Bugun 71 yosh dadam meni doktorga olib bordilar, alhamdulillah😊

Bayram munosabati bilan sizni qiziqtirgan savolga javob berishga harakat qilaman😊

Bot orqali

Anonim tarzda

Nogironlik jasadda emas, aqlda boʻladi.

MUHIM YANGILIK

Fargʻona viloyati Marg‘ilon shahridagi “Burhoniddin Marg‘inoniy” ilmiy-ma’rifiy va turizm majmuasi doirasida navbatdagi muhim bosqich boshlandi.

Majmua tarkibida Burhoniddin Marg‘inoniy nomidagi ilmiy-tadqiqot markazi hamda Burhoniddin Marg‘inoniy nomidagi Oliy ta’lim muassasasi qurilishiga start berildi.

#yangilik

Dam olish kunlarining ajoyib bir xususiyati bor:
Hali boshlanmay turib, yakuniga yetadi.
😊😊

Saudiya Arabistoni Statistika bosh boshqarmasi e’lon qilgan hisobotga ko‘ra, 2026 yil (hijriy 1447) haj ibodatini ado etgan hojilar soni jami 1 707 301 nafarga yetdi.

#haj

“O‘qishim uchun sharoit yo‘q”, deb bahona qilmaslik kerak. Aslida ilm riyozat va mashaqqat bilan qo‘lga kiritiladi. Ba’zan sharoitning haddan ziyod qulayligi ham insonni sustkashlik, dangasalik va beparvolikka olib boradi.

Shuning uchun biror ilmni o‘rganish uchun moddiy yoki ma’naviy imkoniyatlaringiz mukammal emasligidan nolimang. Balki ayni shu davr sizning eng unumli o‘qish davringiz bo‘lishi mumkin. Chunki bu paytda sizni chalg‘itadigan omillar kamroq bo‘ladi.

Ko‘pincha inson barcha sharoitlari muhayyo bo‘lishini kutadi. Ammo hamma imkoniyatlar topilganda ham o‘qishga vaqt yoki ishtiyoq topa olmay qolishi mumkin.

Shu bois ulug‘larimiz: “Dam g‘animat!” deb bejiz aytishmagan. Imkon borida ilmga yopishing, chunki eng qulay fursat ko‘pincha hozirning o‘zidir.

#ilm

Oʻzbekiston terma jamoasining Jahon chempionatida qayergacha borishini taxmin qilmoqchi edim. Ammo PSG-Arsenal oʻyinidagi taxminim teskari chiqqanidan keyin, bu safar sukut saqlaganim ma’qul deb oʻyladim 😊😁

#futbol2026

Hech qachon hissiyotga berilib qaror qabul qilmang. Na sevishda, na nafratlanishda, na turmush qurishda, na ajrashishda, na do‘st tutishda, na dushman orttirishda. Chunki hissiyot o‘tkinchi, qarorning oqibati esa uzoq davom etadi.

#hissiyot

Hayotdagi baxtsizliklarning eng katta sabablaridan biri – insonning o‘ziga keragidan ortiq baho berib yuborishidir. Kishi o‘zini ma’lum bir maqomda ko‘radi, ammo atrofdagilar uni shu darajada e’tirof etmasa, ranjiydi va o‘zini baxtsiz his qila boshlaydi.

Hadisda aytilganidek, kim tavozeli bo‘lsa, Alloh uning darajasini yuksaltiradi. Aksincha, kim o‘zini boshqalardan ustun ko‘rsa, Alloh uni pastlatadi. Shuning uchun haqiqiy ulug‘lik o‘zini baland tutishda emas, balki tavozeda namoyon bo‘ladi.

#kamtarlik

Yaratganga har qanday ish oson.

Inson o‘z atrofidagilardan rang oladi. Agar uning yaqinlari oliyhimmat, maqsadli insonlar bo‘lsa, u ham ularga ergashib yuksalishga intiladi. Aksincha, hayotning maqsadini anglamagan kishilar bilan hamnafas bo‘lsa, asta-sekin ularning darajasiga tushib, tubanlashib boraveradi…

#dostlik

Hammani problemasi oʻziga yetarli))