#Янгиликлар

✍️ "Имом Мотуридий инновацион музейи" концепцияси бўйича Илмий-ижодий гуруҳ йиғилиши

✔️ 2025 йил 19 декабрь куни Самарқанд шаҳрида барпо этилаётган Имом Мотуридий мажмуаси таркибидаги “Имом Мотуридий инновацион музейи”ни ташкил этиш бўйича юртимиз ва хорижнинг етакчи мотуридийшунос олим ва экспертларидан иборат илмий-ижодий гуруҳнинг йиғилиши бўлиб ўтди.

✔️ Йиғилишда Дин ишлари бўйича қўмита, Қурилиш вазирлиги, Фанлар академияси, Самарқанд вилояти ҳокимлиги, Ўзбекистон Миллий архиви, Маданий мерос агентлиги, Ўзбекистон мусулмонлари идораси, Ўзбекистон халқаро исломшунослик академияси масъул ходимлари ҳамда Ўзбекистон тарихи давлат музейи, Самарқанд археология институти, Ислом цивилизацияси маркази, Тошкент ислом институти, Ҳадис илми мактаби, Имом Мотуридий, Имом Бухорий, Имом Термизий, Баҳоуддин Нақшбанд илмий-тадқиқот марказлари раҳбарлари, олимлар, илмий ходимлар, шунингдек, Ислом тарихи, санъати ва маданиятини тадқиқ этиш маркази (IRCICA), Туркиянинг Outdoor Factory компанияси вакиллари иштирок этди.

✔️ Таъкидлаш керакки, Музей концепциясини тайёрлашда мамлакатимиз олимлари билан бир қаторда Миср, Туркия ва Иорданиядан ҳам таниқли олимлар иштирок этди. Йиғилишда Имом Мотуридий халқаро илмий-тадқиқот маркази томонидан ишлаб чиқилган “Имом Мотуридий инновацион музейи” концепция лойиҳаси тақдим этилди. Илмий-ижодий гуруҳ аъзолари томонидан концепция лойиҳаси бўйича таклиф ва мулоҳазалар билдирилди, концепция ишчи тартибда қабул қилинди.

✔️ Д.Махсудов, Шайх А.Мансур, Ж.Исмоилова, У.Ғофуров, Ш.Зиёдов, Т.Қўзиев ва М.Жониев сўзга чиқиб, Музей концециясининг ақида илми шаклланиши, Имом Мотуридийнинг ибратли ҳаёти ва бой илмий меросини ёритувчи кенг қамровли ва долзарб лойиҳа эканини таъкидладилар.

✔️ Шунингдек, Outdoor Factory компанияси вакиллари томонидан музейнинг дизайн лойиҳаси тақдим этилди. Йиғилиш иштирокчилари Имом Мотуридий маркази томонидан тақдим этилган концепция асосида Туркиянинг Outdoor Factory компанияси билан ҳамкорликда музей дизайнини ишлаб чиқиш таклифини бердилар.

✔️Йиғилишда Чокардиза мажмуасида олиб борилаётган кенг кўламли бунёдкорлик ишларида нафақат инновацион музей концепцияси, балки мажмуани илмий жиҳатдан бойитиш бўйича ҳам таклифлар билдирилди.

✔️ Йиғилиш якунига кўра, Илмий-ижодий гуруҳ аъзолари “Имом Мотуридий инновацион музейи” ғояси, мазмуни бўйича илмий асосланган концепциянинг якуний лойиҳасини ишлаб чиқиши, Outdoor Factory компанияси мутахассислари тасдиқланган концепция асосида музей дизайнини замонавий мультимедиа форматида амалга ошириши бўйича келишувга эришилди.

😃Имом Мотуридий халқаро илмий-тадқиқот маркази
Матбуот хизмати


✅Telegram | ✅Facebook |
📷Instagram |📹Youtube|
🌐Tik Tok| 🌍moturidiy.uz