Hakkerlar telefon qilishni boshladi. Menga shu raqamdan qilib, Ipoteka bankidanmiz deyapti. Xushyor boʻlaveramiz.

#hakkerlar

Abdulloh ibn Mas’ud raziyallohu anhu shunday der edilar:

“Ilm – hadisni ko‘p bilish bilan emas, balki Allohdan qo‘rqish bilandir”.

#ilm #taqvo

Bir boy kishi donishmanddan so‘rabdi:
– Nega olimlar boylarning eshigiga borishadi-yu, boylar olimlarnikiga kam kelishadi?

Donishmand kulimsirab javob beribdi: – Chunki olimlar boylikning qadrini va nimaga kerakligini bilishadi, lekin boylar ilmning qadrini doim ham bilavermaydilar.

#boylik
#ilm

Akalari unga: "Yusufni o‘ldiringlar!" deb turgan bir paytda, begona kishi: "Uni hurmat qil!" dedi.
Albatta, muhabbat rizqdir. Siz rizqingiz qaysi qalbda ekanini bilmaysiz!

#muhabbat

Rizqing keng boʻlsin deb bekorga duo qilishmas ekanda)

Imom Moturidiy xalqaro ilmiy-tadqiqot markazi kitoblari endi Mutolaa platformasiga joylashtirildi.

👉 Sayt: mutolaa.com/uz

Yusuf alayhissalom otasiga o‘z tushini so‘zlab berganida, Ya’qub alayhissalom unga sirlarni hammaga ham oshkor etib bo‘lmasligini uqtirdi. Bu saboqning ma’nosi shuki, agar ishonchli sirdosh topmasang, sirni qalbingda yashir.

#sir

Qaniydi, haftaning har kuni yakshanbadek bo‘lsa. Tongda uyquga bo‘lgan xohish aynan shu kuni topilmaydi. Go‘yo haftani uxlab o‘tkazgandek, yakshanba kuni tongda uyquga to‘yib uyg‘onasiz. Teskari hayot deb shunga aytishadi😊

#uyqu

Bir oʻrtogʻimiz aytadi:

– Enshteynni eshitgandim, lekin Epshteynni bilmas ekanman😂

Bir rivoyatda aytilishicha, bir hakim zot ayblanuvchidan uni nega qamoqqa tashlashganini so‘rabdi.

Ayblanuvchi:
– Men nayza uzunligicha bir arqonni o‘g‘irlagandim, deb javob beribdi.

Hakim zot hayron bo‘lib:
– Shu sababli qamaldingmi? – deb so‘rabdi.

U esa:
– Ha… arqonning oxirida bir sigir ham bor edi, debdi.

#latifa

Bugun buyuk mutafakkir Alisher Navoiy hazratlari tavallud topgan kun munosabati bilan sizlarga u zotning "Majolisun-nafois" asari qo‘lyozmasini taqdim etaman.

Ushbu noyob nusxa Istanbuldagi "Sulaymoniya" kutubxonasining "Fotih" kolleksiyasida 4065-raqam ostida saqlanadi.

Asar eski o'zbek yozuvida yozilgan. Kimdir uni o'qib, matnini izohga yozib qo'ysa ham bo'ladi😊

#Navoiy
#qolyozma

Ilon Mask “Oyda o‘z-o‘zidan o‘suvchi shahar” loyihasini taqdim qilibdi. Undan ko‘ra, shuni Yerda qursa bo‘lmasmikan? Yerda ham qancha o‘zlashtirilmagan sahrolar bor, shunga yarasha ba’zi davlatlarda boshpanasiz odamlar ham ko‘p. Bu ham bir fikr-da 🙄

Kechasi mana shunaqa xayollar uyqu bermayapti, qursin 😊

Tez kunda!!!

Yaqin kunlarda Imom Moturidiy markazining @moturidiypodcast loyihasi ish boshlaydi.

Ushbu podkastda qiziq va dolzarb mavzular olib chiqish reja qilingan.

Ko‘ksimdan itarding – ko‘nglingga tushdim,
Quvding hayotingdan – xayoling quchdim,
Yig‘lading – ko‘zingdan sirqirab oqib
Dudog‘ing chetida titrab uvushdim.

Tunlarimni zulmat aylamoqchiyding,
Ming yulduz ko‘zida ko‘zlarim ko‘rding.
Oylarni yillarga boylamoqchiyding,
Oydan ahvolimni pichirlab so‘rding.

Ket deding, xo‘p dedim, endi ko‘n deding,
Ko‘nmayin yo‘q deding, o‘zing yo‘q deding.
Ko‘nmagan, ko‘ndirgan o‘jar sen eding,
Qiynama, Xudodan, yigit, qo‘rq deding.

Kechangga tashlading – ertang bo‘loldim,
Umiding qasriga kulib yo‘l oldim.
Ishim yo‘q deganding sen bilan aslo,
Ishqingning ishiga aylanib qoldim.

Qachongacha haydab, yo‘lim poylaysan?
Qachon qurib bitgay kibor ilinjing?
Nahot yo‘llaringni g‘amga boylaysan,
Nahot kerakmasdir o‘zingga tinching?

Yo‘lingdan chiqarding – yo‘lingga tushdim.
O‘ngingdan oluvding – so‘lingga tushdim.
Ketma deb ket deding, ne qilay, netay,
Ko‘ksimdan itarding – ko‘nglingga tushdim,

Ўткирбек Муҳаммад Cобир

Shoir Oʻtkir – odam emas!

Sun’iy intellekt qanchalik rivojlanmasin, baribir inson omiliga ehtiyoj saqlanib qoladi. Masalan, hozir AI orqali sayt ham, logo ham yaratish mumkin. Lekin bu imkoniyatdan hamma ham to‘liq foydalana olmaydi.

O‘zim ham yaqinda logo kerak bo‘lganda sun’iy intellektdan foydalanib ko‘rdim, lekin natijasi ko‘nglimdagidek chiqmagani uchun baribir shu soha mutaxassisiga murojaat qildim.

Xullas, har qanday texnologiya rivojlangan sari ham, uning ortida inson tajribasi va didi muhim bo‘lib qolaveradi.

#ai

Men deyarli diniy savollarga javob bermayman. Odatda Fatvouz ga havola qilaman.

Kecha menga bot orqali bir inson shunday savol yoʻllabdi.

Xuddi sun’iy intellektga savol bergandek yozibdi😊

Bot orqasida ham inson turibdi, barakatopgur)

#bot