangi laboratoriya ishga tushirildi, 500 dan ortiq korxona laboratoriyasi rasman ma’qullandi.

Akkreditatsiya xizmatlari xalqaro standartlar asosida kengaytirilib, sinov va sertifikatlash jarayonlarining shaffofligi ta’minlanmoqda. Milliy sertifikatlar endi xalqaro miqyosda tan olinayotgani esa eksport uchun yangi eshiklarni ochmoqda.

Yevropa bozoriga chiqishni yengillashtirish maqsadida Chexiyada notifikatsiyalangan organ tashkil etildi. Shu bilan birga, “Halol” milliy sertifikatlash tizimining joriy etilishi ichki va tashqi bozorlarda talab yuqori bo‘lgan mahsulotlar ishlab chiqarishga xizmat qilmoqda.


📱 https://t.me/ITmavzu

☠️ Rossiya internet uzilishlari bo‘yicha dunyoda yetakchi bo‘ldi

So‘nggi ma’lumotlarga ko‘ra, Rossiya dunyo bo‘yicha internet uzilishlari soni eng ko‘p bo‘lgan davlat sifatida 1-o‘rinni egalladi.

Hisoblarga ko‘ra, o‘tgan yili mamlakat iqtisodiyoti turli hududlardagi internet uzilishlari sababli 11,9 milliard dollar zarar ko‘rgan.

📱 https://t.me/ITmavzu

🗾 Tokio shahrining logo tarixi

Bu rasmda Tokio shahrining turli yillardagi barcha rasmiy logotiplari jamlangan. Har bir logo — o‘z davrining dizayn tili, shahar imiji va zamon ruhini aks ettiradi.

🔹 Ba’zilarida — klassik yapon minimalizmi;
🔹 Ba’zilarida — zamonaviylik va texnologiya ruhi;
🔹 Ba’zilarida esa — Tokio’ning global megapolis sifatida shakllanish jarayoni ko'rsatilgan.

Vaqt o‘tadi, dizayn o‘zgaradi, lekin Tokio ruhi saqlanib qolgan. Bu kolleksiya shahar brendingi qanday qilib yillar davomida evolyutsiya qilganini juda chiroyli ko‘rsatadi.

Qaysi logo sizga ko‘proq yoqdi?

📱 https://t.me/ITmavzu

🔽1 gigabayt xotira narxi yillar davomida qanday arzonlashdi?

Texnologiya qanchalik tez rivojlanayotganini quyidagi raqamlar juda yaxshi ko‘rsatadi. 1 GB saqlash joyining o‘rtacha narxi yillar davomida shunday o‘zgargan:

45 yil oldin — 438 000 dollar;
40 yil oldin — 238 000 dollar;
35 yil oldin — 48 720 dollar;
30 yil oldin — 5 152 dollar;
25 yil oldin — 455 dollar;
20 yil oldin — 5 dollar;
15 yil oldin — 0,55 dollar;
10 yil oldin — 0,05 dollar;
5 yil oldin — 0,03 dollar;
Bugun — 0,01 dollar.

📱 https://t.me/ITmavzu

Malayziyada yoshlar uchun “dam olish uyi” ishga tushirildi

Malayziyada ruhiy va professional charchoqqa uchragan yoshlar, jumladan IT va raqamli soha mutaxassislari uchun mo‘ljallangan maxsus dam olish maskani ishga tushirildi. Loyiha norasmiy ravishda “yoshlar uchun pensiya uyi” deb atalayapti.

Mazkur maskanda 430 dollar evaziga bir oy davomida villada yashash, kuniga uch mahal ovqat bilan ta’minlanish imkoniyati mavjud. Dastur ishtirokchilari uchun qat’iy jadval, majburiy mashg‘ulotlar yoki ish vazifalari belgilanmagan. Asosiy maqsad — psixologik tiklanish va stressdan xalos bo‘lish.

Bu yerda mehmonlar erkin rejimda yashaydi: kech uyg‘onish, tabiat qo‘ynida hordiq chiqarish, oddiy xo‘jalik ishlari bilan shug‘ullanish va sokin muhitda online ishlash va o'yin o'ynash mumkin.

📱 https://t.me/ITmavzu

📱 OpenAI Cerebras bilan 10 milliard dollarlik hisoblash quvvatlari bo‘yicha kelishuv tuzdi

OpenAI sun’iy intellekt uchun hisoblash quvvatlarini yetkazib berish bo‘yicha Cerebras kompaniyasi bilan 10 milliard dollarlik shartnoma imzoladi. Cerebras o‘z texnologiyalari Nvidia chiplariga nisbatan bir necha baravar yuqori unumdorlik berishini ta’kidlamoqda.

Qayd etilishicha, Sam Altman Cerebras’ning investorlaridan biri hisoblanadi. 2024-yilda esa OpenAI ushbu startapni to‘liq sotib olish imkoniyatini ham ko‘rib chiqqan.

Hozirda Cerebras nafaqat OpenAI, balki Meta va Mistral AI’ga ham hisoblash quvvatlari taqdim etmoqda. Shuningdek, kompaniya Atlanta, Vankuver va Monreal shaharlarida yangi data-markazlar qurishni boshlagan.

📱 https://t.me/ITmavzu

Экспортда барқарор ўсиш кузатилмоқда

Tехник тартибга солиш агентлиги томонидан қилинган ишлар натижасида маҳаллий маҳсулотларнинг сифатига эътибор кучайиши экспорт натижаларини оширди. 46 мингдан ортиқ корхона ўрганилиб, уларга халқаро талаблар ва GSP+ имкониятлари бўйича ёрдам берилди.

💸Натижада 1 614 та экспортёр томонидан 17 млрд долларлик маҳсулот экспорт қилинди. Экспорт ҳажми 2,6 млрд долларга ошиб, ўсиш 18% ни ташкил этди.

👏 Мисол учун, Basalt Engineering Corp 8,1 млн доллар, BETLIS TEKSTIL Европа бозорига 322 минг доллар, SIRDARYO MEGA LUKS эса қўшни давлатларга 6,6 млн долларлик маҳсулот экспорт қилди.

📱 https://t.me/ITmavzu

Ilon Maskning fikricha, sun’iy intellekt (AI) rivoji kelajakda odamlarning “qarilik uchun pul yig‘ish” ehtiyojini butunlay yo‘q qilishi mumkin. U texnologiyalar ishlab chiqarish va xizmatlar narxini keskin arzonlashtirib, asosiy ehtiyojlarni deyarli bepul darajaga olib keladi, deb hisoblaydi.

📱 https://t.me/ITmavzu

🖥 Xitoyda yolg‘iz yashovchilar uchun noodatiy dastur ommalashmoqda

Xitoyda nomi bilan ham, g‘oyasi bilan ham e’tiborni tortayotgan yangi mobil dastur qisqa vaqt ichida ommalashdi. Xitoy tilida 死了么 — Si Le Me? ya’ni “O‘ldingmi?” deb nomlanuvchi ushbu dastur, asosan, yolg‘iz yashovchi aholi qatlami xavfsizligini ta’minlashga qaratilgan.

Dasturning ishlash mexanizmi juda oddiy. Foydalanuvchi har ikki kunda bir marta maxsus yashil tugmani bosib, tirik ekanini tasdiqlashi lozim. Agar belgilangan vaqt ichida bu amalga oshirilmasa, dastur avtomatik ravishda favqulodda holatlar uchun ko‘rsatilgan shaxs bilan bog‘lanib, foydalanuvchiga nimadir bo‘lgan bo‘lishi mumkinligi haqida ogohlantiradi.

Dastur o‘tgan yilning may oyida ishga tushirilgan bo‘lsa-da, aynan so‘nggi haftalarda odamlar uni faol yuklab ola boshladi va natijada Silema mamlakatdagi eng ko‘p yuklab olinadigan pulli dasturlardan biriga aylandi.

📱 https://t.me/ITmavzu