ياكثر ماكنت أزيح الناس ما أزيحك
‏طرقت بابك، وأنا الأبواب ما أطرقها

‏قدام وجه اللقى، صادفت تلويحك
‏حاولت الاقي بوجهك بسمة أسرقها

‏لعّبت الأحلام في كرسي مراجيحك
‏"وكفّنتها وأنت تضحك يامفارِقها"

‏أشعلت من جمرة الفرقا مصابيحك
‏و أقفيت والجمرة بيمناي تحرقها

إلى متى و العيون تذوق مرّ السهر ؟

كل أرضٍ ما بها ضحكتك منفى، إذا كان العمر من دونك أكب العمر و أتجهك.

‏"كل ماتصغر عينك من الضحكة
‏يكبر ورا صدري .. وِسع صدري"

انا مثل حزّة فجر مالي أحباب /
أصالح الظلما مع النّور .. واغيب"

عشان الفجر وأيام الحنين وضحكة المقفين
عشان السهد والذكرى الحنونه وخاطري الباقي

تعال إحساس لا تسأل متى أو كيف ليه ووين ؟
تعال أي شي يسرقني وينفض عني ما باقي

فتحتْ لك من أبواب الضلوع أقصى مسافه لين
وصلت لآخرك " لهفه " وشفتك بـ آخر أعماقي

أحبك لا ولا أعرف شعور أبلغ من إني وين
ألدّ بـ وجهي في كل إتجاه وإنت سراقي

أحبك يا أول إحساس نفض عن صدري التخمين
حسبتك فـ الضلوع وصرت تتمشى على أحداقي

أنت أول إنسان يعطيني شعور " الأمان "
‏و أنت أول إنسان صمته يستثير سمعي

‏ما بين ظرف الزمان و بين ظرف المكان
‏إن جيت خلّك معي، و إن رحت خلّك معي

‏أنت عمرٍ لا سألوني وش تمنى قلت أعيده
‏و أنت فرحة يوم جت لي ماتت أحزاني بعَدها

‏أنت لو لـ الناس دنيا صرت لي دنيا جديده
‏ما حييت إلا عليها و لا أندفنت إلا فـ لحَدها

‏أنت خيرٍ جابه الله .. خصّني به من عبيده
‏و أنت نعمة قلبي اللي كل ما ينبض حمَدها🤍

" يا زهرة الدهر "

تمنيتك وأنا اللي ما عرف معنى الأماني لين
‏تساهلت المحال اللي ورأك .. وزان تحقيقه .

‏أنا مشتاق أسولف لك واعيد الماضي اللي راح
‏مادام الحاضر اللي .. فيييه حنّا ما اهتنينا به

‏حبيبي كل هالدنيا تعب ما احدٍ بها مرتاح
‏سوى المشتاق مثلي راحته في شوفة أحبابه

‏يموت الليل في وجه الصباح ويضحك الذباح
‏وانا في صبح وجهك تضحك عيوني وتحيا به.