Vaqt ajratib buni eshitishingizni tavsiya qilaman.
Moturidiy ta’limotida mutashobeh oyat va hadislar qanday tushuniladi, shu haqida suhbat boʻlgan.

#mutashobeh
#raddiya

Ajoyib duo ekan.

#duo

“Sheriging rasm olishni bilmasa” deb nomlangan rasm😕

Undan koʻra, qochib turing, desa boʻlardi😅

#istanbul

“Odamlar uyqudadirlar, o‘lsalar uyg‘onadilar”.

Nemis sharqshunosi Anna Mariya Shimmel vasiyatiga ko‘ra, Hazrati Ali (r.a.)ga nisbat berilgan ushbu hikmat uning Germaniyadagi qabr toshiga bitilgan.

#qabr

“Uqud al-juman” balog‘at ilmlariga oid 1006 baytdan iborat manzuma bo‘lib, unda Suyutiy Qazviniyning “Talxis al-Miftah” asarini nazmga solgan va buni bor-yo‘g‘i ikki kunda amalga oshirgan.

#ilm
#balogatilmi

Agar ikki ish orasida ikkilanib qolsang, nafsing xohishiga zid bo‘lganini tanla. Chunki to‘g‘ri yo‘l ko‘pincha nafsga xilof bo‘ladi.

Umar ibn Xattob

#nafs

Xunuk insonga xunukligini aslo aytmang!

#hayot

Hayotda murosa qilish eng qiyin boʻlgan narsa bu koʻngil. Inson ichidagi bir qaysar inson, deb atagan boʻlardim uni.

#kongil

Yusuf (a.s)ning boshiga tushgan ishlarga boylik emas, balki muhabbat sabab boʻlgan. Zero, Ya’qub (a.s) uni boshqa farzandlaridan koʻra koproq suyar edilar.

Qalb bergan narsalar qoʻlnikidan koʻra qimmatliroqdir.

#muhabbat

Musofir insonning eng katta xatosi bu – keragidan ortiqcha yuk olishi.

#tafakkur

Dadam gruppamizga video tashlagan ekanlar, men javob yozib qoʻydim😅

#oila

Kambagʻallikning ham darajalari boʻladi. Ehtimol, ularning ichida eng yomoni axloqda kambagʻallikdir.

#odob

Hazil va haqorat

Ko‘pchilik inson hazil bilan haqorat orasini ajrata olmaydi. Bizning aksar “hazil”larimiz haqorat ustiga qurilgan. Haqorat qiladi va ortidan "hazil" deb qutuladi. Bir narsa deb javob qaytarsa, “nima, hazil ko‘tara olmay qoldingmi?” deb yana do‘q-po‘pisa ham qilib qo‘yadi.

Shuning uchun insonni obro‘sizlantiradigan hazillar qilish aslo mumkin emas. Garchi bu “hazil” deb atalsa-da, aslida birovni kamsitish yoki mazah qilish hisoblanadi. Dinimizda ham bundan qattiq qaytarilgan.

Hazil qilish mumkin, lekin ushbu hazil insonning kayfiyatini ko‘taradigan bo‘lishi kerak, uning kayfiyatiga salbiy ta’sir qiladigan ishlar bo‘lmasligi lozim. Ayniqsa, xilqatdagi kamchiliklar bilan hazillashish oqil insonning ishi emas.

Ba’zi yoshlarni ko‘rganman, ular sinfdoshining otasi nomini aytib mazah qilishar edi. Bu jirkanch ishlar shunchalar johilonaki, inson ushbu ishidan afsuslanib tavba qilishi kerak.

#hazil
#mazah #tafakkur

Imom Moturidiy haqlarida qisqa suhbat qildik. Fikringiz juda muhim.
Izohga yoki anonimga bolsa ham oʻz fikringizni qoldiring.

Bir keksa otaxonning o‘g‘li falsafa fanlari bo‘yicha doktorlik darajasini olibdi. Kunlarning birida ota o‘zining doktor o‘g‘li bilan tushlik dasturxoni atrofida o‘tirgan edi.
Keksa ota va o‘g‘il shunday suhbat qurdilar:

– O‘g‘lim, sen nima bo‘yicha doktorsan o‘zi? Odamlarni davolaysanmi?

– Yo‘q, otajon, men falsafa fani bo‘yicha doktorman.

– Falsafa degani nima o‘zi?

– Mana, hozir oldimizda guruch suzilgan lagan turibdi, uning ustida esa bitta tovuq bor. Shundaymi, ota?

– Ha, bu to‘g‘ri.

– Men falsafa ilmi yordamida sizni shu guruch ustida bitta emas, balki ikkita tovuq borligiga ishontira olaman!

– Mashaalloh! Men hoziroq ishondim.

So‘ngra ota qo‘lini cho‘zib, lagandagi bor tovuqni oldi-da, o‘zining oldiga qo‘ydi. Va faylasuf o‘g‘liga qarab shunday dedi:

– Men mana bu tovuqni yeyman,
Sen esa o‘sha ikkinchi tovuqni yeyaver...

#falsafa
#ziyraklik

Hayotingdagi haqiqiy insonlar – gapirishdan oldin o‘ylab, “meni qanday tushunishar ekan?” deb hisob-kitob qilmay gaplasha oladiganlaringdir.

Ular bilan foyda va zarar haqida o‘ylamasdan suhbat qurishni istaysan. Kasallanganingda ular senga duo qilishlari uchun qo‘ng‘iroq qilasan, ularning oldida zaifligingni ko‘rsatishdan uyalmaysan.

Ular seni ranjitib qo‘yishsa ham, ulardan butunlay ranjimaysan. Balki xafa bo‘larsan, ammo ularni oqlaysan, qalbing esa ularga nisbatan salbiy tuyg‘udan xoli bo‘ladi. Qanchalik uzoqlashib ketsang ham, orangizda malomat, e’tiroz yoki hisob-kitob bo‘lmaydi.

Atrofingdagi boshqa odamlar ham yomon emas. Faqat ular bilan bunday maxsus bog‘liqlik paydo bo‘lmagan, xolos. Bu sening ham, ularning ham aybi emas, balki sharoit hali bunga imkon bermagandir.

#erkintarjima

Hayotdagi haqiqiy fojia o‘limda emas, balki biz tirik bo‘lganimiz holda ichimizda nimaningdir o‘lib borishidadir.

#hikmat