Seni tushunish uchun yo dardingga sherik bo‘lishi, yoki senga oshiq bo‘lishi kerak. Qolganlari shunchaki eshitadi.

#hayot

Insoniy muomalotlar orasida koʻngil koʻtarishdan koʻra ulugʻroq amal boʻlmasa kerak.

Kimning eshak minib ketayotganini ko‘rsangiz, unga: “Yangi ot muborak bo‘lsin, Pahlavon” deb qoʻyavering. Shu bilan u xursand boʻlsa, sizga katta ajr beriladi.

Afsuski, ba’zi insonlar buning aksini qiladilar.

#kongil

Rashk – bu shubha degani emas, balki u qalb mulklarini himoya qilishdir.

#rashk
#muhabbat

Imom Moturidiyning ustozi Abu Nasr Iyodiy haqida shunday deyiladi:

“U vafot etgan vaqtda, o‘z ortidan qirq nafar shogird qoldirgan edi. Ularning har biri Abu Mansur Moturidiyga tengqur edi”.

Al-Javohir al-muziyya

#moturidiy

Boshlashni qiyin deydilar…
Ammo mendan so‘rasangiz, eng og‘iri bu – tugatish.

#hayot

Ma’lumot uchun:

Imom Moturidiy hazratlarining “Ta’vilot al-Qur’on” asarining o‘zbekcha tarjimasi hozirga qadar 12 mujallad (22 juz) holida nashr etildi. Ayni paytda yana 4 mujallad (8 juz) nashr jarayonida. Shunday qilib, ushbu nodir asar to‘liq holatda 16 mujalladdan iborat bo‘lib, o‘zbek tilidagi eng katta tafsir sifatida e’lon qilinadi, insha Alloh.

Agar kimdir yil yakunida qaysi kitobni sotib olsam ekan, deb o‘ylayotgan bo‘lsa, ikkilanmasdan aynan shu asarni tanlashni tavsiya qilamiz 😊

Kitobni xarid qilish uchun Hilol nashr kutubxonasiga murojaat qilish mumkin.

#tavsiya

Bugun (27.12.2025) soat 15.10 da Oʻzbekiston telekanalida “Hidoyat imomi” nomli koʻrsatuv efirga uzatiladi. Bir eshitib koʻringchi, agar vaqtingiz boʻlsa.

#tv

Bugun TVda uzatilgan koʻrsatuv ushbu “Hidoyat imomi” nomli koʻrsatuv edi.

Bu yerda Imom Moturidiy hazratlari haqida qisqa va qiziqarli ma’lumotlar taqdim qilingan.

Unda “Imom Moturidiy kim oʻzi?”, “Nega u kishiga ergashishimiz kerak?” degan savollarga javob beriladi.

Qayta efirga uzatiladimi, degan savollar boʻlgani uchun ushbu videoni joyladim.

Koʻrsangiz afsuslanmaysiz, insha Alloh.

#moturidiy