#Islom_sivilizatsiyasi_forumi

💠 2026-yil 7–11-iyul kunlari Toshkent, Samarqand va Termiz shaharlarida I Xalqaro Islom sivilizatsiyasi forumi bo‘lib o‘tadi.

✅Forumning asosiy tadbirlari O‘zbekistondagi Islom sivilizatsiyasi markazida 7-8 iyul kunlari tashkil etiladi. 

🫥Forumda O‘zbekiston Respublikasi Prezidentining BMT Bosh assambleyasi 72-sessiyasida ilgari surgan g‘oyalari asosida islomning tinchlik, bag‘rikenglik va ilm-ma’rifat dini ekanligi, shuningdek, Yangi O‘zbekistonda bunyod etilgan O‘zbekistondagi Islom sivilizatsiyasi markazining ilmiy-ma’rifiy maskan sifatidagi o‘rni hamda allomalarimiz merosi bo‘yicha ma’ruzalar tinglanadi. 

🔹Forumning ikkinchi qismida 9-10 iyul kunlari Imom Buxoriy,  Imom Moturidiy, Imom Termiziy ilmiy merosi, “Islom sivilizatsiyasi va zamonaviy dunyo: meros, muloqot va taraqqiyot” mavzusidagi konferensiyalar Samarqand va Surxondaryo viloyatlarida davom etadi.

🌐 Forumda dunyoning turli mintaqalaridan tashrif buyuradigan taniqli olimlar, tadqiqotchilar, ulamolar, davlat va jamoat arboblari hamda xalqaro tashkilotlar rahbarlari ishtirok etadi.

🔵Nufuzli anjuman doirasida yalpi va sho‘ba majlislari, ilmiy-amaliy muhokamalar, xalqaro ko‘rgazmalar, noyob qo‘lyozmalar va tarixiy manbalar taqdimotlari, madaniy-ma’rifiy tadbirlar hamda mutaxassislar uchrashuvlari tashkil etiladi.

🤝 Mazkur forum islom sivilizatsiyasining umuminsoniy taraqqiyotga qo‘shgan hissasini ilmiy asosda yoritish, xalqaro akademik hamkorlikni rivojlantirish va yangi ilmiy tashabbuslarni qo‘llab-quvvatlash uchun muhim maydon vazifasini o‘taydi.

Imom Moturidiy xalqaro ilmiy-tadqiqot markazi
Telegram | Instagram | Facebook