📱Bir kishi uyining pol qismini yuzlab iPhone 17 smartfonlari yordamida insho qildi. U noodatiy usulda polni to‘liq qoplab, uni texnologiya va hashamat uyg‘unligiga aylantirgan.

Ushbu g‘ayrioddiy loyiha ijtimoiy tarmoqlarda qizg‘in muhokamalarga sabab bo‘lmoqda.

📱 https://t.me/ITmavzu

📱 YouTube sun’iy intellektda yasalgan past sifatli kontentlarga qarshi kurashni boshladi

YouTube platformasi ma’muriyati 2026-yilda sun’iy intellekt (SI) yordamida yaratilayotgan, mazmunan sayoz va sifatsiz kontent to‘lqiniga qarshi keng ko‘lamli kurash boshlashini ma’lum qildi. Kompaniya endilikda nafaqat spam va klikbeyt, balki tarmoqda tobora ko‘payib borayotgan takrorlanuvchi kontent tarqalishini cheklovchi texnologiyalarni joriy etmoqda.

Kapwing kompaniyasi tomonidan o‘tkazilgan so‘nggi tadqiqotlar YouTube’dagi vaziyat qanchalik jiddiy ekanini ko‘rsatmoqda. Ma’lum bo‘lishicha, platforma yangi foydalanuvchilarga tavsiya etayotgan videolarning 20 foizdan ortig‘i aynan sun’iy intellektda yaratilgan. Ushbu videolar faqatgina ko‘rishlar sonini sun’iy oshirish va daromad olish maqsadida yaratilgan.

Hisob-kitoblarga ko‘ra, bunday “sun’iy” kanallar jami 63 milliarddan ortiq ko‘rishlar soni va 221 million obunachini to‘plashga ulgurgan. Ularning yillik umumiy daromadi esa taxminan 117 million dollarni tashkil qilmoqda.

📱 https://t.me/ITmavzu

🎮 Bugun video o‘yinlar tarixidagi muhim kun

Bundan 68 yil avval — 1958-yil 26-yanvarda amerikalik olim William Higinbotham tomonidan tarixdagi ilk professional video o‘yin— “Tennis for Two” yaratilgan.

Bu o‘yin oddiy osiloskop ekranida ishlagan va ikki kishi tennisga o‘xshash o‘yinni o‘ynashi mumkin bo‘lgan. Aynan shu loyiha zamonaviy video o‘yinlar industriyasiga asos solgan ilk qadam sifatida tarixga kirgan.

📱 https://t.me/ITmavzu

📱 Microsoft xodimlarni kuzatish funksiyasini joriy qildi

Microsoft kompaniyasi Teams dasturiga xodimlarni kuzatish imkonini beruvchi yangi funksiyani qo‘shdi. Endi tizim ish vaqtida xodimning joylashuvini ko‘rsatishi mumkin, hatto u noutbukni ofisdan tashqariga olib chiqqan bo‘lsa ham.

📌 Bu funksiya standart holatda o‘chiq bo‘ladi, ammo administrator tomonidan yoqilishi mumkin.
📌 Kuzatuv faqat ish vaqti davomida ishlaydi va ish kuni tugashi bilan avtomatik to‘xtaydi.

📱 https://t.me/ITmavzu

📱 Apple’dan kompensatsiya: har bir foydalanuvchi pul olishi mumkin

Apple kompaniyasi iPhone foydalanuvchilariga jami 95 million dollar miqdorida kompensatsiya to‘lashni boshladi.

📌 Da’vo arizasi Siri ayrim holatlarda foydalanuvchi ruxsatisiz yoqilib, suhbatlarni yozib olgani haqidagi iddaolarga asoslangan.
📌 Kelishuv 2025-yil o‘rtalarida e’lon qilingan edi, hozir esa to‘lovlar amalda boshlandi.
📌 Mos keluvchi foydalanuvchilar har bir qurilma uchun o‘rtacha 8 dollar, maksimal 40 dollargacha kompensatsiya olishi mumkin.

Kompensatsiya olish shartlari:

🔹 2014-yil 17-sentyabrdan 2024-yil 31-dekabrgacha Siri qo‘llab-quvvatlaydigan Apple qurilmasidan foydalangan bo‘lish;
🔹 Keraksiz (o‘z-o‘zidan) Siri faollashuvi holatini boshdan kechirgan bo‘lish kerak.

📱 https://t.me/ITmavzu

149 million foydalanuvchi ma’lumotlari sizib chiqdi: kripto va yirik servislar xavf ostida

Katta ko‘lamdagi ma’lumotlar sizib chiqishi holati aniqlandi. Hajmi 96 GB bo‘lgan ma’lumotlar bazasida loginlar, parollar, brauzerlarning avto to‘ldirish ma’lumotlari hamda klaviatura bosishlar tarixi saqlangani qayd etildi.

Tahlillarga ko‘ra, jabrlanganlar orasida 420 mingga yaqin Binance akkaunti, shuningdek Gmail, Facebook, Instagram va boshqa yirik platformalar foydalanuvchilari ham bor.

Mutaxassislar ushbu holatga infostealer turidagi zararli dasturlar sabab bo‘lganini ma’lum qilmoqda. Bu viruslar foydalanuvchi qurilmasiga o‘rnatilib, ma’lumotlarni bevosita brauzerlardan o‘g‘irlash imkoniga ega.

📱 https://t.me/ITmavzu

📱 Instagram, Facebook va WhatsAppda ba'zi hizmatlar pullik bo'ladi

Meta kompaniyasi Instagram, Facebook va WhatsApp platformalariga pullik obuna (subscription) tizimini joriy etishni rejalashtirayotganini e’lon qildi.

Pullik obuna orqali ochilishi mumkin bo‘lgan ayrim funksiyalar:

— Cheksiz kuzatuv (watch);
— Sizni obunalikdan chiqarib yuborgan foydalanuvchilarni ko‘rish;
— Hikoyalarni ko‘rganingizni egasiga bildirmasdan tomosha qilish;
— Super Like (kuchaytirilgan layk);
— Hikoyangizni ko‘rganlar orasidan qidirish imkoniyati.

📱 https://t.me/ITmavzu

📱 Microsoft kompaniyasi Windows 11 operatsion tizimi 1 milliard foydalanuvchi chegarasidan oshganini ma’lum qildi.

Qayd etilishicha, bu natija Windows 10 bilan solishtirganda ancha tezroq qayd etilgan.

🗓 Windows 11 — 1 milliard foydalanuvchiga 4 yilda (1 576 kun) yetdi;
🗓 Windows 10 — ushbu ko‘rsatkichga 6 yilda (1 706 kun) erishgan.

📱 https://t.me/ITmavzu

Xitoy maktablarida sun’iy intellekt uy vazifalarini tekshirishda real sinov va amaliy qo‘llanilayotgan vositaga aylanib boryapti.

Gap shundaki, ayrim maktablarda maxsus tizim/uskuna o‘quvchi daftarini yoki varaqdagi ishni skanerlaydi, so‘ng topshiriqlarni avtomatik baholaydi, xatolarni belgilab, qisqa izohlar beradi va natijani izohlangan (annotatsiyali) ko‘rinishda chop etib qaytaradi. Bu, ayniqsa, testlar, to‘g‘ri-noto‘g‘ri, bo‘sh joyni to‘ldirish kabi “aniq javobli” topshiriqlarda tez ishlaydi.

📱 https://t.me/ITmavzu

2004-yilning 2-fefral kuni Garvard universitetida Mark Sukerberg tomonidan TheFacebook.com veb-sayti ishga tushirildi. Dastlab u faqat talabalar uchun mo‘ljallangan ijtimoiy tarmoq edi.

Qisqa vaqt ichida platforma Garvarddan tashqari boshqa universitetlarga ham yoyildi. Keyinchalik “The” qismi olib tashlanib, loyiha Facebook nomi bilan butun dunyoga tarqaldi.

Bugun Facebook milliardlab foydalanuvchilarga ega bo‘lgan global ijtimoiy tarmoqqa aylandi va zamonaviy raqamli kommunikatsiya madaniyatini shakllantirishda muhim rol o‘ynadi.

📱 https://t.me/ITmavzu

Samsung’ning yangi flagmani — Galaxy S26 Ultra’ga oid rasmiy poster internetga sizib chiqdi

Ma’lumotlarga ko‘ra, smartfon 7,9 mm qalinlikda bo‘ladi va Snapdragon 8 Elite Gen 5 protsessori, 256 GB xotira hamda 5000 mAh batareya bilan kelishi kutilmoqda.

Kamera qismida orqa tomonda 200 MP asosiy, 50 MP ultra keng va 10 MP telefoto kamera, old tomonda esa 12 MP selfi kamerasi bo‘ladi.

Qurilma qutidan Android 16 asosidagi One UI 8.5 interfeysi bilan chiqadi.

📱 https://t.me/ITmavzu

Sony rasmiy ma’lumotiga ko‘ra, bugunga qadar PlayStation 5 umumiy hisobda 92,2 million dona sotilgan.

Ayniqsa 2025-yil oktabr–dekabr oylarida, bayram mavsumi ta’siri bilan, 8 million dona PS5 sotilishi qayd etilgan. Shu natija bilan PS5 PlayStation tarixidagi eng ko‘p sotilgan uchinchi konsolga aylandi.

Eng ko‘p sotilgan PlayStation konsollari:

🥇 PlayStation 2 — 160 million;
🥈 PlayStation 4 — 117 million;
🥉 PlayStation 5 — 92,2 million.

📱 https://t.me/ITmavzu

Bundan 15 yil avval, 2011-yilning 9-fevral kuni GitHub platformasida foydalanuvchilar soni 1 million nafarga yetgan. O‘sha davr uchun bu dasturchilar hamjamiyatida muhim burilish nuqtasi bo‘lgan.

Bugungi kunda esa GitHub’dan 100 milliondan ortiq dasturchi foydalanmoqda. Platforma butun dunyo bo‘ylab dasturiy ta’minot yaratish, kodni versiyalash va jamoaviy hamkorlik uchun asosiy infratuzilmaga aylangan.

GitHub bugun:

— millionlab repozitoriylarni birlashtiradi;
— open source loyihalarning global markazi hisoblanadi;
— sun’iy intellekt, blokcheyn, mobil va veb-texnologiyalar rivojida muhim rol o‘ynaydi;
— dasturchilar uchun nafaqat kod saqlash joyi, balki kasbiy portfel va hamkorlik maydoni vazifasini bajaradi.

📱 https://t.me/ITmavzu

👨‍💻 Dasturchilar uchun katta bepul bilim bazasi

Dasturlash bo‘yicha yuzlab bepul kurslar va kitoblar jamlangan ochiq kutubxona mavjud. Unda deyarli barcha mavzular bo‘yicha materiallar bor.

Nimalarni topish mumkin:

— Python, PHP, JavaScript va boshqa dasturlash tillari;
— algoritmlar va ma’lumotlar tuzilmalari;
— ML / sun’iy intellekt, data science;
— ma’lumotlar bazalari, backend va frontend;
— amaliy masalalar to‘plami, kurslar va hatto podkastlar.

Asosiy qismi ingliz tilida (eng boy segment), ammo rus tilidagi katta bo‘lim ham mavjud. Barcha materiallar mutlaqo bepul. Baza GitHub’da joylashgan.

👉 Foydali resursni shu yerdan olishingiz mumkin:
https://github.com/EbookFoundation/free-programming-books

📱 https://t.me/ITmavzu

💬 Telegram tarixida eng qimmat username sotildi

Ma’lumotlarga ko‘ra, “danbao” nomi rekord darajada — 2 million dollarga sotilgan va bu messenjer tarixidagi eng qimmat foydalanuvchi nomiga aylangan.

Qiziq tomoni shundaki, 2020-yilda ushbu username narxi atigi 500 dollar bo‘lgan. Hozir esa u noma’lum xitoylik shaxsga tegishli ekani aytilmoqda. “Danbao” so‘zi odatda “kafolat” degan ma’noni anglatadi.

📱 https://t.me/ITmavzu

🚨 Apple foydalanuvchilari iOS 26.3 yangilanishini zudlik bilan o‘rnatishi tavsiya qilinmoqda

Apple ma’lumotiga ko‘ra, iOS 26.3 yangilanishi CVE-2026—20700 kodli jiddiy xavfsizlik zaifligini bartaraf etadi. Ushbu zaiflik boshqa xatoliklar bilan birga ishlatilganda, zararli shaxslarga qurilmada ixtiyoriy (tasodifiy) kod ishga tushirish imkonini berishi mumkin.

Xavf faqat iPhone’lar bilan cheklanmaydi. Quyidagi tizimlar ham ta’sir doirasida:

— iPadOS;
— macOS;
— tvOS;
— watchOS;
— visionOS.

Ya’ni, Apple ekotizimining katta qismi ushbu xavfsizlik zanjiriga kiradi.

📱 https://t.me/ITmavzu

📱 Instagramga “mini serial” (Short Dramas) funksiyasi qo‘shilishi kutilmoqda

📌 Ilova kodlarida aniqlangan ushbu yangi funksiya kontent yaratuvchilarga vertikal formatda mini seriallar ishlab chiqish va ulashish imkonini beradi. Qisqa, lekin bo‘limlarga ajratilgan hikoyalar to‘g‘ridan-to‘g‘ri Instagram ichida tomosha qilinadi.

📌 Mazkur kontentlar profil sahifasida alohida bo‘limda joylashadi va xohishga ko‘ra faqat obunachilar uchun yopiq tarzda taqdim etilishi mumkin.

📱 https://t.me/ITmavzu

Xitoy kosmosdan yerga lazer orqali rekord tezlikda ma’lumot uzatdi

Chinese Academy of Sciences tarkibidagi AIR (Aerospace Information Research Institute) sun’iy yo‘ldosh bilan yer stansiyasi o‘rtasida lazer orqali 120 Gbps tezlikda ma’lumot uzatishga muvaffaq bo‘ldi. Bu ko‘rsatkich ushbu yo‘nalishda yangi rekord sifatida qayd etildi.

Sinov AIRSAT-02 sun’iy yo‘ldoshi yordamida o‘tkazildi. Muhimi shundaki, tezlik oshirilishi uchun qo‘shimcha apparat o‘rnatilmadi — faqat dasturiy ta’minot yangilanishi orqali tizim tezligi 60 Gbps’dan 120 Gbps’ga chiqarildi.

Test davomida tizim 93 foiz ulanish barqarorligini ko‘rsatdi, 108 soniya davomida uzluksiz aloqa ta’minlandi va jami 12 656 terabit ma’lumot muvaffaqiyatli uzatildi.

Mutaxassislar bu natijani kosmosdan Yerga yuqori tezlikdagi optik (lazerli) aloqa texnologiyalarida muhim burilish nuqtasi sifatida baholamoqda. Ushbu yutuq kelajakda sun’iy yo‘ldosh interneti, ilmiy kuzatuvlar va global aloqa infratuzilmasi rivoji uchun katta imkoniyatlar yaratishi mumkin.

📱 https://t.me/ITmavzu