Arab tilini qiyvoraman deganlarga savol:

Quyidagi ikki jumlaning orasida qanday farq bor?

١. أتيتُ باكراً
٢. أتيتُ مبكّراً

#savol
#tilshunoslik

Bir-birlaringizga yaxshilik qilishni unutmanglar! (2:237)

#hayot

Insoniyat tinch oʻtirmaydi!

Parijdagi Luvr muzeyidan Napoleon va Lyudovik XIV davridan qolgan qimmatbaho taqinchoqlar bugun oʻgʻirlab ketildi.

Voqea joyidan olingan video.

#muzey

– Dadaaaa, maktabga kechqoldik😢

– Hali vaqt bor, darsingizga ulgiymiz.

– Yoʻq, baribir madhiyaga ulgimaymiz😢

– Tashvish tortmanglar, madhiyani yoʻlda aytib ketamiz:

Saudiya Arabistoni 2025 yilning oxiriga qadar Hiro g‘origa olib chiquvchi kanatli yo‘l (kanatka) loyihasini ishga tushiradi.

Ushbu tashabbus ziyoratchilar va sayyohlar uchun Hiro g‘origa yetib borishni yengillashtirish, shuningdek, mamlakatning diniy turizmni rivojlantirish va madaniy meros ob’yektlarini asrash bo‘yicha strategiyasini qo‘llab-quvvatlashni maqsad qiladi.

#yangilik

Menga anonimdan bir xat keldi. Unga siz azizlar javob bersangiz. Izohni ochib qo'yaman.

Anonim savol: (o'zgartirilmadi)
Assalomu alaykum ustoz yaxshimisz Salomatmisz.
Ustoz menga yordamiz kerak bitta savol meni qiynayabdi.agar ijozat bersangiz meni qiynayotgan savolni bersam menga yo’l yo’riq ko’rsatsangiz ustoz.
Arosatda qoldim nima qilishni bilmayabman,1yarim oydirki har kuni o’ylov,siqilish,go’yoki uzimni aybdor xis qilyabman.
Meni bir Do’stim bor.
10yildirki do’stmiz juda yaqin Do’st edik.Qiyomatli do’st kabiday edi.
Shuncha yildirki umuman bir birmizni xafa qilmaganmiz qattiq ham gapirmagan edik.
Yaqin kunlarda oramiz juda uzoqlashdi va do’stlikdan voz kechdi.
Yaqinda Toshkentga kelgandi shunda Bir Muannas bn kechqurunlari gaplashib ko’chalarda yurishini sezib qoldim.
Bu yo’ldan qaytardim zinoligini ertaga qiyomatda so’ralishini aytdim.
Xattoki o’sha gaplashayotgan muannasni raqamini o’ziga aytmasdan unga ham yaxshi ish qilmayotganini tushuntirdim.
Uylanish niyyating bormi desam jim turdi,unda sovchi yubor halol qilib keyin qil ishlaring deb ham aytdim.
Keyinchalik kechqurun uyga borganimda yana shu xol bo’lganini ko’rdim va unga sal qattiqroq qilib gapirib tashadim.
Shu kechasi ular bir biri bn urishgan ekan.
Va do’stim Alamini mendan oldimi endi bilmayman shu nasihat qilib 17:32 haqida aytaganimda va Alloh seni isloh qilsin deb uydan chiqib ketayotganimda izimdan yugurib kelib bo’ynimdan bug’gam xolatda musht qilib qo’lini ko’targan xolatda turdi.
Agar do’stim bo’lmaganingda ezib tashardim dedi.
Men esa kulib uzingni bos shaytonning xiylasiga uchma dedim.
U esa sen Xasad qilyabsanda meni ko’rolmayabsan alaming kelyabdimi nimaga meni hayotimga aralashasan deb qo’pol tarzda gapira boshladi.
To’g’risi uni unaqa xolatda umuman ko’rmagan edim.
Va unga kulib uzr ayb mendan o’tdi deb aytdim va boshqa gap hayolimga kelmadi.Allos seni isloh qilsin dedim.
U esa senday do’stdan kechdim dedi.
Mana 1yarim oydirki bitta kvartirada turamiz gaplashmaydi ham umuman salomlashmaydi.
Kuni kecha menga kvartiradan chiqib ket sen bn turish yoqmayabdi dedi.
Men ham keyin jahl ustida Muannas uchun do’stidan kechgan pastkashlar bn birga yashamayman dedim.
Lekin aytgan gapimga ich ichimdan afsuslandim.
Ustoz 1yarim oydan beri meni qiynayotgan savol men nima xato qildim balki ayb mendadir rostan ham nimaga birovni hayotiga aralashaman deb har kuni shu savol qiynaydi.
Yaqin do’stim edi 10yildirki .
Ustoz men nima qilishim kerak xozir xato mendan o’tganmi.
Uzr ham so’radim eshitmadi.yarashtirish uchun o’rtaga odam ham soldirdim.lekin bo’lmadi.
Nega qiyomatli dedim
Allohni eslatar edi.
Masjidlarga hasharlarga borar tashlik etar edi meni ham oborar edi.
Shu sababli qiyomatliday bo’lib qolgan edi.
Ustoz nima qilishni bilmayabman.

Bunga nima deb javob berasiz? Xato kimda?

Haqiqatda, Islom sivilizatsiyasi markazi tarixiy joy boʻlmoqda. Ochilganda bunga guvoh boʻlasiz.

#sivilizatsiya

Suqrot dedi: “Aflotun aytgan hamma gap noto‘g‘ri”.
Aflotun javob berdi: “Suqrot aytgan gap to‘g‘ri”.

#faylasuf

Kun.uz da to‘y uchun qarz olmaslik borasida ajoyib maqola e’lon qilinibdi. Biz “insonlar nima deydi” degan fikrni yeg‘ishtirishimiz kerak. Hayotni yashaydigan biz, ular emas. Bir kunlik hoyu havasga berilamiz deb, bor-budimizdan ayrilishimizga sabab bo‘lmasligi kerak. To‘yni mahalla-ko‘yga e’lon qiling, o‘z byudjetingizdan kelib chiqib osh bering. Lekin isrofgarchilikka va dabdabaga yo‘l qo‘ymang.

https://kun.uz/kr/67587548

Aytmoqchi, barchangizga 21 oktabr - O'zbek tili bayrami kuni muborak boʻlsin.

#bayram

Aqlli inson hamma narsadan va har bir kishidan o'rganadigan kishidir. Oddiy inson esa o'z tajribalaridan o'rganadi. Ahmoqqa kelsak, u hamma narsani boshqalardan yaxshiroq bilishini da'vo qiladigan kishidir.

Suqrot

#ilm

Nikoh – bu dushmaningiz yonida uxlashingiz mumkin bo'lgan yagona jang turidir.

#muhabbat

Nikoh haqidagi ushbu post hazil ma’nosida yozilgan. Hech kim bu yerda nikohni urush, turmush oʻrtogʻini dushman deb tushunmasin. Oila (nikoh) bu muqaddas tushuncha! Aslida, nikohni mana shunday notogʻri qabul qiladiganlarga “kaltak” oʻlaroq yozilgan.

#izoh

Ko‘pchilik hayotini o‘zi uchun emas, balki boshqalar uchun yashaydi. Ular butun umrini “qanday zo‘r yashayotganini” isbotlashga sarflaydi. Ammo bu sahnaning tomoshabinlari ularga hech qachon rahmat aytmaydilar.

Hayot qisqa! Uni faqat o‘zingiz uchun yashang.

#hayot

Sun’iy intellekt (AI)da yasalgan videolar jonga tegdi. Tabiatni oʻz holiga qoʻyinglar. Shundogʻam, soxta narsalardan charchaganmiz.

#ai

"Muftiy sovrini – 2025" mini-futbol musobaqasining gʻolibi Qoraqalpogʻiston jamoasi boʻldi!

Finalda Namangan vakilligi bilan 4:4 hisobida durang oʻynagan Qoraqalpogʻiston musulmonlari qoziyoti jamoasi penaltilar seriyasida 4:2 hisobida gʻalaba qozonib, mutlaq chempionlikka erishdi. 2-oʻrin Namanganga, 3-oʻrin Samarqandga nasib etdi. Gʻolib jamoa kubok va noutbuklar bilan taqdirlandi.

#futbol