Eng xatarli fitna – ibodat bilan mag‘rurlanishdir. Ya’ni inson o‘zini “najot topgan”, boshqalarni esa “halok bo‘lgan” deb ko‘ra boshlashidir. Mana shu paytda u Iblis tushgan ayni qopqonga o‘z qadamini qo‘ygan bo‘ladi.

#fitna

Hozirgi zamonda insonning qadr-qimmati uning ijtimoiy tarmoqlardagi obunachilari miqdori bilan oʻlchanmoqda. Kim koʻp layk yigʻsa, oʻsha kishi omadli hisoblanadi.

“Trend” shunday narsaga aylandiki, odamlar unga erishaman deb o‘z qadriyatlari, prinsiplari va shaxsiy sirlarini qurbon qilmoqdalar.

Kimki odamlarning maqtovi va “layk”lari ortidan quvsa, o‘z erkinligini tekinga sotgan bo‘ladi. Chunki u odamlarning didiga moslashaman deb, o‘zligidan voz kechadi.

Bu dunyo sizni birovning soyasiga aylantirishga urinsa ham, siz o‘zingiz bo‘lib qoling. Chunki tarix birovga taqlid qilganlarni emas, balki o‘z yo‘liga va o‘z so‘ziga ega insonlarni eslab qoladi.

#tafakkur

Yiqilmay desang, Yaratgandan boshqa hech kimga suyanma.

#hayot

Yuzta kitobni tez o‘qib chiqqandan ko‘ra, bitta kitobni shoshilmasdan o‘qigan afzal.

Sifat sondan muhim hisoblanadi. Chunki tafakkur va mulohaza bilan o‘qish fikrni o‘zgartiradi, yuzaki o‘qish esa deyarli foyda bermaydi.

#mutolaa

"O‘zbekiston tarixi" telekanalining "Tamaddun darg‘alari" ko‘rsatuvida buyuk vatandoshimiz Alouddin Buxoriy haqida suhbatlashdik.

Bu zot moturidiylik ta’limotining eng yirik namoyandalaridan biri hisoblanadi. U kishi mashhur muhaddis Ibn Hajar Asqaloniy bilan zamondosh bo‘lib, ilmiy majlislarda hamsuhbat bo‘lgan. Shuningdek, mashhur "Tafsiri Jalolayn" muallifi Jaloliddin Mahalliyning ustozidir.

Ko‘rsatuvda ajoyib ma’lumotlar taqdim etilgan. Ko‘rishni tavsiya qilaman!

#moturidiylik

Foydali kanal tavsiyasi:

Imom Moturidiy markazi ilmiy xodimi Doston Mustafoyevning “Hammasi kitob haqida” sahifasi. Kanalda nashrlarga oid yangiliklar, kitoblar tavsifi, kitoblardan iqtiboslar, o'qishga rag'batlantiruvchi so'zlar, o'zbek tili imlosi va turli mavzularga oid ajoyib mulohazalar berib boriladi.

👉 https://t.me/kitoblarhaqida

Dadam: Men qariganimda sizlar choʻmiltirasizlar, bolalarim!😢

#otam

TEZ KUNDA…

Ramazon oyiga Imom Moturidiy markazi tomonidan ilmiy-ma’rifiy, qiziqarli va foydali loyihalar taqdim etiladi.

O‘tkazib yubormang! 😊

Rizqning kengligi mol-mulkning ko‘pligida emas, balki ehtiyojlarimizning ozligidadir. Kimki o‘zidagi bor narsaga rozi bo‘lsa, ruhi halovat topib, qalbi orom oladi. Kimning ko‘zi o‘zgalar qo‘lidagi narsada bo‘lsa, garchi yer yuzining barcha xazinalariga ega bo‘lsa ham, baribir faqir bo‘lib qolaveradi. Boriga rozi bo‘lish – yashirin boylik hisoblanadi.

#rizq

Forsiydan bir shingil

Ey sorbon, g‘amgin mabosh, xush roʻzgore merasad,
Yo umri g‘am sar merasad, yo g‘amgusore merasad.
Ey sorbon, ohista ron, qadre tahammul beshtar,
In kishtii toʻfonzada oxir kanore merasad.

Ey karvonboshi, g‘am chekma, yaxshi kunlar kelajak,
Yo g‘amli umr tugar, yoki g‘amxo‘r bir kelajak.
Ey karvonboshi, ohista yur, biroz sabr qil hali,
Bu to‘fonlarda qolgan kema oxir sohil topajak.

Mavlono Rumiy

Ilhomjon Tohir sahifasidan olindi

#forsiy

“Fors tili she’riyat uchun yaralgan”, deyishadi. Balki, shuning uchun ham fors tilini yaxshi ko‘rsam kerak😊

Atrofiga talaba, muxlis, murid koʻpaytiradigan inson “olim” deyilmaydi. Balki haqiqiy olim – ulamolar yetishtiradi.

Doktor Hasan Usmon

#ustoz