Ushbu voqea aks etgan video.

Arab tilini tushunadiganlar uchun.

#buxoriy

Biz borgan sari ta'limni sun'iy intellektsiz o'rgangan kam sonli ajdodga aylanmoqdamiz))

#SI

Qanday qilib rahbarning ko'nglini topish mumkin?

"Rahbarlar odatda uch turga bo‘linadi va har birining o‘ziga xos “kaliti” bor:

1. Natijaga yo‘naltirilgan rahbar
Bunday rahbarni ortiqcha tafsilotlar yoki bahonalar bilan charchatmang, u uchun eng muhimi natija. Unga aniq raqamlar va tayyor yechimlar bilan murojaat qilsangiz, ishonchini tez qozonasiz.

2. Tafsilotchi rahbar
Bu tur xatodan ehtiyot bo‘ladi. Uni xotirjam qilish uchun ish jarayonini muntazam ravishda hisobotlar orqali yoritib boring. Eng muhimi u so‘ramasidan oldin ma’lumot berib turishdir.

3. Hissiyotli rahbar
Bunday rahbar uchun qadrlash va sadoqat muhim. U bilan iliq, insoniy munosabatda bo‘ling, jamoa ruhini qo‘llab-quvvatlayotganingizni ko‘rsating. Shunda u sizning kasbiy o‘sishingizda kuchli tayanchga aylanadi".

Dr. Abdulkarim Bakkor

#rahbar

Ha, Javohir shunday ehtiromga arziydi!!!

Omad!

#shaxmat

Javohir Sindarovni ingliz tilida ravon gapirishini koʻrdingizmi?! Demak, bola oʻz ustida yaxshigina ishlagan, oʻqigan. Harakat qilsa, Alloh beradi.

Har qanday sohada mana shunday yuksak marralarga erishish mumkin. Shunchaki, harakat kifoya. Uxlash, ijtimoiy tarmoqda oʻtirish bilan hech narsaga erishib boʻlmaydi.

#ibrat

Muhammad ibn Is’hoq kabi tarixchilar aytishicha, insoniyat tarixida eng uzoq umr ko‘rgan kishi Avj ibn Sayhon bo‘lgan.

U Odam alayhissalom zamonida tug‘ilgan va uch ming olti yuz yil umr ko‘rgan. Uni Muso ibn Imron o‘ldirgan.

Agar bu xabar sahih bo‘lsa, uning qalbi yaqinlarini yo‘qotish, farzandlarining vafoti kabi nechog‘li ayriliqlarni ko‘targan ekan?!

Qolaversa, umr shunchalik uzun bo‘lib, butun xalqlarning halok bo‘lishini ko‘rish naqadar og‘ir hol!

#umr

Parallel chiziqlarning o'xshash tomonlari juda ko'p. Afsuski, ular hech qachon uchrasha olishmaydi.

#hayot

— Doktor, menda xotira yo'qolishi kuzatilyapti.
— Bu qanchalik tez-tez sodir bo'lyapti?
— Nima tez-tez sodir bo'lyapti?
— Xotira yo'qolishi.
— Qanaqa xotira yo'qolishi?

#latifa

"Bankamat ilmi" (علم البنكامات) - o‘rta asrlar va sharq musulmonlar ilm-fanida soatlar va vaqt o‘lchash mexanik uskunalarini yasash ilmi hisoblanadi. Bu zamonaviy tilda xorologiya (horology) hisoblanadi.

"Bankamat" so'zi bugun paydo bo'lmagan ekan😄

#malumot

Bir odam xotinini aylantirgani olib chiqib, qabristonga olib boribdi. Shunda xotin eridan: «Bu yerning nimasi aylanadigan joy?», deb so'rasa, eri: «Odamlar bu yerga kelish uchun jonini beradi-yu, sening noz qilganingni qara», dermish.

"Fiqhiy latoiflar" kitobidan

#latifa

Oxiri "kulgu smayligi (😁)"ni o'chirib qo'yaman shekilli. Ma'lumotga qaramasdan smaylik bosadiganlar ham bor ekan.

"Asli arabcha bo‘lgan o‘n ming inglizcha so‘z" nomli asar filolog olim Sulaymon Abu G‘ushning ingliz tilidagi so‘zlarning arabcha ildizlariga bag‘ishlangan tadqiqotlarini o‘z ichiga olgan.

Muallif o‘n mingga yaqin inglizcha so‘z aslida arab tilidan kelib chiqqanligini ilmiy asoslashga harakat qiladi. Kitobda tillarning tarixiy rivojlanishi, tovushlarning o‘zgarishi va leksik o‘xshashliklar tizimli ravishda tahlil etilgan.

Shuningdek, matnda arab lahjalarining shakllanishi va ularning jahon tillariga ta’siri haqida batafsil ma’lumotlar berilgan. Mazkur ish tilshunoslik sohasidagi muhim qiyosiy izlanish bo‘lib, ikki madaniyat o‘rtasidagi uzviy bog‘liqlikni ko‘rsatib beradi.

#tilshunoslik

Bir kursdoshimiz aytgandi:

"Ingliz tili juda ajoyib til ekan, "one" deb yozasan, "van" deb o‘qiysan. Yozilgan harflarning bittasi o‘qiladi xolos, u ham so‘zning oxiriga joylashadi". 😄

#english

Maqsadga erishish uchun eng katta to'siq bu – tartibsizlik. Inson o'z harakatlarini tartibga solmas ekan, orzusiga osonlikcha erisha olmaydi.

Masalan, kimdir qaysidir tilni o'rganmochi. Qachonki, u kunning qaysidir qismini o'sha tilni o'rganish uchun ajratmasa, uning bu niyati orzuligicha qoladi. Agar u bunga vaqt ajrata olmasa, ushbu niyatni xayolidan chiqargani yaxshiroq. Chunki bu maqsad shunchaki uning aqlini mashg'ul qiladigan bekorchi narsa hisoblanadi.

Yoki yana kimdir uy/mashina sotib olmoqchi. U bu maqsad uchun moliyaviy xatti-harakatlarini nazoratga olishi va ma'lum miqdorda mablag' yig'ishga harakat qilishi lozim. Unday qilmasa, bu ham niyatligicha qolib ketadi.

Xullas, "olma pish, og'zimga tush" qabilida ish ko'rish oqillarning ishi emas.

#fikr

Moturidiylik faqatgina tadqiqot markazlaridagina oʻrganiladigan ilm emas, balki u har bir musulmon bilishi kerak boʻlgan aqidaviy masalalar majmuidir.

#moturidiylik

Imom Moturidiy hazratlarining mana shunday muxlislari ham bor😊

#moturidiy