Bir kishi boshqa bir insonni ajoyib tanqid qildi:

"U kishidan qalam ko‘tarilgan".

Eshitsa ham yetib borishi qiyinroq 😄😄

O‘z hayoti haqida o'ylamaydi, lekin Messi jahon chempioni bo‘lolmaganiga yig‘lab o‘tiradi...
Suf senga!

Shu kunlardagi issiqdan nolimasak ham boʻladi. Boshqa davlatlar, ayniqsa, ekvatorga yaqin mamlakatlarni koʻrsangiz ayni damda ularda “jahannam” boʻladi.

Dubaylik bir tanishimiz: “Bizda yilning olti oyida koʻchaga chiqish umuman imkonsiz, jahannamning oʻzginasi boʻladi”, degandi.

Bizning yurtlarda esa koʻchaga chiqib boʻlmaydigan darajadagi issiq deyarli boʻlmaydi.

#issiq

Bir ayol erini do‘stlari bilan ko‘chaga chiqishiga ruxsat bermabdi. Shunda er unga aytarmish:

“Esingda bo‘lsin, bir ayol mushugini qamab qo‘ygani sababli do‘zaxga tushgan... Sherni qamab qoʻyib, holing nima kecharkina?!”

#latifa

Toshkent islom institutining ilk magistrantlariga O‘zbekiston Respublikasi Prezidentining 20 million so‘m pul mukofoti sertifikatlari topshirildi.

#etibor

“Shunday odamlar borki, agar sendan ellikta hikmatli soʻz eshitsa ham, ulardan bittasini yodida saqlamaydi.

Ammo bir marta xato qilsang, oʻsha xatoni yodlab olib, qaysi majlisga bormasin, uni boshqalarga aytib yuradi”.

Imom Xattobiy

Sizlarga instagramdan video olib keldim. Bir baholab beringlarchi😊😊

https://www.instagram.com/reel/DbIyOygqHEX/?igsh=MW1meW53ZTU2NXpiNA==

“Nimani istayotganingizni tushunmayapman.

Sizlarga foydasi tegadi, degan umidda xorijiy matnlarni tarjima qilaman, klassik manbalardan noyob ma’lumotlarni saralab taqdim etaman. Negadir bunday postlar unchalik yoqmaydi.

Ammo oddiy bir choynakning rasmiga juda ko‘p layk va izoh berildi.

Sizlar juda qiziqsizlar.

Demak, yozganlarimizning bitta choynakchalik ham qadri yo'q ekan-da?!”

Anbiyo Yildirim

#haqiqat

Hayot menga koʻp ishlar (kishilar)ga beparvo boʻlishni oʻrgatmoqda.

#tajriba

1. Yaxshi farzand.
2. Yaxshi ota yoki ona.
3. Yaxshi er yoki xotin.
4. Yaxshi do‘st.
5. Yaxshi hamroh.
6. Yaxshi xodim yoki rahbar.
7. Yaxshi qo‘shni.
8. Va yana boshqa ko‘plab fazilatlar.

Asl insoniylik ana shu fazilatlarning barchasini o‘zida jamlashga intilishdir.

Shunday insonlar borki, ularda bu xislatlarning deyarli barchasi mujassam. Ularni ko‘rib havas qilasiz, o‘rnak olasiz.

Har birimiz kamchilikka yo'l qo'yayotgan jihatlarimizda bugungidan yaxshiroq inson bo‘lishga harakat qilishimiz kerak.

Siz qanday fikrdasiz?

Bot orqali | Anonim tarzda

Bir donishmand o‘g‘liga shunday nasihat qildi:

– Ey o‘g‘lim, hayoting davomida uch narsadan aslo voz kechma: Eng yaxshi taomni yeyishdan, eng yaxshi to‘shakda uxlashdan, eng yaxshi uylarda yashashdan.

Shunda o‘g‘il so'radi:
– Biz kambagʻal bo‘lsak, buni qanday uddalayman?

Donishmand javob qildi:
– Agar faqat qorning ochganda ovqatlanadigan bo‘lsang, yeyayotgan narsang eng yaxshi taom bo‘ladi. Agar mehnat qilib, charchoq bilan uxlasang, yotog‘ing eng yaxshi to‘shakka aylanadi. Agar odamlarga chiroyli muomala qilsang, ularning qalblarida yashaysan va shu orqali eng yaxshi uylarda yashagan bo‘lasan.

#nasihat #haqiqat